Rambalh politic en Aran après qu’Aran Amassa a publicat una nòta per soslinhar l’amolonament de cargas que las tenon divèrses elegits dels dos partits majoritaris. Lo partit de l’esquèrra aranesa se pausa la question “s’ua madeisha persona pòt desvolopar es prètzhèts pròpris des sòns 2 cargues damb era madeisha eficacitat e qualitat qu'ac poderien hèr dues persones que se dediquèssen exclusivament a un solet”.
 
Aran Amassa remarca que dels 13 conselhièrs generals que representan lo país al Conselh General, 8 an tanben una autra carga, dont 4 son de cònsols màgers. E mai remarcan que lo cònsol màger de Bossòst ten tres cargas en tot èsser tanben deputat provincial e conselhièr encargat del departament de governacion del Conselh General d’Aran.
 
Pasmens, denóncian lo cas del sindic d’Aran, Francés Boya, coma “excepcionalament grèu”. Boya es tanben conselhièr municipal a la comuna de Les, çò que contraven a l’article 42.2 de la Lei d’Aran.