Las fòrtas pluèjas que tombèron aquesta dimenjada sus l’èst d’Occitània an provocat de tragèdias e de catastròfas al país. Almens quatre personas son mòrtas, dont un parelh d’abitants de Grassa, que los an trobat mòrts dins lor veïcul, e un òme a Cabassa (Brinholenc). Un dels imatges pus esglasiants d’aquel tempèri es lo d’un ostal de Boion (País de Grassa) copat en dos per un torrent de fanga après un esbodenament.
 

À Bouyon, dans la nuit de samedi à dimanche, un glissement de terrain d'1m50 a provoqué un éboulement qui a traversé une maison... et l'eau s'écoule à travers. Les 5 occupants et leurs animaux sont indemnes et ont été relogés par des voisins. pic.twitter.com/Ze6ZHpO8Cf

— Nice-Matin (@Nice_Matin) November 24, 2019

 
Los degalhs dins l’èst de Provença e dins lo Comtat de Niça son grèus, Nice-Matin ne fa un seguiment.
 
 
Un pont de l’autoestrada tombat en Ligűria
 
Un pont de l’autoestrada A6 en Ligúria tombèt aqueste dimenge passat a causa dels auratges. Lo pont aviá una longor de 50 mètres e se trobava a l’entorn de Savona, sus l’autoestrada que jonh la còsta ligura amb Turin. Per ara, sembla que i a pas de victimas. 
 
Segon lo president regional, Giovanni Toti, avián barrat la circulacion dins l’autoestrada a causa del resquilhatge del terren, que provoquèt la casuda del pont. Aquel resquilhatge a tanben destruch una estrada locala.
 

Floods cause chaos in France and Italy: A bridge collapsed near the Italian city of Savona, and several rivers burst their banks in south-east France. https://t.co/ut2q3aYxnipic.twitter.com/BOUkRKdbmE

— Bendypragnell (@bendypragnell) November 24, 2019

 
Ara, la societat SIAS, que gerís l’autoestrada, a dobèrt una enquista per avalorar la situacion.
 
Fa un an, tombèt un autre pont d’autoestrada, aquel còp près de Gènoa, en causant la mòrt de 43 personas.