Actualitats
Yucatan: l’ensenhament de la lenga maia serà obligatòri
Los deputats de l’assemblada estatala an aprovat a l’unanimitat aquela mesura per que dins l’avenir se conesca los rasics indigènas de la lenga e la cultura del país
L’assemblada de l’estat de Yucatan, en Mexic, ven d’aprovar a l’unanimitat que l’ensenhament de la lenga maia siá obligatòri dins l’educacion basica, çò rapòrta La Jornada. La votacion se tenguèt dimècres passat, 4 de decembre, e l’ensenhament obligatòri de la lenga començarà l’an venent, quand se publicarà dins lo Jornal Oficial de l’Estat.
Aquel ensenhament se farà gradualament fins a l’an 2021, quand lo budget de l’estat aurà previst lo desvolopament total de la lenga dins lo sistèma educatiu.
La rason qu’a convencuda los deputats yucatècs es un rapòrt de l’Universitat Nacionala Autonòma de Mexic (UNAM) que conclutz que la lenga es en perilh d’escantiment. Segon aqueste rapòrt, en 2010 la lenga èra parlada pel 30,3% de la populacion e en 2015 pel 28,89%.
La proposicion la presentèron los deputats Luis Loeza Pacheco e Paulina Viana Gómez, en soslinhant que cèrcan que “la cultura e la lenga s’encoratjan dins de luòcs coma Mérida [capitala de l’estat] ont sa preséncia es nulla a l’ora d’ara, en fasent en sòrta que los enfants càmbien de perspectiva a prepaus dels rasics indigènas de la vila”. Aquel cambiament de pensada dels yucatècs de l’avenir arribarà pas lèu, mas los elegits afortiguèron en lenga maia que lor sòmi èra “un Yucatan dins lo qual aqueste discors aguèsse pas besonh d’èsser traduch”.
Aquel ensenhament se farà gradualament fins a l’an 2021, quand lo budget de l’estat aurà previst lo desvolopament total de la lenga dins lo sistèma educatiu.
La rason qu’a convencuda los deputats yucatècs es un rapòrt de l’Universitat Nacionala Autonòma de Mexic (UNAM) que conclutz que la lenga es en perilh d’escantiment. Segon aqueste rapòrt, en 2010 la lenga èra parlada pel 30,3% de la populacion e en 2015 pel 28,89%.
La proposicion la presentèron los deputats Luis Loeza Pacheco e Paulina Viana Gómez, en soslinhant que cèrcan que “la cultura e la lenga s’encoratjan dins de luòcs coma Mérida [capitala de l’estat] ont sa preséncia es nulla a l’ora d’ara, en fasent en sòrta que los enfants càmbien de perspectiva a prepaus dels rasics indigènas de la vila”. Aquel cambiament de pensada dels yucatècs de l’avenir arribarà pas lèu, mas los elegits afortiguèron en lenga maia que lor sòmi èra “un Yucatan dins lo qual aqueste discors aguèsse pas besonh d’èsser traduch”.
"Lengua maya, obligatoria en primarias de Yucatán"@LaJornadaMayapic.twitter.com/NBa2kIZmta
— PUIC UNAM (@puic_unam) December 5, 2019
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Be, i ara totes les llegües del Mon!
Visca la Terra...Lliure!
L'Ernest, "El Tàrrega".
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari