capçalera campanha

Actualitats

LengaPolitica

L’occitan existís pas per France Bleu

Lo mèdia a raportat la manifestacion de dissabte passat a París en amagant l’existéncia de l’occitan

| @francebleu
La manifestacion de dissabte passat a París per las lengas minorizadas de l’estat francés a agut un resson mendre dins la premsa francesa. A mai, France Bleu la rapòrta en ignorant l’arpitan e l’occitan, coma se non existiguèsson pas.
 
E mai illustren la nòva amb un drapèl occitan, l’informacion publicada per France Bleu mençona “lo basc, lo còrs, lo breton, lo catalan, lo creòl, l’alsacian amb d’autras lengas vivas”. Se la nòstra seriá una de las “autras lengas vivas”? O sembla pas, a ne jutjar per la carta que publican sus Twitter.
 
 
 
 


abonar los amics de Jornalet
 
 

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

Guilhem Pujol
25.

Cal que l'OPLO ataca en justicia France Bleu e porta planh per difusion volontària de fake news e occitanofobia. Los musulmans, femenistas, anti-racistas, vegans..eca... sabon força plan engimbrar talas accions mediaticas e aquo paga totjorn. En pus de sensibilisar l'opinion al linguicidi silencios practicat en tota impunitat per França, aquo permetria tanben a l'OPLO de nos provar ENFIN qu'es DE VERTAT al servici de la lenga nostra.

  • 4
  • 0
Pitaluga
24.

A ieu tanpauc m'a pas respondut.

Es un tipe de mala fe. A besonh d'anar espepissar los papièrs del ministèri per saupre qu'i a l'occitan.
O alara es d'una ignorància qu'es pas de creire. Es çò que disi: de mala fe. El, e tota la redaccion de France Bleu.

  • 3
  • 0
Où praube linhatge abusat
23.

#21 Arrogància abituala de la jornalistalha francèsa aparisenquida de cap en cima e que se pren per la sal de la tèrra. Se en pus fas arremarcar al besuquet qu'es un pesolh revengut sortit de la "Province" !

  • 4
  • 0
Guilhem Pujol
22.

#20 Mercès plan d'o precisar. La causa es d'autant mai espantanta e ne ditz long sul seu autor. Aquo qu'es encara mai sorprenent es qu'aquesta mapa faussa e volontàriament farlabicada es estada implicitament aprovada per Radio Bleu qu'i a res trobat de messorguièr per la daissar publicar sul seu siti. Marca-mau se passèja...

  • 5
  • 0
Gerard Cairon Florentin d Albigés
21.

#20 A ieu, m'a pas respondut; benlèu que li agradèt pas que lo remandèssi a sas originas occitanas....

  • 4
  • 0

Escriu un comentari sus aqueste article