Actualitats
Roma: mai de 40 000 Sardinas de tota Itàlia se son recampadas contra lo neofaissisme
Se revendican resisténcia partisana del sègle XXI e lor tòca es de far fàcia a l’aviada de l’ultradrecha
Demest las personalitats que participèron a l’acamp, i aviá lo filosòf e jornalista Paolo Flores d’Arcais, lo politician Nichi Vendola e lo mètge de la Lampedosa e eurodeputat Pietro Bartolo. “La mar es crusèla, mas la mar de l’indiferéncia es mai crusèla e per aquesta rason la politica deu donar de responsas”, çò diguèt Bartolo, que remembrava que “la sardina es un peis simple, mas bon”. “Me sentissi uèi coma una sarda, contra los que vòlon semenar l’òdi e la paur. Sèm de sardinas e nos cal resistir”, çò precisèt.
Sus l’empont, parlèt Carla Nespolo, presidenta de l’Associacion Nacionala dels Partisans d’Itàlia (ANPI). “Recuperarem la Plaça de San Giovanni”, çò diguèt en referéncia a las frequentas convocacions de l’ultradrecha sus aquela plaça romana. “Es venguda una granda èra d’esperança e d’engatjament democratic de vòstre costat. O vòli dire plan naut: l’ANPI es amb vosautres. La Constitucion es nòstra lutz e nòstra guida es antifaissista”, çò apondèt.
Parlèt tanben una drolleta musulmana vestida de l’hijab en proclamant: “A Salvini e a Meloni lor agradarà pas ma preséncia perque soi una femna, soi musulmana e soi filha de palestinians. Permetrem pas que dobriscan las paginas negras del passat. Aquò es un estat de drech”. Salvini es lo cap de la Liga e Meloni dirigís lo movement dels Fraires d’Itàlia, una autra formacion de l’extrèma drecha.
Quant a son intervencion, lo jove Mattia Santori, un dels caps mai visibles del movement, badinèt per rapòrt a las acusacions qu’asseguran que lo movement de las sardinas es sostengut pel centrista Partit Democrata. “Sèm tras que fòrts. I a pas una organizacion, malgrat los sòus que nos donèt Prodi”. Puèi precisèt: “Lo mond son venguts en pagant de lor pròpria pòcha”.
“Las sardinas, quand se mobilizan totes ensems, son capablas de véncer quitament una làmia”
Nomenat l’Archipèla de las Sardinas, lo movement ten de mai en mai de seguidors que vòlon “cambiar Itàlia per la rendre mai justa, mai sostenibla, mai desvolopada e mai liura, en virant l’esquina a la sason del faissopopulisme sobeiranista”. Se nomenan sardinas car se considèran coma de peisses pichons e muts que solets pòdon pas far grand causa, mas que, quand se mobilizan totes ensems, son capables de véncer quitament una làmia.
La manifestacion reüssida de Modena èra l’acte segond, après un acamp que se convoquèt quatre jorns abans a Bolonha, a l’ocasion tanben d’una vesita de Matteo Salvini. Aquel jorn, jol lèma “Bolonha es pas la Liga”, se reüniguèron 5000 personas.
“L’enjòc qu’avèm lançat a Bolonha es de nos tresmudar de leons de clavièr en sardinas realas”, çò diguèt un dels organizaires de la protèsta als mèdias locals. “Quant de temps fasiá que lo mond participavan pas a una manifestacion per carrièras? Quant de mond critivacan e fasián pas res? Nòstre messatge es positiu. Voliam arribar al còr de las gents e dire: «Tu, que te planhes, que fas per arrestar tot aquò?»”
Los organizaires dison de longa que lor movement es completament al marge dels partits politics. “La plaça de las Sardinas demòstra que i a un besonh de mobilizacion demest los ciutadans que los partits d’esquèrra pòdon pas satisfar”, çò disiá dins una entrevista sus Il Quotidiano lo politològ Massimiliano Panarari.
La Liga en tèsta dels sondatges
De tot biais, cal ajustar qu’en despièch de la popularitat de las Sardinas, la Liga es en tèsta dels sondatges d’opinion e poiriá quitament obténer una victòria istorica a las eleccions regionalas del mes que ven en Emília-Romanha, ont tradicionalent ganha l’esquèrra.
E adesso?... Cosa diventerete?... E quindi?...
— Manuela Bellipanni #facciamorete (@ManuelaBellipan) December 14, 2019
Ecco le proposte delle #Sardine, cari politici fatevi avanti ed ascoltate, poiché "noi" abbiamo iniziato a fare politica, perché politica è partecipazione e la piazza di oggi faceva politica.#RomaNonsiLega#facciamoretepic.twitter.com/OBADd9zYSs
Migliaia le #Sardine alla manifestazione con lo slogan #RomaNonsiLega.
— Sky tg24 (@SkyTG24) December 14, 2019
Tra loro, questa ragazza che ha imitato il discorso di #Meloni
Gli aggiornamenti https://t.co/4uptuKnYV9pic.twitter.com/RsocXXKvGq
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Curiosa maniera de nomenar lo moviment d'esquerra. Mas Oc. Ha estat un bela manifestacions omplint la plaça de Sant Joan de Roma. Urra !
Lo neofascisme nacionalitari non es qu'un aspècte minor del fascisme actual, incarnat remirablament per l'ordoliberalisme pleonasmicament autoritarista a l'europèa, e pel neoliberalisme mondialisat, invalidant sistematicament tot procès d'alternança electorala postdemocratica.
Ne pòdon sortir, de sardinas, milanta. Mas soi pas brica segur qu'aquò baste per desinfectar la plaga aital alandada dins lo còrs democratic.
#1 gné ?
Es benlèu pus facille de claufir la Plaça de San Giovanni de Roma per aquela pescalha venguda de tota l'Italia que d'emplenar las urnas electoralas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari