Actualitats
Aran: un pas mai luènh per daverar la reconeissença de l’UNÈSCO
Segon lo sindic d’Aran, Francés Boya s’agís d’un procès qu’a “de méter en valor er auviatge naturau e culturau dera Val d’Aran, coma un espaci singular e unic”
Una còla d’expèrts sul desvolopament durable an vesitat aquestes jorns passats la Val d’Aran per entamenar un estudi que mene a la reconeissença de part de l’UNÈSCO del país de cap de Garona. La còla es bailejada pel Dr. Martí Boada de l’Universitat Autonòma de Barcelona e la compausa un grop de cercaires de mai d’una universitat qu’an per tòca d’obténer per Aran un labèl que li reconesca lo desvolopament economic en preservant son environament.
Lo projècte se desvoloparà en doas estapas. La primièra es un estudi sul patrimòni natural e cultural, sul desvolopament economic e uman duradís, sus la capacitat de realizar de projèctes de recèrca e sus l’establiment de dinamicas de desvolopament duradís. La segonda estapa consistirà a comparar las valors analisadas amb las proceduras determinadas per l’UNÈSCO per la reconeissença de las valors culturalas, patrimonialas e environamentalas aranesas.
Segon çò que rapòrta lo Conselh General d’Aran, es lo quite sindic, Francés Boya, qu’a prepausat l’idèa. Segon Boya, s’agís d’un procès qu’a “de méter en valor er auviatge naturau e culturau dera Val d’Aran, coma un espaci singular e unic”.
Un projècte entamenat en 2017
De fach, la Val d’Aran comencèt tre junh de 2017 son trabalh per obténer lo certificat de l’ÒNU de patrimòni natural, cultural, artistic e identitari. A aquela epòca foguèt lo qu’èra assessor de cultura e patrimòni del govèrn d’Aran, Jèp de Montoya, qu’entamenèt aquel trabalh en soslinhant coma aspèctes remarcables del país l’arquitectura de las glèisas aranesas e sos bens mòbles, las tradicions ancestralas coma lo “Bal der os”, los “Barbacans“ de Canejan o las quitas fèstas del fuòc de Les e Arties ja reconegudas per l’UNÈSCO,e tanben las installacions esportivas, toristicas, ludicas, ostalièras e gastronomicas, mas sustot la lenga, la cultura, l’istòra, l’identitat e la beutat dels païsatges.
Ara, Montoya ven d’assolidar a la redaccion de Jornalet qu’es content que l’actual govèrn aranés contunhe aquel prètzfach. “Tan melhor entath país”, çò s’es regaudit.
Lo projècte se desvoloparà en doas estapas. La primièra es un estudi sul patrimòni natural e cultural, sul desvolopament economic e uman duradís, sus la capacitat de realizar de projèctes de recèrca e sus l’establiment de dinamicas de desvolopament duradís. La segonda estapa consistirà a comparar las valors analisadas amb las proceduras determinadas per l’UNÈSCO per la reconeissença de las valors culturalas, patrimonialas e environamentalas aranesas.
Segon çò que rapòrta lo Conselh General d’Aran, es lo quite sindic, Francés Boya, qu’a prepausat l’idèa. Segon Boya, s’agís d’un procès qu’a “de méter en valor er auviatge naturau e culturau dera Val d’Aran, coma un espaci singular e unic”.
Un projècte entamenat en 2017
De fach, la Val d’Aran comencèt tre junh de 2017 son trabalh per obténer lo certificat de l’ÒNU de patrimòni natural, cultural, artistic e identitari. A aquela epòca foguèt lo qu’èra assessor de cultura e patrimòni del govèrn d’Aran, Jèp de Montoya, qu’entamenèt aquel trabalh en soslinhant coma aspèctes remarcables del país l’arquitectura de las glèisas aranesas e sos bens mòbles, las tradicions ancestralas coma lo “Bal der os”, los “Barbacans“ de Canejan o las quitas fèstas del fuòc de Les e Arties ja reconegudas per l’UNÈSCO,e tanben las installacions esportivas, toristicas, ludicas, ostalièras e gastronomicas, mas sustot la lenga, la cultura, l’istòra, l’identitat e la beutat dels païsatges.
Ara, Montoya ven d’assolidar a la redaccion de Jornalet qu’es content que l’actual govèrn aranés contunhe aquel prètzfach. “Tan melhor entath país”, çò s’es regaudit.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Damandèm l'alargament de la nocion de "Val d'Aran" del Pòrt dera Bonaiga fins al Bocau de Manciet a la Punta de Medòc ! Espaci occitan singular… e gaireben unic, que i a tanben Provença e Massís Central, que non vesi gaire multiples…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari