Actualitats
Rugbi de XIII: bèla entamenada de sason
Lo temps internacional es acabat. Las sasons novèlas se preparan en NRL, Superliga e Championship. L'Elèit 1 ven de lançar sa sason 2019-20
Alan Roch
Una Dimenjada Magica e dinamica
A l'estadi Domèc de Carcassona, Avinhon e Palau joguèron la primièra partida del campionat novèl dissabte de vèspre. Los provençals, mai joves, mai ofensius, mai inspirats e mai solidaris ganhèron 23-12 contra una formacion catalana que pareguèt sens èime. Puèi, Limós ganhèt lo dèrbi contra Lesinhan en faguent mens de fautas e en se mostrant mai disciplinat: 14-6. Se vegèt plan lo novèl mièg dels Roge e Negre Shaun Nona, alara qu'en Corbièras s'espèra l'arribada d'una legion estrangièra venguda del Pacific.
Dimenge, pas de Tolosa-St Gaudenç qu'une epidemia a tocat los tolosans. Vilanòva e Albi disputèron una partida equilibrada, ganhada fin finala pels aquitans: 16-14. Los Dragonets mostrèron qu'èran plan los campions en acabant mai fòrt la partida que Carcassona XIII: victòria catalana 21-14.
Al programa de la dimenjada qu'arriba: Dragonets-Lesinhan a Sant Estève (l’FCL jogarà sas partidas fins al 1r de genièr a l'exterior en esperant l'acabament dels trabalhs de reconstruccion de la tribuna de l'estadi del Molin), Avinhon-Carcassona (dissabte, acompanhat d'un solide sopar!), Palau-Limós, St Gaudenç-Albi e Vilanòva-Tolosa.
Los Leons suls genolhs
Catastrofica virada dels Leons britannics: aprèp la desfaita contra Tònga e las doas facia als Kiwis, an tanben perdut a Pòrt Moresby contra los Kumuls papós: 28-10. Dins la formacion de Papoa, jogavan lo Dragon David Mead e lo carcassonés Garry Lo.
Per faire bona mesura, victòria tanben de la formacion femenina locala fàcia a las anglesas: 20-16.
E las illas Cook que fan 16!
La 16a bilheta per prene part a la Copa del Mond de 2021 en Anglatèrra es per la formacion de las Illas Cook qu'a ganhat largament la partida de barratge a Jacksonville contra los Estats-Units: 38-16.
Los 16 qualificats son repartits en 4 grops en vista del tiratge al sòrt de las polas:
Se vòlon anar en quarts, los Blaus deuràn batre una formacion del Grop 4 (es dins lo domeni del possible) e una del Grop 2 (serà plan mai complicat).
Alan Roch
<br /><br /><a href="https://www.jornalet.com/socis" target="blank"><img alt="abonar los amics de Jornalet" id="Abonar los amics de Jornalet" src="https://www.jornalet.com/imatges/images/SOCI.jpg" /></a>
A l'estadi Domèc de Carcassona, Avinhon e Palau joguèron la primièra partida del campionat novèl dissabte de vèspre. Los provençals, mai joves, mai ofensius, mai inspirats e mai solidaris ganhèron 23-12 contra una formacion catalana que pareguèt sens èime. Puèi, Limós ganhèt lo dèrbi contra Lesinhan en faguent mens de fautas e en se mostrant mai disciplinat: 14-6. Se vegèt plan lo novèl mièg dels Roge e Negre Shaun Nona, alara qu'en Corbièras s'espèra l'arribada d'una legion estrangièra venguda del Pacific.
Dimenge, pas de Tolosa-St Gaudenç qu'une epidemia a tocat los tolosans. Vilanòva e Albi disputèron una partida equilibrada, ganhada fin finala pels aquitans: 16-14. Los Dragonets mostrèron qu'èran plan los campions en acabant mai fòrt la partida que Carcassona XIII: victòria catalana 21-14.
Al programa de la dimenjada qu'arriba: Dragonets-Lesinhan a Sant Estève (l’FCL jogarà sas partidas fins al 1r de genièr a l'exterior en esperant l'acabament dels trabalhs de reconstruccion de la tribuna de l'estadi del Molin), Avinhon-Carcassona (dissabte, acompanhat d'un solide sopar!), Palau-Limós, St Gaudenç-Albi e Vilanòva-Tolosa.
Los Leons suls genolhs
Catastrofica virada dels Leons britannics: aprèp la desfaita contra Tònga e las doas facia als Kiwis, an tanben perdut a Pòrt Moresby contra los Kumuls papós: 28-10. Dins la formacion de Papoa, jogavan lo Dragon David Mead e lo carcassonés Garry Lo.
Per faire bona mesura, victòria tanben de la formacion femenina locala fàcia a las anglesas: 20-16.
E las illas Cook que fan 16!
La 16a bilheta per prene part a la Copa del Mond de 2021 en Anglatèrra es per la formacion de las Illas Cook qu'a ganhat largament la partida de barratge a Jacksonville contra los Estats-Units: 38-16.
Los 16 qualificats son repartits en 4 grops en vista del tiratge al sòrt de las polas:
─ Grop 1 (los mai fòrts): Austràlia, Anglatèrra, Nòva Zelanda e Tònga
─ Grop 2: Samoa, Papoa-NG, Fiji, Liban
─ Grop 3: França, Escòcia, Jamaica, Galas
─ Grop 4 (los mens fòrts): Cook, Grècia, Itàlia e Irlanda.
─ Grop 2: Samoa, Papoa-NG, Fiji, Liban
─ Grop 3: França, Escòcia, Jamaica, Galas
─ Grop 4 (los mens fòrts): Cook, Grècia, Itàlia e Irlanda.
Se vòlon anar en quarts, los Blaus deuràn batre una formacion del Grop 4 (es dins lo domeni del possible) e una del Grop 2 (serà plan mai complicat).
Alan Roch
<br /><br /><a href="https://www.jornalet.com/socis" target="blank"><img alt="abonar los amics de Jornalet" id="Abonar los amics de Jornalet" src="https://www.jornalet.com/imatges/images/SOCI.jpg" /></a>
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari