Actualitats
Per François Alfonsi, la reforma Blanquer “es un veritable lingüicidi, amb los metòdes d’un totalitarisme”
L’eurodeputat còrs vesitèt diluns passat Ais de Provença dins l’encastre d’un acte per encoratjar lo mond a participar a la manfestacion de dissabte venent a París
La reforma Blanquer “es un veritable lingüicidi, amb los metòdes d’un totalitarisme”. Atal la definiguèt diluns passat l’eurodeputat còrs François Alfonsi dins sa vesita a Ais de Provença. Alfonsi vesitèt la vila provençala dins l’encastre d’un acte per encoratjar lo mond a participar a la manifestacion de dissabte venent a París, segon la crida que l’a facha lo collectiu Per Que Viscan Nòstras Lengas. “L’estat crèa una agregacion de lengas regionalas, mentre que redutz a ren lo coeficient d’aquestei au bachelierat”, çò diguèt de son caire lo baile dels joves del Felibritge, Paulin Reynard, çò rapòrta Aquò d’Aquí.
“Blanquer prepausa un enterrament e s’estona que volgam pas morir”, çò diguèt Alfonsi, qu’èra convencut que la manifestacion de dissabte seriá “fondadora d’un movement pròpri a far recular lo ministre, malgrat lo rotlèu compressor del jacobinisme, que suportam pas”. Dins aquel sens, Alfonsi ramentèt qu’Euròpa es pas ostila a la diversitat de las lengas, a la diferéncia de França, e que tot aquela riquesa lingüistica es un patrimòni europèu e non pas unicament francés. “Sèm en Euròpa, ont la diversitat es possibla, s'es pas valorizada, e nòstras lengas apartenon a Euròpa, França a pas de destruire aquel patrimòni europèu”.
Per que viscan nòstras lengas
Dissabte que ven a París manifestaràn los defensors de la subrevivéncia de l’occitan amb los alsacians, arpitans, bascos, bretons, catalans, còrses e flamencs. Las diferentas associacions d’ensenhaires de las lengas autoctònas perseguidas per las politicas lingüicidas de l’estat deploran la granda reculada dels escassas ressorsas que las avián dins l’educacion publica francesa après la reforma del ministre Blanquer. Organizat dins un collectiu sonat Per Que Viscan Nòstras Lengas, aquel grand recampament se ten a partir d’11h davant lo ministèri dich de l’Educacion Nacionala.
Per Occitània, la FÈLCO e los diferents collectius per l’ensenhament de l’occitan (CRÈO) dins las divèrsas circonscripcions escolaras sonadas acadèmias an apelat totes los ensenhaires d’occitan a i participar. La protèsta ten lo supòrt majoritari de l’occitanisme, mai que mai de Calandreta e de l’Institut d’Estudis Occitans.
Lo collectiu Per Que Viscan Nòstras Lengas a aviat una peticion sus change.org adreiçada al ministre francés de l’educacion per protestar contra sa reforma que met grèvament en perilh las lengas autoctònas autras que lo francés.
Los signataris planhon lo nivèl de feblesa qu’an atench aquelas lengas, e asseguran que lor subrevivéncia es en question. Tanben soslinhan l’esfòrç màger que devon far las populacions concernidas per salvagardar aquel patrimòni lingüistic e cultural. A mai, denóncian las successivas politicas lingüicidas de l’estat francés e soslinhan qu’a l’ora d’ara existís pas cap de volontat reala de metre en plaça de vertadièras politicas lingüisticas eficaças.
La situacion de l’ensenhament es essencial a la transmission e a la vitalitat d’aquelas lengas, e per tant, se condemna la reforma Blanquer e sas “consequéncias terriblas”, que se demòstran amb la “casuda dramatica dels efectius d’escolans inscriches en lengas regionalas”.
Lo collectiu se bat per l’ensenhament de l’occitan, del basco, del breton, del catalan, del còrs, del flamenc, de l’alemand local, de l’arpitan, de las lengas d’oïl, dels creòls e de las lengas autoctònas dels territòris d’otramar. Cridan a la mobilizacion generala contra lo ministre Blanquer dont la politica mena a un vertadièr lingüicidi.
“Blanquer prepausa un enterrament e s’estona que volgam pas morir”, çò diguèt Alfonsi, qu’èra convencut que la manifestacion de dissabte seriá “fondadora d’un movement pròpri a far recular lo ministre, malgrat lo rotlèu compressor del jacobinisme, que suportam pas”. Dins aquel sens, Alfonsi ramentèt qu’Euròpa es pas ostila a la diversitat de las lengas, a la diferéncia de França, e que tot aquela riquesa lingüistica es un patrimòni europèu e non pas unicament francés. “Sèm en Euròpa, ont la diversitat es possibla, s'es pas valorizada, e nòstras lengas apartenon a Euròpa, França a pas de destruire aquel patrimòni europèu”.
Conf de presse à l’Oustau Provenço Aix en Pce avec les acteurs langue d’oc pour dénoncer le linguicide de l’Education Nale contre les langues régionales. Tous à Paris samedi 30/11. Sus au Ministère rue de Grenelle. Contre la réforme Blanquer. @RetPS @Paul_Molac pic.twitter.com/ibcgTiImZG
— François Alfonsi (@F_Alfonsi) November 26, 2019
Per que viscan nòstras lengas
Dissabte que ven a París manifestaràn los defensors de la subrevivéncia de l’occitan amb los alsacians, arpitans, bascos, bretons, catalans, còrses e flamencs. Las diferentas associacions d’ensenhaires de las lengas autoctònas perseguidas per las politicas lingüicidas de l’estat deploran la granda reculada dels escassas ressorsas que las avián dins l’educacion publica francesa après la reforma del ministre Blanquer. Organizat dins un collectiu sonat Per Que Viscan Nòstras Lengas, aquel grand recampament se ten a partir d’11h davant lo ministèri dich de l’Educacion Nacionala.
Per Occitània, la FÈLCO e los diferents collectius per l’ensenhament de l’occitan (CRÈO) dins las divèrsas circonscripcions escolaras sonadas acadèmias an apelat totes los ensenhaires d’occitan a i participar. La protèsta ten lo supòrt majoritari de l’occitanisme, mai que mai de Calandreta e de l’Institut d’Estudis Occitans.
Lo collectiu Per Que Viscan Nòstras Lengas a aviat una peticion sus change.org adreiçada al ministre francés de l’educacion per protestar contra sa reforma que met grèvament en perilh las lengas autoctònas autras que lo francés.
Los signataris planhon lo nivèl de feblesa qu’an atench aquelas lengas, e asseguran que lor subrevivéncia es en question. Tanben soslinhan l’esfòrç màger que devon far las populacions concernidas per salvagardar aquel patrimòni lingüistic e cultural. A mai, denóncian las successivas politicas lingüicidas de l’estat francés e soslinhan qu’a l’ora d’ara existís pas cap de volontat reala de metre en plaça de vertadièras politicas lingüisticas eficaças.
La situacion de l’ensenhament es essencial a la transmission e a la vitalitat d’aquelas lengas, e per tant, se condemna la reforma Blanquer e sas “consequéncias terriblas”, que se demòstran amb la “casuda dramatica dels efectius d’escolans inscriches en lengas regionalas”.
Lo collectiu se bat per l’ensenhament de l’occitan, del basco, del breton, del catalan, del còrs, del flamenc, de l’alemand local, de l’arpitan, de las lengas d’oïl, dels creòls e de las lengas autoctònas dels territòris d’otramar. Cridan a la mobilizacion generala contra lo ministre Blanquer dont la politica mena a un vertadièr lingüicidi.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Esperi que la manifestacion de deman sia un èxit de participacion, e que la gent de París es posi a favor dels manifestants e de la lenga dels Trobadors
La reforma Blanquer non destruge solament las lengas regionalas, mas tanben las lengas autras que l'anglés, en particular l'italian, que perde dins plan de licèus la lenga A, la lenga C e l'especialitat.
La reforma Blanquer “es un veritable lingüicidi, amb los metòdes d’un totalitarisme”. O dire non basta pas ; o cal probar, e se pròba aisidament. Lo metòdi es totalitari dins la mesura que çò annonciat pel candidat Macron anava dins un sens, e qu'après èsser estat elegit, complís exactament lo contrari de çò qu'annonciava, sense cap discutida ni consultacion, nos assignant a disparéisser.
Aquò, la macronalha non a pas l'exclusivitat de la practica de la solucion finala, nos concernissent. Tot çò complit despuèi lo sègle XIV al nivèl del poder francés cor dins lo meteis sens, inexorablament.
Per alestir una politica favorabla a la lenga occitan, caldriá al mens (e non es segur que bastariá) una politica comparabla a la que salvèt lo catalan del temps de Jòrdi Pujòl, president del Principat. Economicament, èra çò qu'èra, mas me'n chauti : pel catalan, èra clarament, indiscutiblament catalanista, res mai, ni res mens.
#1
Europa es estada bastida pels americans, ambe banquièrs : Jean Monnet (dich paire de l’europa) e sa tissa pels afars financièras internacionalas,
Fuguèc un banquièr d’investissament ambe la firma Blair ans co., puèi la banca of america, puèi en 1932 cargat d’entolhar un consòrtium financièr internacional, per lo desvolopament de China, la China desvolopament finanças corporacion en s’apevant sus las bancas americanas e françesas.
Puèi Rockfeller ambe sos dos bavastels (marionnettes, mannequins) Mario Draghi e Jean-Claude Trichet que fan partida del G30 sostengut per qualques amics que sostenan plan segur (https://group30.org/about/supporters) .
Tre la debuta europa es bastida per la finança internacionala.
Aquò es pas una empacha a una istòria fintissa (fictive) destinada als pòbles, l’europa qu’apara, qu’assegura la creissença e patin cofin.
Per fargar una occitània segur que cal èsser d’aquel monde de la finança internacionala es a nosaus de i dintrar !
Atal salvarem nòstra lenga, nòstra cultura e nòstra pís vengut un paradís fiscal (s’agabtan pas las moscas ambe vinagre).
E Lo Blanquer fa çò que li fuguèc dich de far ! tanplan coma philippe, tanplan coma macron... cal èsser plan creserèls per crèire qu'an un poder, fa plan temps que n'an cap lo darnier fuguèc Pompidor e enquèra pas segur.
Illusion que l'Euròpe defend las lengas regionalas e la diversitat tot cort. França, Espânha, Euròpe quò es la mesme politica e es pus d'actualitat de far jugar Euròpe contre França.
Quantben de maires defenden las lengas dicha regionalas? Perqué en sem arribats aqui? Quò es pas en paiar gratuitament lo tren a daus manifestants que quò cambara quauqu'a ren.
Quò es pas en separar la lenga de la realitat economica, sociala, politica, e autre que l'òm i arribara. Fai longtemps qu'auriam deu bastir un movement enracinar dins la societat.
Lo discors d'Alfonsi; l'ai deja auver dins las annadas 1980/90 : Euròpe defend las lengas regionalas; França es contre!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari