Occitània tota, franc de la Val d’Aran, las Valadas e Mónegue, viu uèi una jornada de cauma generala, coma tot l’estat francés, e s’espèra que siá la pus granda dempuèi 1995. Se pensa que i aurà de repercussions especialas sul transpòrt de personas (mètro, trens, avions…) e de mèrças, e tanben sus l’ensenhament public, suls foncionaris de las administracions e sul sector de l’energia.
Se protèsta contra una polemica reforma de las pensions de retirada que vòl impausar un sistèma unic que faga desaparéisser los 42 regims de retirada existents a l’ora d’ara, segon lo mestièr.
Aquel nòu sistèma foncionariá per ponches, es a dire que l’argent que los salariats cotizan per pagar las pensions dels retirats serà tresmudat en de ponches que se transformaràn en una pension mesadièra lo jorn de la retirada. Los sindicats qualifican la reforma d’ultraliberala e asseguran que farà davalar fòrça las pensions. En mai d’aquò, la pension se recalcularà en foncion de la situacion economica e del PIB. Totes los ans comptaràn per la transformacion en ponches: tanben los ans de salaris fòrça basses, o los ans de caumatge o de pausas. Atal, los sindicats calculan qu’amb aqueles cambiaments las pensions demeniràn d’entre un 20% a un 30%.
L’autre aspècte polemic de la reforma es lo retard de l’edat de retirada, qu’a l’ora d’ara es establit a 62 ans.
Lo govèrn francés crenh una cauma coma la de 1995
Cada còp que se convòca una cauma importanta dins l’estat francés, lo govèrn crenh una paralisi del país coma la de 1995, quand una cauma generala —tanben contra la reforma del sistèma de las retiradas mas tanben per la seguretat sociala— foguèt una reüssida pels participants a las protèstas. Lo govèrn reculèt après una cauma de tres setmanas perque tota la Republica èra blocada.
Dins l’encastre actual, cal apondre lo malcontentament de fòrça sectors socials envèrs la politica economica de Macron e las revendicacions dels Gilets Jaunes que fa mai d’un an que protèstan. Mas al delà d’eles, i a tot plen de mond que manifestaràn uèi perque veson en perilh lor pension de retirada, mai que mai lo personal dels establiments publics e quitament los policièrs que son fustibulats.
Mas benlèu es dins lo sector de l’educacion que la cauma serà mai seguida. En mai de la reforma Blanquer, qu’a provocat de protèstas dins tot lo sector, es un dels mai tocats per la reforma de las pensions.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 Dejós cada comentari i a un boton que ditz "comentari inadeqüat". Los legeires que se senton ofenduts per de comentaris masclistas, omofòbs o xenofòbs pòdon quichar aquel boton e atal n'avertir la redaccion. Puèi la direccion del Jornalet a lo drech d'escafar aqueles comentaris senhalats se considèra que respèctan pas "las nòrmas basicas d'educacion, civisme e dialòg". Coma es indicat aicí dejós de l'ecran.
Après legir qualques unes dels vòstres comentaris racistas, m'estonariá pas que foguèsse estat lo cas.
Los partis politics se troban dins un cul de sac talament son descredats de pertot. Qui vai instaurar una autra democracia, una democracia vertardiera? Es pas lo Tartarin de Tarascon que podia pas parlar e contranhat son institutot perqu'ilh avia fach de las estudis. E lo Tartarin ensenhant d'uei o simplament salariat, a pas envejat de se pausar aquela question. Prefera revendicar sa paia, sas subvencions, sa retirada pusleu que pensar a la democracia, au cambiament de poder que de tota faiçon vai se pausar sens tardar d'autant mai que risquen que tot lo sistem financier, economiic, bancaire fachan bancarota dins pauc de temps.
Ente es la democracia quand fasam fisança a daus esperts scientifics o autres que son corompus, a daus jornalistes qu'obeissan a los que dominan, a de las eleccions que son trucadas a comencet per l'inegalitat entre las ideologias dominentas e las minorisadas o colonisadas?
En tant qu'occitanistes, anam aceptar que se contunia la politica centralista, meprisosa per la Provinça e son identitat. O ben anam aver un discors mai ofensiu?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
#3 Pecaire, aprep lo Weinstein e l'Epstein, tu tanben mon paure Terralstein, aquelas de Me Too t'an clavat ? Remember Alamo !
#3 Dejós cada comentari i a un boton que ditz "comentari inadeqüat". Los legeires que se senton ofenduts per de comentaris masclistas, omofòbs o xenofòbs pòdon quichar aquel boton e atal n'avertir la redaccion. Puèi la direccion del Jornalet a lo drech d'escafar aqueles comentaris senhalats se considèra que respèctan pas "las nòrmas basicas d'educacion, civisme e dialòg". Coma es indicat aicí dejós de l'ecran.
Après legir qualques unes dels vòstres comentaris racistas, m'estonariá pas que foguèsse estat lo cas.
#3 Benlèu un efièch colateral d'aquel maccarthysm neo-feminist qu'agrada tant a la bobotalha ?
Poiriái saber perqué mon comentari a "Chile: l’accion contra la violéncia masclista qu’a capvirat lo Mond" es estat suprimat ?
E apres la maifestacion, quala sega?
Los partis politics se troban dins un cul de sac talament son descredats de pertot. Qui vai instaurar una autra democracia, una democracia vertardiera? Es pas lo Tartarin de Tarascon que podia pas parlar e contranhat son institutot perqu'ilh avia fach de las estudis. E lo Tartarin ensenhant d'uei o simplament salariat, a pas envejat de se pausar aquela question. Prefera revendicar sa paia, sas subvencions, sa retirada pusleu que pensar a la democracia, au cambiament de poder que de tota faiçon vai se pausar sens tardar d'autant mai que risquen que tot lo sistem financier, economiic, bancaire fachan bancarota dins pauc de temps.
Ente es la democracia quand fasam fisança a daus esperts scientifics o autres que son corompus, a daus jornalistes qu'obeissan a los que dominan, a de las eleccions que son trucadas a comencet per l'inegalitat entre las ideologias dominentas e las minorisadas o colonisadas?
En tant qu'occitanistes, anam aceptar que se contunia la politica centralista, meprisosa per la Provinça e son identitat. O ben anam aver un discors mai ofensiu?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari