Actualitats
Índia: almens 43 mòrts dins l’incendi d’una usina illegala
L’usina fabricava de sacs de man e sacs d’esquina, los obrièrs èran lotjats sul meteis sit
Almens 43 personas mòrtas e mai de 50 nafradas es lo tragic bilanç de l’incendi que l’a patit aquesta dimenjada una usina illegala de sacs a Nòva Delhi (Índia). Lo sit aviá pas pres cap de mesura contra las flamas ni èra autorizat, segon lo servici dels pompièrs de la capitala. Après amortar l’incendi, los pompièrs an començat las tascas de salvament.
"S’es produch un incendi dins una bastissa ont se gardava de sacs d’esquina escolars, de botelhas e d’autres materials", çò diguèt un policièr al jornal The Hindu. L’edifici incendiat serviá tanben per lotjar los emplegats de l’usina, çò precisava lo meteis policièr en tot apondre qu’avián arrestat lo proprietari.
Lo primièr ministre d’Índia, Narendra Modi, a plangut l’eveniment en tot dire qu’èra "extrèmament òrre". "Mas pensadas son amb totes los qu’an perdut de personas aimadas", çò diguèt del temps que desirava als nafrats una recuperacion rapida.
Seriá interessant de conéisser quins produches que podèm crompar dins las botigas del país nòstre son fabricats dins aquelas condicions inumanas.
"S’es produch un incendi dins una bastissa ont se gardava de sacs d’esquina escolars, de botelhas e d’autres materials", çò diguèt un policièr al jornal The Hindu. L’edifici incendiat serviá tanben per lotjar los emplegats de l’usina, çò precisava lo meteis policièr en tot apondre qu’avián arrestat lo proprietari.
Lo primièr ministre d’Índia, Narendra Modi, a plangut l’eveniment en tot dire qu’èra "extrèmament òrre". "Mas pensadas son amb totes los qu’an perdut de personas aimadas", çò diguèt del temps que desirava als nafrats una recuperacion rapida.
Seriá interessant de conéisser quins produches que podèm crompar dins las botigas del país nòstre son fabricats dins aquelas condicions inumanas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
1 000 a 10 0000 % de dreits de doana per poder vendre aquela mercandisa subre lo territùori europèu, e veiriatz lèu lèu tornar los emplècs a çò nòstre, amb de dreits autrament pus respectuoses, totun !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari