Actualitats
La fondariá libornesa Le Bélier es a mand d’èsser crompada per un grop chinés
Los accionaris principals de la societat bordalesa an anonciat que son en negociacion exclusiva Wencan per la cession de l’integralitat de lor participacion
La fondariá libornesa Le Bélier, coneguda per far d’esquipaments automobils mondials, serà lèu de proprietat chinesa. Los accionaris principals de la societat bordalesa an anonciat que son en negociacion exclusiva amb Guangdong Wencan Die Casting Co. Ltd. (dicha Wencan) per la cession de l’integralitat de lor participacion, çò rapòrta Sud-Ouest. L’operacion es encara suspenduda a las autorizacions reglamentàrias de las administracions francesa e chinesa. En cas qu’aquestas arriben, se desbocarà sus una ofèrta publica de crompa obligatòria simplificada.
Los accionaris majoritaris actuals, dont Copernic, qu’es de la familha fondadora Galland, vòlon cedir lors parts del cabdal al prètz de 38,18 per accion. Al total, la venda se negociariá a l’entorn de 140 milions d’èuros.
Le Bélier es un grop especializat en la fabricacion de compausants motlats en alumini per las indústrias automobilas e aeronauticas. La societat realizèt en 2018 una chifra d’afars de 358 milions d’èuros en emplegant mai de 3000 salariats al país e tanben en Ongria e Mexic. Mas dins los darrièrs meses, la societat es estada impactada per l’alentiment de l’activitat automobila, mai que mai a causa de las dificultats dels constructors alemands que figuran demest sos clients pus importants. Dins lo primièr semèstre de 2019 la chifra d’afars reculèt de mai d’un 10% a respècte de l’exercici precedent.
Segon Philippe Dizier, director general de Le Bélier, “aquera operacion estrategica permetrà aus dus grops, Le Bélier e Wencan, d’arrehortir lo lor desvolopament suus mercats de frenatge, d’admission, d’encastre, de pèças d’estructura e d’aqueras restacadas aus veïculs electrics gràcias a las lors tecnologias e aus lors posicionaments geografics complementaris”.
Wencan pagarà lo 60% de la crompa amb sos fonzes pròpris e la rèsta la finançaràn de prèstes de la Société Générale e de l’Industrial Bank of China.
Los accionaris majoritaris actuals, dont Copernic, qu’es de la familha fondadora Galland, vòlon cedir lors parts del cabdal al prètz de 38,18 per accion. Al total, la venda se negociariá a l’entorn de 140 milions d’èuros.
Le Bélier es un grop especializat en la fabricacion de compausants motlats en alumini per las indústrias automobilas e aeronauticas. La societat realizèt en 2018 una chifra d’afars de 358 milions d’èuros en emplegant mai de 3000 salariats al país e tanben en Ongria e Mexic. Mas dins los darrièrs meses, la societat es estada impactada per l’alentiment de l’activitat automobila, mai que mai a causa de las dificultats dels constructors alemands que figuran demest sos clients pus importants. Dins lo primièr semèstre de 2019 la chifra d’afars reculèt de mai d’un 10% a respècte de l’exercici precedent.
Segon Philippe Dizier, director general de Le Bélier, “aquera operacion estrategica permetrà aus dus grops, Le Bélier e Wencan, d’arrehortir lo lor desvolopament suus mercats de frenatge, d’admission, d’encastre, de pèças d’estructura e d’aqueras restacadas aus veïculs electrics gràcias a las lors tecnologias e aus lors posicionaments geografics complementaris”.
Wencan pagarà lo 60% de la crompa amb sos fonzes pròpris e la rèsta la finançaràn de prèstes de la Société Générale e de l’Industrial Bank of China.
L'équipementier chinois Wencan négocie le rachat de son homologue français Le Bélier : https://t.co/fcu3LBh0aepic.twitter.com/DYezpoMiUA
— BFM Bourse (@BFMBourse) December 9, 2019
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Doas entreprezas sus cinq del CAC 40 son jos contraròtle de l’estrangièr
Sus la 36 entreprezas francézas del CAC 40, son sonque 14 que son detengudas majorativament, es a diser mai de 50% del captal.
Aquò rai avèm agut pièger de 2003 fins a 2013 53% dels grands grops francimands èran jos contraròtle de l’estrangièr.
De per tsemple en 2017 la part de totis los uchaus cotadas sus la plaça (CAC 40 + los autres indicis), 39% èran jos contraròtle estrangièr.
Se pòt apondre que 45% de l’emplèc jos contraròtle estrangièr s’agromelís dins d’entreprezas de talhas mejanas e 32% dins las entreprezas grandas.
Las entreprezas americanas emplegan 532 000 personas, venon a dereng d’autres entreprezas per fa un total de 2 200 000 emplegadas per societats estrangièras.
Una partida de la fina flor de las entreprezas francézas son ja passadas jos contraròtle estrangièr.
Pechiney, Arcelor, Alcatel, Lafargue, Chantiers de l’Atlantique, Alstom, Salomon, Baccarat, Lanvin, St. Hubert, Rossignol, Sirop Tesseire, Maille e la mostarda, Marionnaud los perfums, Smoby los joguets,
Ducros qui se decarcasse, Kronenbourg, Price Minister, Proncesse tam tam lingerie féminine, Le Coq Français, eca….
Qualques vins de bordèu crompats per los Chinés :
• Haut-Brisson. Saint-émilion. Peter Kwok, Taïwan. ...
• Latour-Laguens. Entre-deux-mers. Haiyan Cheng (Longhai Group) ...
• Richelieu. Fronsac. A & A, Hongkong. ...
• Vieux-Brondeau. Libournais. Zhejiang Cy. ...
• Chenu-Lafitte. Côtes-de-bourg. Groupe Haichang. ...
• Viaud. Lalande-de-pomerol. Cofco. ...
• Laulan-Ducos. Médoc. ...
• Lagarosse. Côtes-de-bordeaux.
....
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari