Actualitats
Lo govèrn interimari de Bolívia denóncia formalament Evo Morales per sedicion e terrorisme
Lo nòu executiu demandarà tanben son inculpacion davant la Cort Penala Internacionala
Lo govèrn interimari de Bolívia, presidit per Jeanine Áñez, a fach sa denóncia al ministèri public per delictes de sedicion e terrorisme contra lo president Evo Morales e son ministre de la presidéncia, Juan Ramón Quintana, per lors supausats messatges d’incitacion a la violéncia.
Lo ministre de l’Interior bolivian, Arturo Murillo, a menat la còla que se gandiguèt divendres passat al Ministèri Public a la Paz per formalizar la denóncia, compte tengut de pròvas que considèra “claras” contra los dirigents del partit de Morales, lo Movement Devèrs lo Socialisme (MAS segon sa sigla en espanhòl).
Ansin, repròcha a Quintana d’aver fach una crida a “tresmudar Bolívia en un Vietnam” e d’aver demandat d’assetjar las principalas vilas per far cabussar lo govèrn. Lo meteis Murillo a publicat una supausada convèrsa telefonica entre Morales e un dirigent sindical dins la quala lo president exiliat en Mexic auriá ordenat de donar “dura batalha als faissistas e racistas”.”Es ora de combat, combat, combat”, çò ditz la votz atribuida a Morales, que demanda especificament als sieus que fagan de “sètges vertadièrs” de manièra qu’”entre pas de manjar dins las vilas”.
Morales denóncia un montatge
L’executiu provisòri de Bolívia a tanben previst de presentar aquela convèrsa davant la Cort Penala Internacionala (CPI) per reclamar una inculpacion de Morales per crimes contra l’umanitat.
“Los que devon èsser preocupats per la Cort Penala Internacionala son Añez i Murillo, pels crimes de lèsa-umanitat que cometon, en ordenant als militars d’assassinar mas sòrres e fraires, en temptant de cobrir aqueles delictes amb un decret illegal”, çò respondèt Evo Morales sus son compte de Twitter, ont denoncièt un montatge.
Lo ministre de l’Interior bolivian, Arturo Murillo, a menat la còla que se gandiguèt divendres passat al Ministèri Public a la Paz per formalizar la denóncia, compte tengut de pròvas que considèra “claras” contra los dirigents del partit de Morales, lo Movement Devèrs lo Socialisme (MAS segon sa sigla en espanhòl).
Ansin, repròcha a Quintana d’aver fach una crida a “tresmudar Bolívia en un Vietnam” e d’aver demandat d’assetjar las principalas vilas per far cabussar lo govèrn. Lo meteis Murillo a publicat una supausada convèrsa telefonica entre Morales e un dirigent sindical dins la quala lo president exiliat en Mexic auriá ordenat de donar “dura batalha als faissistas e racistas”.”Es ora de combat, combat, combat”, çò ditz la votz atribuida a Morales, que demanda especificament als sieus que fagan de “sètges vertadièrs” de manièra qu’”entre pas de manjar dins las vilas”.
Morales denóncia un montatge
L’executiu provisòri de Bolívia a tanben previst de presentar aquela convèrsa davant la Cort Penala Internacionala (CPI) per reclamar una inculpacion de Morales per crimes contra l’umanitat.
“Los que devon èsser preocupats per la Cort Penala Internacionala son Añez i Murillo, pels crimes de lèsa-umanitat que cometon, en ordenant als militars d’assassinar mas sòrres e fraires, en temptant de cobrir aqueles delictes amb un decret illegal”, çò respondèt Evo Morales sus son compte de Twitter, ont denoncièt un montatge.
Los que tienen que estar preocupados por la Corte Penal Internacional son Añez y Murillo, por los crímenes de lesa humanidad que están cometiendo, al ordenar a los militares a asesinar a mis hermanas y hermanos, tratando de cubrir estos delitos con un decreto ilegal.
— Evo Morales Ayma (@evoespueblo) November 21, 2019
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Nichts Neues im Westen! que escrivia Ramarque en 18. Coma en Espanha, mes encara més béstia -si aquò és possible.
NB. que me clami Artur en los papièrs (certificat de Naixement de la Segonda Republica Espanhola), non pas ArturO. Grandmercés.
#1 “Los que devon èsser preocupats per la Cort Penala Internacionala son Añez i Murillo, pels crimes de lèsa-umanitat que cometon, en ordenant als militars d’assassinar mas sòrres e fraires, en temptant de cobrir aqueles delictes amb un decret illegal”, çò respondèt Evo Morales sus son compte de Twitter…
Manca de biais, Morales, per far valer Paratge. Li vau fa passar l'anti-epitafi a Simon de Montfòrt. Tindarà plan melhor encara !
— Lo govèrn interimari de Bolívia denóncia formalament Evo Morales per sedicion e terrorisme ! Perqué, es catalanista al reialme borbon d'Espanha ?
— Mas non, colhonet ! Fa lo Gilet Jaune en França, e refusa sistematicament de daissar los amòris defensors armats dels interèsses privats del grand capital internacional trepejar lo cap de las vièlhas dòmnas qu'an sacadas pel sòl…
— A… Compreni melhor !!! O s'es plan cercat !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari