CiU e ERC an pactat l’aprobacion d’una Lei de consultas l’an que ven. La consulta per l’independéncia se poirà solament ajornar se las doas fòrças o pactan. L’acòrdi permetrà a Artur Mas de contunhar coma President de la Generalitat de Catalonha. Dijòus e divendres se debanarà lo debat de l’investidura de Mas coma president.

Catalonha celebrarà una consulta sus l’independéncia l’an 2014, una data de grand simbolisme pel pòble catalan, 300 ans après la casuda de Barcelona jos las tropas borbonosas e la pèrda de l’independéncia en 1714. Los caps de Convergéncia e Union (CiU) e d’Esquèrra Republicana de Catalonha (ÈRC), Artur Mas e Oriol Junqueras, se son acordats per que lo vòte se faga dins dos ans, après qu’en 2013 s’apròve una Lei catalana de consultas. Amb una majoritat de 71 deputats sus 135, las doas formacions an pro de vòtes per far aprovar aquela lei dins lo Parlament.
 
L’acòrdi implica qu’ÈRC sostendrà Mas al debat d’investidura que se celebrarà deman e divendres, çò anoncièt ièr dimars la presidenta del Parlament, Núria de Gispert.
 
Consulta en 2014, levat se i a un acòrdi per l’ajornar
 
Lo president d’ÈRC, Oriol Junqueras, a anonciat que la consulta se farà en 2014. Sonque se poiriá ajornar se los dos partits foguèsson d’acòrdi en ajornar lo vòte, çò a dich lo cap dels republicans catalans.
 
Se prevei que los autres partits catalans e d’esquèrra, ICV-EUiA e la CUP, sostendràn la convocacion de la consulta, çò que fa qu’87 deputats (65% del Parlament) seràn favorables a aquel vòte.
 
 
 
 
_____
Mai informacions:
 
Nationalia: “Acord per celebrar l’independència el 2014”
Vilaweb: “CiU i ERC tanquen l’acord: consulta el 2014”
Ara: “Declaració de sobirania al primer ple i consulta el 2014: l'acord entre CiU i ERC”
El Punt Avui: “Acord tancat”
Televisió de Catalunya: “CiU i ERC tanquen un acord de governabilitat que estableix la consulta el 2014”
The Guardian: Catalonia joins Scotland in push for 2014 independence vote
The New York Times: Spain: Separatist Catalan Parties Announce Alliance
Reuters: Catalan parties agree pact with eye on 2014 secession vote
Le Monde: Accord en Catalogne pour un référendum d’autodétermination en 2014
France TV: Les indépendantistes Catalans s’accordent pour un référendum d’autodétermination en 2014
EiTB: CIU, ERC reach agreement to call independence referendum before 2015
Le Parisien: Catalogne: accord des nationalistes pour un référendum en 2014
Globo: Catalunha deve ter referendo sobre autodeterminação em 2014
El País: CiU y ERC pactan la consulta de autodeterminación para 2014
Terra Colombia: Nacionalistas catalanes acuerdan convocar referéndum en 2014 
Berria: Independentziari buruzko galdeketa 2014an egitea  hitzartu dute CiUk eta ERCk
RTL.be: Catalogne: référendum d’autodétermination en 2014
Ansa: Catalogna:intesa referendum indipendenza
Sevenska Dagbladet: Politisk pakt klar i Katalonien