Actualitats
Madrid: Sarkozy afirma que l’independentisme catalan es un “problèma” de portada europèa
Dins una conferéncia facha amb Aznar, l’èx-president francés afirmèt que “l’unitat d’Espanha es fondamentala per l’estabilitat d’Euròpa”
L’èx-president francés Nicolas Sarkozy faguèt dimars passat una conferéncia a Madrid amb l’èx-primièr ministre espanhòl José María Aznar. Aquí Sarkozy diguèt que l’independentisme catalan èra un “problèma” de portada europèa. Dins aquel sens Sarkozy assegurèt que l’unitat d’Espanha es fondamentala per l’estabilitat d’Euròpa e reconeguèt publicament qu’aquel afar “es pas un problèma exclusivament d’Espanha” mas “per tota Euròpa”. A mai, comparèt l’independentisme amb lo Brexit, amb un poison e amb una pèrda creissenta d’aiga e lancèt l’alarma que l’independéncia de Catalonha pòt afectar Escòcia e las regions del nòrd d’Itàlia.
De son caire, Aznar exprimiguèt son angoissa davant una situacion que considèra el coma un “risc maximal” per l’unitat d’Espanha se lo PSÒE fa un pache amb los “chavistas” de Podèm, que per el seriá una coalicion “radicala” d’esquèrra “gastada pel secessionisme e l’independentisme”. Per Aznar, lo fach que los “comunistas” fagan partida del govèrn “pel primièr còp après la guèrra civila” romprà la transicion espanhòla.
L’èx-president del govèrn espanhòl revendiquèt sa responsabilitat d’“alçar la votz” e avisèt qu’acceptariá pas, ni mai veiriá ni viuriá cap de possibilitat qu’impliquèsse la rompedura de l’unitat d’Espanha.
Veson l’immigracion coma un problèma
Tant Aznar coma Sarkozy assegurèron que i a un problèma de seguretat en Euròpa. Segon Aznar, las frontièras son “jos una pression enòrma”, e apondèt que la consequéncia èra lo multiculturalisme arribat dins las societats occidentalas amb los migrants. Aquò, segon Aznar, a provocat “lo populisme de drecha e lo d’esquèrra”. “Las societats multiculturalas rompon l’escala de valors qu’avèm dins los païses occidentals perque genèran mai de radicalismes e de confrontacion”, çò afirmèt.
De son latz, Sarkozy defendèt “la diferéncia” davant “l’egalitat”, e considerèt que l’egalitat “existís pas e es pas desirabla”. L’èx-president francés diguèt que caliá “respectar e aimar la diferéncia” e “quitar de prometre l’egalitat” perque “çò qu’es egalitari es pas just”.
<br /><br /><a href="https://www.jornalet.com/socis" target="blank"><img alt="abonar los amics de Jornalet" id="Abonar los amics de Jornalet" src="https://www.jornalet.com/imatges/images/SOCI.jpg" /></a>
De son caire, Aznar exprimiguèt son angoissa davant una situacion que considèra el coma un “risc maximal” per l’unitat d’Espanha se lo PSÒE fa un pache amb los “chavistas” de Podèm, que per el seriá una coalicion “radicala” d’esquèrra “gastada pel secessionisme e l’independentisme”. Per Aznar, lo fach que los “comunistas” fagan partida del govèrn “pel primièr còp après la guèrra civila” romprà la transicion espanhòla.
L’èx-president del govèrn espanhòl revendiquèt sa responsabilitat d’“alçar la votz” e avisèt qu’acceptariá pas, ni mai veiriá ni viuriá cap de possibilitat qu’impliquèsse la rompedura de l’unitat d’Espanha.
Veson l’immigracion coma un problèma
Tant Aznar coma Sarkozy assegurèron que i a un problèma de seguretat en Euròpa. Segon Aznar, las frontièras son “jos una pression enòrma”, e apondèt que la consequéncia èra lo multiculturalisme arribat dins las societats occidentalas amb los migrants. Aquò, segon Aznar, a provocat “lo populisme de drecha e lo d’esquèrra”. “Las societats multiculturalas rompon l’escala de valors qu’avèm dins los païses occidentals perque genèran mai de radicalismes e de confrontacion”, çò afirmèt.
De son latz, Sarkozy defendèt “la diferéncia” davant “l’egalitat”, e considerèt que l’egalitat “existís pas e es pas desirabla”. L’èx-president francés diguèt que caliá “respectar e aimar la diferéncia” e “quitar de prometre l’egalitat” perque “çò qu’es egalitari es pas just”.
Sarkozy reconeix que la independència de Catalunya 'no és un problema exclusivament' d'Espanya, sinó 'per a tota Europa' https://t.co/u8OefIl6G0
— VilaWeb (@VilaWeb) November 26, 2019
<br /><br /><a href="https://www.jornalet.com/socis" target="blank"><img alt="abonar los amics de Jornalet" id="Abonar los amics de Jornalet" src="https://www.jornalet.com/imatges/images/SOCI.jpg" /></a>
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Dos pagats per lo capitalisme internacional e la banca mundiala. Sense comentaris.
Dos andolfis se rescontran, de que contan ? D'istorias d'andolfis. Quin interrès dins las parladissas d'aqueles dos andolfis que son en pus de hasbeen ? Pas cap.
Aqueles dos, cadun son torn, se vegèron presidents d'Euròpa après lors mandats dins lors païses respectius.
Lor cal demandar lo meteis otal de retirada per poder parlar del temps que se pensavan èsser quicòm.
Qun es l'autre clown a costat de Roberto Begnini?
De Caribde en Scilla ! La pègra que parla a la pègra…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari