Actualitats
Bolívia: almens nòu manifestants tuats per las balas de la polícia
De l’exili estant, Morales condemna la repression e cèrca una solucion. Mentretant, lo nòu govèrn bolivian perseguís los partisans de Morales
Almens nòu manifestants mòrts e un trentenat de nafrats es lo tragic bilanç de la repression que la patisson de protèstas popularas en Bolívia. Los manifestants mòrts son de partisans del president Evo Morales partit en exili.
De Mexic estant, Morales a condemnat aquela repression e a fach una crida a las fòrças de seguretat “d’arrestar lo massacre”. De son caire, lo Defensor del Pòble de Bolívia a denonciat una accion desproporcionada de la polícia, qu’a tirat de balas realas contra los manifestants.
Morales vòl tornar en Bolívia
Evo Morales a declarat que voldriá tornar en Bolívia, quitament se li permeton pas de concórrer a las eleccions. “Per la democracia, s’eles vòlon pas que participe a d’eleccions, ai pas cap de problema a i participar pas. Me demandi solament perqué tant de paur. S’apròva mon renonciament, soi ciutadan, torni coma un militant de basa per aduire mon experiéncia per tal que nos organizem per la campanha, e veirem ben qual pòt èsser lo candidat”.
En mai d’aquò, Morales diguèt a la cadena CNN que cercava que se tenguèsse una reünion nacionala amb totes los actors politics, amb o sens mediacion internacionala, per pacificar lo país.
De son latz, Jeanine Áñez, ara proclamada presidenta del país, afortís que se Morales torna al país serà jutjat per frauda electorala e per corrupcion presumida. Lo nòu govèrn bolivian a anonciat tanben la rompedura de sas relacions amb Veneçuèla e la persecucion dels emplegats de l’ambaissada d’aquel país, qu’a condemnat lo còp d’estat en Bolívia.
De Mexic estant, Morales a condemnat aquela repression e a fach una crida a las fòrças de seguretat “d’arrestar lo massacre”. De son caire, lo Defensor del Pòble de Bolívia a denonciat una accion desproporcionada de la polícia, qu’a tirat de balas realas contra los manifestants.
Morales vòl tornar en Bolívia
Evo Morales a declarat que voldriá tornar en Bolívia, quitament se li permeton pas de concórrer a las eleccions. “Per la democracia, s’eles vòlon pas que participe a d’eleccions, ai pas cap de problema a i participar pas. Me demandi solament perqué tant de paur. S’apròva mon renonciament, soi ciutadan, torni coma un militant de basa per aduire mon experiéncia per tal que nos organizem per la campanha, e veirem ben qual pòt èsser lo candidat”.
En mai d’aquò, Morales diguèt a la cadena CNN que cercava que se tenguèsse una reünion nacionala amb totes los actors politics, amb o sens mediacion internacionala, per pacificar lo país.
De son latz, Jeanine Áñez, ara proclamada presidenta del país, afortís que se Morales torna al país serà jutjat per frauda electorala e per corrupcion presumida. Lo nòu govèrn bolivian a anonciat tanben la rompedura de sas relacions amb Veneçuèla e la persecucion dels emplegats de l’ambaissada d’aquel país, qu’a condemnat lo còp d’estat en Bolívia.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Daissant de caire que Morales auriá pas degut çaganhar la constitucion per se perpetuar al poder e assumir que se presente un autre gavidaire de son partit, encara que risquèsse de pèrdre l'eleccion, i a quicòm que truca dins aquel trebolèri bolivian.
La garça que s'es autoproclamada presidenta brandís la Bíblia coma referéncia constitucionala: la charià a la crestiana qué!
Esperam que los mèdias nos daissen un pauc pausar sus las istòrias d'ipeachment e nos conten çò que se passa vertadièrament al país de las minas de liti.
Es pas un còp dels evangelistas per azard? Teleguidats per se sap qui? Tot aquò per metre la man sus l'aur blanc?
Quant aurem un "C dans l'air" seriós sul sicut?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari