Vercòrs aculhirà la pus granda resèrva per la fauna sauvatja. Dimècres passat, l’Associacion per la Proteccion dels Animals Sauvatges (ASPAS) crompèt 500 ectaras al còr del pargue de Vercòrs per ne far una resèrva ont viuràn sens cap de pression d’activitat umana d’arbres, de plantas, d’insèctes, de lops, de cèrvis, de vops, de senglars, d’aglas, de voltors... Per tant, lo sit serà pas abitat ni i aurà de tahadís d’arbres, ni de caça... Per i arribar, l’ASPAS aviá fach un apèl als dons e reüssiguèt a amassar mai de dos milions d’èuros en 14 meses.
 
L’ASPAS es especializada en la gestion non intrusiva dels espacis en cercant de far lo ligam entre proteccion de la natura e desvolopament de las economias localas. Aquela gestion a donat de bons resultats dins lo Mond. Per exemple, lo ret Rewilding Europe a solament acceptat tres resèrvas de vida sauvatja dins l’estat francés, e las tres las an creadas l’ASPAS.
 
Lo principi es de daissar los ecosistèmas se regenerar e qu’eles meteisses tròben las solucions, sens cap d’interferéncia umana. Las espècias se reequilibran e s’ajustan, reparan los degalhs e restauran los païsatges. Es un metòde lent e gaireben passiu que, pasmens, demanda un naut nivèl de vigilància e d’estudi.
 
L’ASPAS vòl restar independenta e percep pas cap d’ajuda de l’estat. Aquò li permet de se sometre pas brica a las politicas de gestion dels territòris.
 

C'est fait !! Le projet Vercors Vie Sauvage devient réalité. L'acte d'achat vient d'être signé. A vous tous qui avez participé au succès de cette formidable aventure, la nature vous dit MERCI !!!  Très vite l'ASPAS tiendra informés tous les contributeurs des suites du projet. pic.twitter.com/UOUvsAteFx

— ASPAS (@ASPASnature) November 27, 2019