Actualitats
Malta: lo primièr ministre demissionarà a causa de l’enquista sus l’assassinat de Daphne Caruana Galizia
Lo Partit Trabalhista elegirà son nòu cap dins un procès que se deu conclure lo 12 de genièr
Lo primièr ministre de Malta, Joseph Muscat, a anonciat que demissionariá lo 12 de genièr, quand lo Partit Trabalhista elegirà son successor. Muscat es tocat per l’enquista sus l’assassinat de la jornalista Daphne Caruana Galizia.
“Mon moment es acabat”, çò diguèt dins un discors per la television maltesa TVM en anonciant que demissionariá coma president del govèrn e tanben coma cap del Partit Trabalhista. Dins aquel sens, anoncièt que se metèt al trabalh per que lo partit elegiguèsse son nòu cap dins un procès que se deu acabar lo 12 de genièr. Muscat n’aviá previament assabentat lo president de la republica, George Vella.
A respècte de l’assassinat de Caruana Galizia, Muscat assegurèt qu’aviá totjorn tengut sa paraula de facultar las informacions per l’enquista sus l’afar. Quitament diguèt que “degun es pas al dessús de la lei”, que dins los dos darrièrs ans a pres tot plen de decisions dificilas, mas que “tot aquel pes es pas res, comparat amb lo que l’a degut suportar la familha de Daphne Caruana Galizia”.
Lo primièr ministre aviá promés que demissionariá se lo famós òme d’afars Yorgen Fenech èra inculpat dins l’enquista sus l’assassinat de la jornalista, çò que se passèt dissabte. Fenech a implicat dins lo murtre lo cap del gabinet de Muscat, Keith Schembri, amb qui partejava d’interèsses dins de societats qu’avián lor sèti en Panamà o Dubai. Schembri foguèt detengut e interrogat e puèi mes tornarmai en libertat davant l’abséncia d’elements que permetèsson de lo daissar en preson, çò a explicat la polícia.
Una jornalista qu’aviá desvelat de cases de corrupcion
Daphne Caruana-Galizia foguèt tuada en octòbre de 2017 a causa de la fòrta explosion que la patiguèt sa veitura. Doas setmanas abans, aviá dich a la polícia que crenhiá per sa seguretat.
Aviá 53 ans e èra fòrça coneguda per la publicacion d’informacions que desvelavan de famoses cases de corrupcion del país. O fasiá per mejan de son blòg Running Commentary. Aquí denoncièt que lo ministre de l’energia Konrad Mizzi èra mençonat dins los Papièrs de Panamà e pus tard, raportèt quitament que lo primièr ministre del país e sa femna beneficiavan de l’offshore Egrant.
Segon una recèrca de Reuters, Fenech èra proprietari d’una societat secreta sonada 17Black que finançava de societats secretas de Panamà que son proprietat de Schembri e de Konrad Mizzi, ministre del torisme.
“Mon moment es acabat”, çò diguèt dins un discors per la television maltesa TVM en anonciant que demissionariá coma president del govèrn e tanben coma cap del Partit Trabalhista. Dins aquel sens, anoncièt que se metèt al trabalh per que lo partit elegiguèsse son nòu cap dins un procès que se deu acabar lo 12 de genièr. Muscat n’aviá previament assabentat lo president de la republica, George Vella.
A respècte de l’assassinat de Caruana Galizia, Muscat assegurèt qu’aviá totjorn tengut sa paraula de facultar las informacions per l’enquista sus l’afar. Quitament diguèt que “degun es pas al dessús de la lei”, que dins los dos darrièrs ans a pres tot plen de decisions dificilas, mas que “tot aquel pes es pas res, comparat amb lo que l’a degut suportar la familha de Daphne Caruana Galizia”.
Lo primièr ministre aviá promés que demissionariá se lo famós òme d’afars Yorgen Fenech èra inculpat dins l’enquista sus l’assassinat de la jornalista, çò que se passèt dissabte. Fenech a implicat dins lo murtre lo cap del gabinet de Muscat, Keith Schembri, amb qui partejava d’interèsses dins de societats qu’avián lor sèti en Panamà o Dubai. Schembri foguèt detengut e interrogat e puèi mes tornarmai en libertat davant l’abséncia d’elements que permetèsson de lo daissar en preson, çò a explicat la polícia.
Una jornalista qu’aviá desvelat de cases de corrupcion
Daphne Caruana-Galizia foguèt tuada en octòbre de 2017 a causa de la fòrta explosion que la patiguèt sa veitura. Doas setmanas abans, aviá dich a la polícia que crenhiá per sa seguretat.
Aviá 53 ans e èra fòrça coneguda per la publicacion d’informacions que desvelavan de famoses cases de corrupcion del país. O fasiá per mejan de son blòg Running Commentary. Aquí denoncièt que lo ministre de l’energia Konrad Mizzi èra mençonat dins los Papièrs de Panamà e pus tard, raportèt quitament que lo primièr ministre del país e sa femna beneficiavan de l’offshore Egrant.
Segon una recèrca de Reuters, Fenech èra proprietari d’una societat secreta sonada 17Black que finançava de societats secretas de Panamà que son proprietat de Schembri e de Konrad Mizzi, ministre del torisme.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
A! Aguèsse agut Jupitèr coma president, auriá pas agut besonh de demissionar encara!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari