Actualitats
Lo terrorista de Londres èra en libertat condicionala
L’avián condemnat en 2012 per aver planificada una ataca amb d’explosius. Dissabte, tuèt doas personas amb un cotèl abans d’èsser abatut per la polícia
L’autoproclamat Estat Islamic a revendicat l’atemptat que lo patiguèt Londres dissabte passat quand un òme ataquèt amb un cotèl lo mond que passejavan, e tuèt doas personas. La polícia l’abatèt. L’assalhidor se nomenava Usman Khan e èra condemnat a 16 ans de preson per de delictes restacats amb lo terrorisme jihadista mas se trobava en libertat condicionala e portava un identificador electronic.
L’avián condemnat en 2012 per aver planificada una ataca amb d’explosius a la Borsa de Londres, a Big Ben e a l’abadiá de Westminster e per aver organizat un camp d’entraïnament de jihadistas en Pakistan. Ara, lo Ministèri britanic de l’Interior s’es engatjat a revisar la susvelhança de las personas que sortisson en libertat condicionala amb un identificador electronic coma lo que portava Usman Khan.
Segon The Guardian, Khan e d’autras 8 personas s’èran declarats colpables de conspirar per las atacas amb d’explosius mençonadas, e las reconeguèron inspiradas per Al Qaida. The Guardian afortís que lo jutge que prononcièt la senténcia aviá dich que Khan e dos autres acusats èran “los jihadistas mai importants” e qu’aviá recomandat que foguèsson pas meses en libertat fins que foguèsse segur qu’èran pas pus una menaça.
A l’Aia
Mentretant, a l’Aia, la polícia arrestèt un òme qualques oras après qu’aguèt agarrit lo mond d’una zòna comerciala amb un cotèl en nafrant tres gojats d’entre 13 e 15 ans que son ja sortits de l’espital. E mai l’agression siá fòrça semblabla a la de Londres, la polícia ditz que sembla pas brica un acte terrorista. Lo detengut es un òme de 35 ans sens domicili fixe.
L’avián condemnat en 2012 per aver planificada una ataca amb d’explosius a la Borsa de Londres, a Big Ben e a l’abadiá de Westminster e per aver organizat un camp d’entraïnament de jihadistas en Pakistan. Ara, lo Ministèri britanic de l’Interior s’es engatjat a revisar la susvelhança de las personas que sortisson en libertat condicionala amb un identificador electronic coma lo que portava Usman Khan.
Segon The Guardian, Khan e d’autras 8 personas s’èran declarats colpables de conspirar per las atacas amb d’explosius mençonadas, e las reconeguèron inspiradas per Al Qaida. The Guardian afortís que lo jutge que prononcièt la senténcia aviá dich que Khan e dos autres acusats èran “los jihadistas mai importants” e qu’aviá recomandat que foguèsson pas meses en libertat fins que foguèsse segur qu’èran pas pus una menaça.
A l’Aia
Mentretant, a l’Aia, la polícia arrestèt un òme qualques oras après qu’aguèt agarrit lo mond d’una zòna comerciala amb un cotèl en nafrant tres gojats d’entre 13 e 15 ans que son ja sortits de l’espital. E mai l’agression siá fòrça semblabla a la de Londres, la polícia ditz que sembla pas brica un acte terrorista. Lo detengut es un òme de 35 ans sens domicili fixe.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Las doás personas tuadas per aquel terrorista islamista participàvan, çò díson, a la reinsercion dels presonièrs. La polícia, plan pus eficaça, lo deradicalisèt radicalament en qualquas minutas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari