Actualitats
Arriba lo primièr filme de l’istòria en lenga dels signes catalana
Una invasion extraterrèstra fa servir de mejans sonòrs per far desaparéisser los abitants de la Tèrra. Un grop de personas sordas que vendrà la darrièra esperança per la salvacion de l’umanitat
Ara s’es anonciat lo primièr filme de l’istòria en lenga dels signes catalana (LSC) que sa primièra projeccion se tendrà en 2020. Entitolat Peixos (Peisses), lo filme es estat realizat per Ivan Mulero segon un scenari de Pablo Navarro, e i an participat d’actors sords e ausidors.
L’istòria conta una invasion d’alienigènas qu’emplegan de mejans sonòrs per eliminar los abitants de la Tèrra. Alavetz, es un grop de personas sordas que vendrà la darrièra esperança per la salvacion de l’umanitat.
En 2016, se difusèt sus Internet la sèria Peixos de nòu capítols de dètz minutas cadun que sus un ton de comèdia parlavan al grand public de la realitat sòcioculturala de la vida vidanta de las personas sordas. Coma dins lo filme, l’LSC èra la lenga veïculara de la sèria, qu’èra accessibla als ausidors gràcias als sostítols.
Lo filme “cèrca d’arribar al grand public per far conéisser a la societat la comunautat sorda e consolidar lo vam que se produtz en Catalonha aquestes tempses per que lo teatre e al cinèma en LSC arribe a totòm e siá un potent esplech de normalizacion de l’LSC”, çò soslinha lo scenarista Pablo Navarro.
Lo filme es estat realizat gràcias al Cercle d’Artistas Sords Units (ASU) amb lo sosten de la Direccion Generala de la Politica Lingüistica de la Generalitat de Catalonha.
L’istòria conta una invasion d’alienigènas qu’emplegan de mejans sonòrs per eliminar los abitants de la Tèrra. Alavetz, es un grop de personas sordas que vendrà la darrièra esperança per la salvacion de l’umanitat.
En 2016, se difusèt sus Internet la sèria Peixos de nòu capítols de dètz minutas cadun que sus un ton de comèdia parlavan al grand public de la realitat sòcioculturala de la vida vidanta de las personas sordas. Coma dins lo filme, l’LSC èra la lenga veïculara de la sèria, qu’èra accessibla als ausidors gràcias als sostítols.
Lo filme “cèrca d’arribar al grand public per far conéisser a la societat la comunautat sorda e consolidar lo vam que se produtz en Catalonha aquestes tempses per que lo teatre e al cinèma en LSC arribe a totòm e siá un potent esplech de normalizacion de l’LSC”, çò soslinha lo scenarista Pablo Navarro.
Lo filme es estat realizat gràcias al Cercle d’Artistas Sords Units (ASU) amb lo sosten de la Direccion Generala de la Politica Lingüistica de la Generalitat de Catalonha.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Òsca per aqueste film !
Mès aquesta lenga deu signes , deuré èster un mejan naturau de comunicar per cadun : la boca e las aurelhas / o las mans e los ulhs . Coma l' escritura, seré un mejan silenciós de comunicar . Tròbi curiós que degun n'i pensi pas .
Sovent plan utila tanben seré per tots , los qu'entenen o non , cada còp que PARLAR n'es pas possible, o dangèirós.
Atau poirem comunicar en silenci , shens héser nat brut /o au lunh shens cridar / o parlar a quauqu'un que vei mès ne pòt pas enténer o parlar per una rason o una auta .
La lenga deus signes deuré èster apresa damb lo b.a ba deus gèstes de seguritat.
Los sords serén personas…. com las autas. E andicapats los que saurén sonque PARLAR !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari