Actualitats
Inondacion istorica a Venècia
Lo cònsol màger a qualificat la situacion de “dramatica” e a demandat que se declare l’estat d’emergéncia
Aquel fenomèn se coneis coma “aiga nauta” e es abitual dins la capitala de la Serenissima Republica, ont las marèas causan d’aigats de temps en temps. Mas, aqueste còp, es estada excepcionala a causa d’una tièra de factors coma la luna plena, las bassas pressions, lo siròc (vent poderós del sud-èst) e las fòrtas pluèjas.
Lo cònsol màger de Venècia, Luigi Brugnaro a qualificat la situacion de “dramatica”. Brugnaro a sollicitat de la region que declare l’estat de crisi e del conselh dels ministres italian l’estat d’emergéncia. En mai d’aquò, a demandat als ciutadans e a las societats que sèrven de material e d’informacion per demostrar los degalhs patits.
Aqueste còp es la segonda “aiga nauta” pus nauta de l’istòria coneguda, solament superada per l’inondacion del 4 de novembre de 1966 quand l’aiga arribèt a 194 cm e causèt de fòrts damatges.
Situazione drammatica pic.twitter.com/gS63ZK2j3Q
— Luigi Brugnaro (@LuigiBrugnaro) November 12, 2019
⚠Anche oggi affrontando maree che segnano record negativi. Domani dichiareremo lo stato di calamità. Chiediamo al #Governo di aiutarci, i costi saranno alti. Questi sono gli effetti dei cambiamenti climatici. Il Mose va terminato presto. Domani scuole chiuse a Venezia e isole. pic.twitter.com/iD2Y7mbOBf
— Luigi Brugnaro (@LuigiBrugnaro) November 12, 2019
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari