Actualitats
Un autre tren per la manifestacion de París
Per que i aja mai de mond, lo CRÈO de l’acadèmia de Tolosa organiza un tren per i anar
Lo dissabte 30 de novembre de 2019, coma ja o sabètz, se ten la manifestacion per l’ensenhament de las lengas regionalas a París a 11h devant lo Ministèri de l’Educacion Nacionala, Carrièra de Grenelle. Per que i aja mai de mond, lo CRÈO de l’acadèmia de Tolosa organiza un tren per i anar. L’anar se fa en tren de nuèit SNCF lo divendres 29 de novembre, a 22h00, de la gara SNCF Tolosa Matabuòu, e l’arribada es a 6h34 a París-Austerlitz. Lo retorn se fa lo dissabte 30 de novembre, aprèp la manifestacion de totas las lengas de França, a 14h38 a París-Austerlitz, e arriba a 21h20 Tolosa Matabuòu. Lo CRÈO de l’acadèmia de Tolosa a pres 50 plaças e vos demanda de reservar lèu al corric: CRÈOtoulouse@gmail.com. Los cal dire vòstres nom, prenom, atge, telefonet, adreiça electronica e se volètz una liechòta o pas. Vos confirmaràn la resèrva per retorn del corric, e es tot. Pel prètz, lo CRÈO de Tolosa a decidat d’aplicar lo principi de la liura participacion, cadun pagarà segon sos mejans çò que permetrà als caumaires, als estudiants, als dròlles e autres de venir gratis amb nosautres. Per informacion, pels que vòlon pagar lors plaças, lo prètz del viatge anar e tornar: 66 euros/persona sens liechòta e 95 èuros per persona amb liechòta. Lo CRÈO recebrà d’ajudas dels deputats Molac e Alfonsi, de la canhòta e la de la FÈLCO-CRÈO per pagar aquestas còstas. Las inscripcions son dubèrtas a totas e tots! Doblidetz pas vòstras pancartas e drapèls e difusatz aquesta informacion!
Podètz ajudar lo CRÈO pel tren en participar a la canhòta en clicant aicí.
Nicolau Rei Bèthvéder
Podètz ajudar lo CRÈO pel tren en participar a la canhòta en clicant aicí.
Nicolau Rei Bèthvéder
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Jo som republican, non pas partidari dels nobles, mas la causa mai importanta qu' a la cultura Occitana son los trobadors, e cal o mostrar, en los moments dificils per exigir lo qu'es mereis la lenga d'Oc, e tamben per estar orgulhosos. Pos vesem de novel florir. Guilhem de Peitieu.,Quan lo riu de la fontana s'esclarzís. Jaufré Rudel, etc; unas dos mil cincentas poesias, mai de quatre cents poetas. Exibir los trobadors son lo nostre orgulh e prestigi, e mos pot servir per recobrar lo que nos pertoca. Un cordial salut Peire Vidal.
#1 Mon car Francesc, fraire del sud de las nòstras tèrras comunas, cresi que t'enganas de sègle, a mon grand regret !… E mai s'a ieu tanben, mai m'agrada un pros mòrt qu'un avol viu…
A manifestar-se Occcitans e Catalans. La gran lenga dels trobadors es manifesta a París. Obrin la manifestacion las xeremias de cabreta e lo flaujòl e tamborin, acompanats de molta gent amb cartelhs dels grans Torbadors: Bernart de Ventadorn, Comtessa de Dia, Marcabrú, Guilhem de Berguedà, J. Rudel, Guilhem de Peitieu, Lo Rei Alfons, Raimbaut d'Aurenga, Guilhem de Cabestany, etc. Puei un conjunt de joglars amb lo son anunciador del rebèc, puei li contesta la flauta, s'i afegeis lo tambor, los tamborins, e alors fasent un gran esclafit de joia tots ensems, la trompa, la viola de roda, lo laut, lo salteri picant las cordas metal·licas amb los ferrets, una explosió de gaudi e plaer, per las nostra lengas guanhar.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari