Actualitats
Rugbi de XIII: Lesinhan anóncia la color
Las alèrtas metèo (interdiccion de partida Avinhon-Carcassona) e un risc d’epidemia de gautissons (Tolosa se desplaça pas a Vilanòva) an reduch a 3 las partidas jogadas en Elèit 1 aquesta dimenjada
Alan Roch
Elèit 1: partidas dobèrtas
Los Dragonets e Lesinhan avián rendètz-vos dissabte de vèspre a Sant Estève. Los audencs joguèron amb plan de vam, prenguèron d’avança a la marca, puèi resistiguèron al retorn catalan per confirmar en fin de partida una bèla victòria 32-16.
A Palau, dimenge, Limós ataquèt fòrt e susprenguèt los Cavals locals: 20-4 a la pausa pels vesitaires. Dins lo segond temps, Palau remontèt a la marca, mas la defensa audenca, las fautas de man e los contras confirmèron la victòria de Limós 26-10.
A Sent Gaudenç, los Orses pensèron de mestrejar la partida, mas dins las darrièras minutas, Albi, amb un tombat e un ensag transformat, reversèt la situacion per ganhar: 21-14.
Al programa de la dimenjada: Limós reçauprà Vilanòva; Carcassona reçauprà Palau; Lesinhan anirà a Albi e Avinhon a St Estève. Demòra d’esperar que los tolosans sián d’ataca per jogar lor primièra partida contra lo vesin Sent Gaudenç.
Elèit 2: Baó se reviscòla
En Catalonha, se teniá lo revenge de la finala “animada” del campionat passat. Los audencs de Vilagalhenc Argon menèron lèu-lèu 16-0, puèi los catalans tornèron faire lor retard per s’impausar 30-22.
Dins las autras partidas, doas victòrias a l’exterior: Carpentràs a Lion 26-18 e l’Escura a Entraigas: 32-14 e dos cartons: Vilafranca bat Illa 50-10 e Selon ganha lo dèrbi provençal: 54-16 contra Tolon.
Vilafranca pren lo cap del classament (17 punts per 6 partidas), seguit per Pià e Carpentràs (16 punts per 6 partidas)
Se’n parla
A despart d’aquò, se parla d’un possible retorn de clubs del país en Cup anglesa, d’una partida internacionala d’Anglatèrra dins l’emisfèri sud a la prima, de la fin del projècte-sèrp de mar Super XIII, de la possibla arribada d’un pilar anglés als Dragons... E de plan d’autras causas que la paraula, los sòmis e las realitats tenon una plaça de primièra dins la vida vidanta del XIII!
Alan Roch
Los Dragonets e Lesinhan avián rendètz-vos dissabte de vèspre a Sant Estève. Los audencs joguèron amb plan de vam, prenguèron d’avança a la marca, puèi resistiguèron al retorn catalan per confirmar en fin de partida una bèla victòria 32-16.
A Palau, dimenge, Limós ataquèt fòrt e susprenguèt los Cavals locals: 20-4 a la pausa pels vesitaires. Dins lo segond temps, Palau remontèt a la marca, mas la defensa audenca, las fautas de man e los contras confirmèron la victòria de Limós 26-10.
A Sent Gaudenç, los Orses pensèron de mestrejar la partida, mas dins las darrièras minutas, Albi, amb un tombat e un ensag transformat, reversèt la situacion per ganhar: 21-14.
Al programa de la dimenjada: Limós reçauprà Vilanòva; Carcassona reçauprà Palau; Lesinhan anirà a Albi e Avinhon a St Estève. Demòra d’esperar que los tolosans sián d’ataca per jogar lor primièra partida contra lo vesin Sent Gaudenç.
Elèit 2: Baó se reviscòla
En Catalonha, se teniá lo revenge de la finala “animada” del campionat passat. Los audencs de Vilagalhenc Argon menèron lèu-lèu 16-0, puèi los catalans tornèron faire lor retard per s’impausar 30-22.
Dins las autras partidas, doas victòrias a l’exterior: Carpentràs a Lion 26-18 e l’Escura a Entraigas: 32-14 e dos cartons: Vilafranca bat Illa 50-10 e Selon ganha lo dèrbi provençal: 54-16 contra Tolon.
Vilafranca pren lo cap del classament (17 punts per 6 partidas), seguit per Pià e Carpentràs (16 punts per 6 partidas)
Se’n parla
A despart d’aquò, se parla d’un possible retorn de clubs del país en Cup anglesa, d’una partida internacionala d’Anglatèrra dins l’emisfèri sud a la prima, de la fin del projècte-sèrp de mar Super XIII, de la possibla arribada d’un pilar anglés als Dragons... E de plan d’autras causas que la paraula, los sòmis e las realitats tenon una plaça de primièra dins la vida vidanta del XIII!
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari