Madrid: granda manifestacion per reclamar d’accions concretas contra lo cambiament climatic
I participèron Greta Thunberg e maites joves de tota la planeta del collectiu Fridays for Future (Divendres per l’Avenir), e de grops indigènas que reclamavan a l’ÒNU que prenguèsse en compte lors revendicacions
De grops indigènas que reclamavan a las Nacions Unidas que prengèsson en compte lors revendicacions car lors comunautats son las mai afectadas pel cambiament climatic
De desenas de milièrs de personas manifestèron dissabte de ser a Madrid dins la nomenada Marcha pel Clima per reclamar d’accions concretas contra lo cambiament climatic als caps mondials del Mond entièr amassats dins l’encastre de la Conferéncia de l’ÒNU sul cambiament climatic (CÒP25) que se fa aquestes jorns dins la capitala d’Espanha. L’activista suedesa Greta Thunberg, e maites joves de tot lo Mond del collectiu Fridays for Future, participèron a la manifestacion, ont i aviá tanben de grops indigènas que reclamavan a las Nacions Unidas que prengèsson en compte lors revendicacions car lors comunautats son las mai afectadas pel cambiament climatic.
Los manifestants marchèron darrièr de bandeiròlas ont se podiá legir “justícia climatica” o “per de cambiaments sens precedents, cal de mesuras sens precedents”. Los manifestants cantavan de lèmas coma “lo poder al pòble” o “un autre mond es possible, sèm imparables”.
Thunberg, que participa tanben a la CÒP25, manifestava environada de plusors simpatizants e tanben de cameramans e de policièrs. “L’esperança es pas dins las parets de la CÒP25, l’esperança es aicí. Vosautres sètz l’esperança”, çò diguèt Thunberg sus l’empont. Thunberg faguèt divèrsas referéncias als caps poderoses qu’aquestes jorns s’amassan a Madrid per abordar l’urgéncia climatica. “Nosautres disèm que n’i a pro. Lo cambiament ven, que vos agrade o pas”, çò afirmèt.
De son latz, l’actor espanhòl Javier Bardem diguèt sens sal ni pebre que lo president dels Estats Units, Donald Trump, e lo cònsol de Madrid, José Luis Martínez-Almeida son nècis. “Sèm part del problèma e part de la solucion. Volèm pas de paraulas inutilas. Exigissèm d’actes, ara”, çò reclamèt.
De desenas de milièrs de personas manifestèron dissabte de ser a Madrid dins la nomenada Marcha pel Clima
Los activistas creson pas gaire al CÒP25. La bandeiròla ditz "Aquesta conferéncia es una farça"
L’activista suedesa Greta Thunberg, e maites joves de tot lo Mond del collectiu Fridays for Future, participèron a la manifestacion
Etiquetas
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Si però ja veieu que han fet els estats, i els que els importa en realitat, en realitat no els importa res, gens, pensen en fer negocis, negocis condemnats al fracàs ja que això aviat farà l'orc, i quan tot s'acabi que en faran dels seus diners!?
Son mig idiotes!
Visca la Terra...Lliure!
L'Ernest, "El Tàrrega".
Greta la nina que defensa sa generacion, de la gran contaminacion que pateis lo planeta. Sense oblidar a los indis nordamericans qu' an patit tota classa d'assassinats per los ladres e criminals Casters, d'abans e d'ara.
#2 I aguèt de manifestacions per reclamar la Republica. De mond que manca pas de coratge dins l'ambient pudent d'aval. E i a un jove qu'es encara en preson per aquò, mas se'n parla pas.
A despart d'aquò, per veire se començan de s'entrevar d'ecologia en Espanha, que lo tèma foguèt absent de la campanha electorala.
Es vertat que se n'en parlan pas gaire, i a de causas que se fan, en particular sus l'eolian e lo solar. Se vei qu'an pas EDF per polluïr lo debat amb de bestièsas esteticas.
E, a Madrid, pas cap de manifestacions en vista per reclamar mai de democracia en Espanha, ni de liberacion dels preisonièrs politics catalans ? Non ?…
Totjorn la mesma ritornala : "la fauta au climat, la fauta au climat! Quò es ma fauta, quò es ma fauta, quò es mas tres granda fauta!...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Si però ja veieu que han fet els estats, i els que els importa en realitat, en realitat no els importa res, gens, pensen en fer negocis, negocis condemnats al fracàs ja que això aviat farà l'orc, i quan tot s'acabi que en faran dels seus diners!?
Son mig idiotes!
Visca la Terra...Lliure!
L'Ernest, "El Tàrrega".
Greta la nina que defensa sa generacion, de la gran contaminacion que pateis lo planeta. Sense oblidar a los indis nordamericans qu' an patit tota classa d'assassinats per los ladres e criminals Casters, d'abans e d'ara.
#2 I aguèt de manifestacions per reclamar la Republica. De mond que manca pas de coratge dins l'ambient pudent d'aval. E i a un jove qu'es encara en preson per aquò, mas se'n parla pas.
A despart d'aquò, per veire se començan de s'entrevar d'ecologia en Espanha, que lo tèma foguèt absent de la campanha electorala.
Es vertat que se n'en parlan pas gaire, i a de causas que se fan, en particular sus l'eolian e lo solar. Se vei qu'an pas EDF per polluïr lo debat amb de bestièsas esteticas.
E, a Madrid, pas cap de manifestacions en vista per reclamar mai de democracia en Espanha, ni de liberacion dels preisonièrs politics catalans ? Non ?…
Totjorn la mesma ritornala : "la fauta au climat, la fauta au climat! Quò es ma fauta, quò es ma fauta, quò es mas tres granda fauta!...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari