Actualitats
Dotze mòrts en dètz jorns a causa dels auratges sus l’èst d’Occitània
Lo bilanç final dels auratges que los a patits Provença e lo Comtat de Niça es fòrça tragic
Las fòrtas pluèjas que son tombadas an daissat 12 mòrts en 10 jorns en Provença. Sièis de las victimas defuntèron dimenge, dont dos òmes qu’èran sortits per veire cossí se carrejavan lors animals. A Frejús (Esterèu), l’aiga emportèt e tuèt lo proprietari d’una escudariá qu’ensajava de salvar las bèstias. A Sant Pau (País de Faiença), lo tempèri emportèt un pastor qu’èra sortit dins sa veitura 4x4 per salvar son tropèl.
A aquelas victimas cal apondre los tres socorristas que moriguèron a causa d’un accident d’elicoptèr, al nòrd de Marselha.
Encara diluns passat, moriguèt una femna que se desplaçava en veitura quand l’aiga l’emportèt.
Las autras sièis victimas mortalas trespassèron dins la dimenjada del 23 al 24 de novembre.
De soslinhar que durant la sola dimenjada passada es tombat tant d’aiga coma en tres meses.
La zòna pus afectada pels tempèris es la Còsta d’Azur (Esterèu, Vencenc, Costièra Niçarda e Mónegue). A Canas, Mandaluec e Pegomàs, las escòlas èran barradas diluns passat. A Mandaluec, las carrièras son vengudas de rius de fanga e los abitants son a la retirar.
A aquelas victimas cal apondre los tres socorristas que moriguèron a causa d’un accident d’elicoptèr, al nòrd de Marselha.
Encara diluns passat, moriguèt una femna que se desplaçava en veitura quand l’aiga l’emportèt.
Las autras sièis victimas mortalas trespassèron dins la dimenjada del 23 al 24 de novembre.
De soslinhar que durant la sola dimenjada passada es tombat tant d’aiga coma en tres meses.
La zòna pus afectada pels tempèris es la Còsta d’Azur (Esterèu, Vencenc, Costièra Niçarda e Mónegue). A Canas, Mandaluec e Pegomàs, las escòlas èran barradas diluns passat. A Mandaluec, las carrièras son vengudas de rius de fanga e los abitants son a la retirar.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Com se hèi en los despartaments d'otra-mar , quan es anonciat un ciclòne :
. 2 o 3 jorns ABANS , perqué ne son pas mes en plaça "plans de vigilance rouge " vertadèirs ligats aus plans ORSEC ?
. perqué n'i a pas tanpauc tota una educacion vertadèira de las gents aus riscs de las intemperias ? de las aigas ? (en los D.O.M. comença a l'escòla )
. perqué deishar monde s'installar en los leits magers deus flumes ? en las "zones inondables" repertoriadas e coneishudas per las mapas de cada comuna , de cada despartament ?
C R I M I N A U !
Aqueras plujas , arriban cada annada ! pòden pas díser que saben pas !!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari