Actualitats
Una exfiltracion de documents revèla l’accion dels servicis secrets iranians en Iraq contra l’independéncia de Curdistan
Los papièrs confidencials, publicats per
“Evitar qu’un Curdistan independent se separe d’Iraq, çò que menaçariá l’estabilitat regionala e l’integritat territoriala iraniana”. Es aital que The New York Times explica un dels “prètzfaches principals” de l’operacion de l’intelligéncia iraniana en Iraq pendent los darrièrs ans, segon una exfiltracion de 700 paginas de documents secrets que l’an publicada lo quotidian nòvayorkés e The Intercept.
Los dos mèdias afirman qu’an “verificat l’autenticitat dels documents”, mas pas l’identitat de la persona que los a mandats “anonimament”, e que ditz qu’o a fach per “far conéisser al Mond çò que fa Iran dins [son] país, Iraq”.
Aqueles documents expausan que, a l’epòca de l’expansion maximala de l’autoproclamat Estat Islamic (2014 e 2015), Iran auriá balhat de sosten militar a la Region Autonòma del Curdistan d’Iraq per que luchèsse contra l’organizacion fondamentalista sunnita. En contrapartida, auriá recebut de contractes dins lo sector del petròli.
Los papièrs, totjorn segon çò que publica The New York Times, revèlan tanben que lo primièr ministre curd d’alavetz, Nechirvan Barzani, auriá rescontrat en 2014 d’importants oficials estatsunidencs e britanics e lo primièr ministre iraquian Haider Al Abadi. “Gaireben immediatament, [Barzani] anèt rescontrar un oficial iranian per o li explicar tot”.
Aquelas manòbras semblan d’aver cercat de sosténer la tòca finala de Teheran, segon los documents revelats: manténer l’estat d’Iraq unit e lo tresmudar en un estat client d’Iran, que per aquela rason auriá trabalhat per “infiltrar cada aspècte de la vida politica, economica e religiosa” del país, çò escriu lo jornal nòvayorkés.
The Intercept apond que lo sosten iranian al govèrn autonòm curd demesiguèt progressivament en favor del govèrn central iraquian e de divèrsas milícias aràbias shiitas. E en 2017, après lo referendum d’independéncia organizat per las autoritats curdas, Iran sostenguèt la campanha militara iraquiana que permetèt a Bagdad d’empachar la secession e de tornar occupar de territòris anteriorament contrarotlats per las fòrças curdas.
Aquesta nòva es adaptada de Nationalia amb qui Jornalet ten un acòrdi de cooperacion.
Los dos mèdias afirman qu’an “verificat l’autenticitat dels documents”, mas pas l’identitat de la persona que los a mandats “anonimament”, e que ditz qu’o a fach per “far conéisser al Mond çò que fa Iran dins [son] país, Iraq”.
Aqueles documents expausan que, a l’epòca de l’expansion maximala de l’autoproclamat Estat Islamic (2014 e 2015), Iran auriá balhat de sosten militar a la Region Autonòma del Curdistan d’Iraq per que luchèsse contra l’organizacion fondamentalista sunnita. En contrapartida, auriá recebut de contractes dins lo sector del petròli.
Los papièrs, totjorn segon çò que publica The New York Times, revèlan tanben que lo primièr ministre curd d’alavetz, Nechirvan Barzani, auriá rescontrat en 2014 d’importants oficials estatsunidencs e britanics e lo primièr ministre iraquian Haider Al Abadi. “Gaireben immediatament, [Barzani] anèt rescontrar un oficial iranian per o li explicar tot”.
Aquelas manòbras semblan d’aver cercat de sosténer la tòca finala de Teheran, segon los documents revelats: manténer l’estat d’Iraq unit e lo tresmudar en un estat client d’Iran, que per aquela rason auriá trabalhat per “infiltrar cada aspècte de la vida politica, economica e religiosa” del país, çò escriu lo jornal nòvayorkés.
The Intercept apond que lo sosten iranian al govèrn autonòm curd demesiguèt progressivament en favor del govèrn central iraquian e de divèrsas milícias aràbias shiitas. E en 2017, après lo referendum d’independéncia organizat per las autoritats curdas, Iran sostenguèt la campanha militara iraquiana que permetèt a Bagdad d’empachar la secession e de tornar occupar de territòris anteriorament contrarotlats per las fòrças curdas.
Aquesta nòva es adaptada de Nationalia amb qui Jornalet ten un acòrdi de cooperacion.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Qué ?!! Los Curds aurián mai d'un enemic ? Un pauc coma los Catalans, qué !… Lo Catalans an gaireben tota Euròpa ordoliberala contra eles…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari