Actualitats
Catalonha: an jutjat lo president de la Generalitat per aver refusat de levar un riban jaune
Es lo primièr còp de l’istòria de Catalonha que se jutja un president en exercici
Lo president de la Generalitat de Catalonha en foncions, Quim Torra, foguèt jutjat ièr davant la justícia espanhòla: es acusat de desobesisença per aver mantengut sul balcon del palais de la Generalitat una bandeiròla que demandava la libertat dels presonièrs politics, çò que lo Conselh Electoral de l’estat espanhòl aviá enebit. Lo ministèri public demanda que Torra siá inelegible pendent vint meses e que pague una multa de 30 000 èuros. De son caire, la defensa demanda la suspension del procès a causa de la parcialitat del tribunal, de la violacion de la presompcion d’innocéncia e del refús d’i far comparéisser los membres del Conselh Electoral que denoncièron Torra. Lo jutjament es ara remandat fins al verdicte.
Dins l’eleccion legislativa d’abril passat, lo Conselh Electoral de l’estat espanhòl aviá enebit tot simbòl de sosten als presonièrs politics catalans dins los edificis e mèdias publics. O faguèt en seguida del partit espanholista Ciutadans, que considerava que s’agissiá de simbologia partisana que poiriá influir sul vòte.
D’efièch, lo govèrn espanhòl aviá demandat a la polícia catalana, los Mòssis d’Esquadra, que levèsson eles los ribans jaunes. E dins aquel sens d’agents intrèron dins las escòlas per retirar totes los ribans jaunes del temps que la television de Barcelona, Betevé, se vesiá obligada de levar l’etiqueta “presonièrs politics” de son sit web d’informacions.
Quand lo Conselh Electoral prononcièt son interdiccion, lo president Quim Torra refusèt de retirar la bandeiròla del Palais de la Generalitat. Puèi, en seguida de la demanda del mediator de Catalonha, Rafel Ribó, cambièt la bandeiròla per una autra sens riban jaune. Enfin, foguèt forçat de la levar, e en sa plaça n’i placèt una autra que revendicava la “libertat d’opinion e d’expression” en mençonant l’article 19 de la Declaracion Universala dels Dreches Umans.
Dins l’eleccion legislativa d’abril passat, lo Conselh Electoral de l’estat espanhòl aviá enebit tot simbòl de sosten als presonièrs politics catalans dins los edificis e mèdias publics. O faguèt en seguida del partit espanholista Ciutadans, que considerava que s’agissiá de simbologia partisana que poiriá influir sul vòte.
D’efièch, lo govèrn espanhòl aviá demandat a la polícia catalana, los Mòssis d’Esquadra, que levèsson eles los ribans jaunes. E dins aquel sens d’agents intrèron dins las escòlas per retirar totes los ribans jaunes del temps que la television de Barcelona, Betevé, se vesiá obligada de levar l’etiqueta “presonièrs politics” de son sit web d’informacions.
Quand lo Conselh Electoral prononcièt son interdiccion, lo president Quim Torra refusèt de retirar la bandeiròla del Palais de la Generalitat. Puèi, en seguida de la demanda del mediator de Catalonha, Rafel Ribó, cambièt la bandeiròla per una autra sens riban jaune. Enfin, foguèt forçat de la levar, e en sa plaça n’i placèt una autra que revendicava la “libertat d’opinion e d’expression” en mençonant l’article 19 de la Declaracion Universala dels Dreches Umans.
Sí, vaig desobeir l’ordre de la JEC. Vaig complir el meu deure de President: defensar els drets i les llibertats dels ciutadans de Catalunya. Moltes gràcies a tots els que m’heu donat suport, el vostre escalf m’ha donat força! pic.twitter.com/xYgIs7e3Yw
— Quim Torra i Pla (@QuimTorraiPla) November 18, 2019
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#4
Me sembla qu'es ja le cas, non? Tanplan les chineses, cresi.
#2 Dinc gaire de temps sirá Turquia e Russia que prendrán exemple sobre Espanha...
Un president majoritariament elegit jutjat per un president tras que minoritari: ont es l"error?
(Sachent que la justícia es complètament politizada en Espanha)
Tot aquò es politic. Vòlon forçar d'eleccions en Catalonha, e se preparan a:
-illegalizar tot çò que poiran del mèdias catalans (an TV3 dins lo collimador e d'autres encara);
-inondar lors mèdias a eles, que son totes los autres levat de qualques excepcions (Público, El Jueves) de messorgas per condicionar l'electorat (coma o fan dins la rèsta d'Espanha).
Los catalans lor caldrà far rampèl a un vertadièr tsunami mediatic per se daissar pas colhonar.
En matèria de repression ubuèsca Espanha s'acòsta de mai en mai de Turquia e de Russia. Dins l'indiferència compliça de tota la classa politica europenca ben-pensanta.
E encara un delicte d'opinion : inculpat per defensa de la democracia e dels dreits umans. Aquí encara una pelha requista per cerar las cauçaduras de la comission europèa e del parlament europèu.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari