CAPÇALERA PAIS INVISIBLE

Actualitats

CulturaInternacionalSocietat

Es mòrta Marie Fredriksson, la cantadora de Roxette

L’artista suedesa patissiá una tumor cerebrala dempuèi 2002, que l’empediguèt pas de tornar sus l’empont en 2006 e puèi en 2015, amb una virada de concèrts

La cantadora de Roxette, Marie Fredriksson, es mòrta a l’edat de 61 ans après dètz e sèt ans de lucha contra lo càncer, çò confirmèt dimars passat son manejaire. L’artista suedesa patissiá una tumor cerebrala dempuèi 2002, que l’empachèt pas de tornar sus l’empont en 2006 e puèi en 2015, amb una virada de concèrts.
 
Tostemp acompanhada de Per Gessle, Roxette èra vengut un dels duos musicals mai reconeguts de la scèna pop mondiala. En mai de trenta ans de carrièra an gaireben vendut ochanta milions de disques, amb de tèmas inoblidables coma It Must Have Been Love, How Do You Do!, Sleeping In My Car o Joyride.
 
Gessle a publicat sus Twitter un messatge de remembre per sa companha musicala: “Lo temps passa tan lèu. Fa gaire, passàvem de nuèches e de jorns dins aquel pichon apartament en partejant de sòmis impossibles. E quins sòmis partegèrem! M’onora d’aver conegut ton engenh e ta generositat. Las causas seràn pas jamai parièras”.

 
 
 

 


abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

"Tàrrega" Igualada (PP.CC.)
5.

Descansa em Pau Preciossa...al Cor
Visca la Terra...Lliure!
L'Ernest, "El Tàrrega".

  • 0
  • 0
francesc palma
4.

Una polida votz e cançon aquesta del video. Realment era molt bona.

  • 1
  • 0
Nom o Pseudonim Endacòm
3.

"The Look", prumèr e mès gròs succès de ROXETTE en Occitània (e quitament en França tota), èram en 1989...

https://www.youtube.com/watch?v=LlVI7ZNiFlI

RIP Maria.

  • 0
  • 0
Nom o Pseudonim Endacòm
2.

"Listen To Your Heart" gròs succès per D.H.T. en 2005 en França tota (e forçalament en Occitània francesa). Pauc de temps aprèp, lo monde apren que s'agís d'una cançon de ROXETTE : dempus, la version originala per ROXETTE es devenguda culta en Occitània. https://www.youtube.com/watch?v=C4HJ0zfZ-EM

  • 0
  • 0
Nom o Pseudonim Endacòm
1.

"De tèmas inoblidables coma It Must Have Been Love, How Do You Do!, Sleeping In My Car o Joyride".

Desencusatz-me, pr'aquò, en Occitània, lo grop ROXETTE a avut son prumèr gròs succès ambe un titre ròck que se disia "The Look" en 1989. A part d'aquò, dins la dralha de "The Look", an avut dus tubes minors, "The Big L." e "Joyride" pauc aprèp, non pas per lo vam generat per aquestas cançons pauc inspiradas, mès sonque del fait del fenomèn plan conegut qu'un succès popular obrís l'interés per las produccions que seguissen còp sèc, quitament se son cagadas.

Causa curiosa pr'aquò, aus Estats-Units, ROXETTE a avut en 1988 un succès considerable ambe un slow que se ditz "Listen To Your Heart".

En Occitània pr'aquò, la cançon "Listen To Your Heart" èra pas brica coneguda, dincas a la debuta de las annadas 2000 (de cap 2005 ?), qu'un grop avoc idea de la cantar : estèc alavetz una capitada de las bravas dins la part francesa d'Occitània (e en França tota) ! e a-n'aqueste moment, de cap l'annada de 2005, l'interés per ROXETTE es tornat en Occitània.

Dempus, las doas cançons emblematicas de ROXETTE en Occitània son "Listen To Your Heart" e "The Look". Las autras son pas brica conegudas ("It Must Have Been Love", "How Do You Do!", "Sleeping In My Car" ???) o quasi-debrembadas ("Joyride").

RIP, Maria...

  • 0
  • 0

Escriu un comentari sus aqueste article