Comencèt diluns a Madrid la Conferéncia de l’ÒNU sul cambiament climatic (CÒP25) amb un fach escandalós e vergonhable. La companhiá pus importanta d’electritat de l’estat espanhòl, Endesa, èra presenta sus las primièras paginas d’uèch jornals importants amb lo títol “Endesa mena lo cambiament devèrs una societat sens emissions”. La societat, considerada coma la pus polluenta de l’estat espanhòl segon l’Observatòri de la Sostenibilitat, aviá pagat coma publicitat aquela primièra pagina, e esponsoriza la CÒP25.
 
Mas Endesa es pas la sola societat polluenta qu’aja profechat de l’eveniment per blanquir son imatge. Repsol, una de las principalas societats petrolièras, a publicat una anóncia dins los mèdias que ditz: “L’avenir s’arrèsta pas, nosautres tanpauc. La benvenguda a la Cima del Clima 2019 CÒP25”. E mai la societat electrica Iberdrola pairina l’eveniment.
 
Endesa es una de las societats estatalas privatizadas pels govèrns de Felipe González e de José María Aznar; a balhat de pòstes de direccion a un èx-president del govèrn, cinc ministres e una longa lista d’elegits e de nauts responsables publics.
 

Avui @Endesa ha comprat les portades de toooots els diaris per anunciar una "societat lliure d'emissions" de CO2.

Divendres un informe independent deia que @Endesa que és l'empresa espanyola que més CO2 emet, triplicant la segona: https://t.co/J9UcmkUAljpic.twitter.com/CAhxqj4Ml4

— Xavi Rossinyol (@XaviRossinyol) December 2, 2019

 

«L'anunci, pagat en ocasió de la cimera sobre el clima de les Nacions Unides, diu que Endesa encapçala 'el canvi cap a una societat lliure d'emissions'. Cosa que és simplement mentida, per més que figure a la portada.» I Editorial de @vpartalhttps://t.co/CgPCSHZlSO

— VilaWeb (@VilaWeb) December 3, 2019

 
Participacion del sindic d’Aran
 
Lo sindic d’Aran, Francés Boya, a participat a la CÒP25 en qualitat de president de l’Associacion Espanhòla de las Comunas de Montanha, çò rapòrta Eldiario.es. Boya participèt a una taula ronda ont defendèt un cambiament del “concèpte de desvolopament” e critiquèt la manca de politicas publicas pels endreches pus despoblats.
 

Eth sindic d’Aran, en qualitat de president dera Associacion esMontañas, a participat aué ena cima contra eth cambi climatic (COP25) en Madrid, en un collòqui sus era gestion activa des espacis forestaus coma recurs estrategic entath desvolopament sostenible pic.twitter.com/k5bnS2J5u9

— Conselh Generau Aran (@conselharan) December 2, 2019