Actualitats
Era toponimia aranesa, revisada
"non auem inventat cap arren mès qu'auem aplicat critèris lingüistics, etimologics e fonetics"
Dimars se presentèc ena Universitat de Lhèida un nau mapa hèt per Aran Culturau, ua associacion de guides toristics dera Val d'Aran, e revisat pera Cagira d'Estudis Occitans. Qu'ei eth prumèr viatge qu'ua institucion universitària revise es toponims aranesi.
Pendent un mes e miei, es sies professors dera Cagira d'Estudis Occitans dera Universitat de Lhèida qu'an trabalhat sus eth nòm des 30 pòbles dera Val d'Aran e sus 120 microtoponims de montanhes, tucs, corsi fluviaus, arrius, estanhs o partides dera Val d’Aran damb potenciaus problèmes de representacion formau. Segons Aitor Carrèra, director dera Cagira, "non auem inventat cap arren mès qu'auem aplicat critèris lingüistics, etimologics e fonetics".
Eth mapa que rehè bères grafies flagrantes, coma 'Varetja' o 'Varlonguèra', mots derivadi de 'val' que s'escriuien damb B, o tanplan 'Cendrosa' que maugrat provier de cendra ère escrit damb S.
Que s'an tanben corregit bères grafies coma per exemple 'Pònt de Rei' per 'Pònt d'Arrei'. "En quauqui casi, i auie diuèrses formes e auem causit aquera qu'auie era basa scientifica mès solida", a explicat Carrèra. Qu'ei eth cas der arriu Jueu, escrit de fòrça manères disparières e qu'era Cagira a escuelhut era forma 'Jueu', en coeréncia, ce diden, damb d'autes paraules coma 'ueu' o 'bueu'.
Que s'an tanben corregit bères grafies coma per exemple 'Pònt de Rei' per 'Pònt d'Arrei'. "En quauqui casi, i auie diuèrses formes e auem causit aquera qu'auie era basa scientifica mès solida", a explicat Carrèra. Qu'ei eth cas der arriu Jueu, escrit de fòrça manères disparières e qu'era Cagira a escuelhut era forma 'Jueu', en coeréncia, ce diden, damb d'autes paraules coma 'ueu' o 'bueu'.
Es guides d'Aran Culturau, Claudi Aventín e Ricard Novell, qu'an presentat eth mapa ena bastissa deth Rectorat dera Universitat, en aranés. Eth mapa, en colors e illustrat damb diboishi deth quite Novell, que va acompanhat de cartes segondàries basades en legendes o istòries tradicionaus araneses.
Era Cagira d'Estudis Occitans que vò arremercar era importància de bastir ligams damb eth mon culturau aranés, "que dan fruts totafèt positius e que beneficien ara comunitat scientifica e, ar encòp, ara quita societat occitana".
Ferriòl Macip
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Çò de mielhor que pòdes hèr ei contactar dirèctament damb Aran Culturau info@aranculturau.com
On es podria comprar aquest mapa? Jo hi estaria molt interessat. Trucant a la Universitat de Lleida? O a Aran Culturau (quin és el seu número?). O bé és que pot encomanar-se per mail (la millor solució pels que vivim lluny de la Vall)?. Algú m´ho podria dir, sisplau? Gràciesss! :)
Parlatz de . Fa pensar que avem de noms de luecs ansin en Gavotina de Contea de Niça. Per exemple, lains la valaa dals Chans (mal traduch en francés en le Cians) sus la comuna de Rigaud, se tròba meme un quartier al nom semblant a 'Varlonguèra': "la Varlònja" (francisat en Varlonge).
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari