Actualitats
Es mòrta l’actritz e cantadora Anna Karina
Foguèt una de las actrises mai importantas de la “Nouvelle Vague”, e musa de Jean-Luc Godard
L’actritz e cantadora Anna Karina moriguèt dins la nuèch de dissabte a dimenge a 79 ans a causa d’un càncer. Nascuda Hanne Karin Blarke Bayer en Danemarc, foguèt una de las actrises mai importantas de la “Nouvelle Vague”, e musa de Jean-Luc Godard.
Quand aviá 17 ans, se gandiguèt a París. Aquí trabalhèt coma manequin publicitari per Chanel e d’autras societats de vestits. Lo nom artistic d’Anna Karina lo li suggeriguèt la quita Coco Chanel quand l’artista danesa li expliquèt que voliá far l’actritz.
En 1959, coneguèt Godard que li prepausèt d’interpretar un ròtle important dins À bout de souffle [Perdent alen]. Mas Karina refusèt a causa de las scenas ont deviá paréisser nuda, e l’interpretèt l’estatsunidenca Jean Seberg. Ça que la, Godard insistiguèt e enfin rodèt Le petit soldat (1963) amb Anna Karina quand ela èra encara menora. Desenant, lo realizaire e l’actritz trabalhèron ensems dins un fum de filmes coma Bande à part [Banda a despart] (1964), Pierrot le fou [Pierròt lo caluc] (1965), Alphaville (1965), Made in USA (1966) o Vivre sa vie [Viure sa vida] (1962). Enfin, Anna Karina e Jean-Luc Godard se maridèron en 1961 mas divorcièron sièis ans puèi.
Karina participèt a d’autres filmes fòrça coneguts coma Lo straniero [L’estrangièr] (1967) de Luchino Visconti, ont trabalhèt amb Marcello Mastroianni; Justine (1969), de George Cukor; Efter repetitionen [Après la repeticion] (1984), d’Ingmar Bergman, o Chinesisches Roulette [Roleta chinesa] (1976), de Rainer Werner Fassbinder.
De soslinhar son ròtle coma cantadora ont interpretèt de cançons memorablas coma Sous le Soleil exactement [Jos lo Solelh exactament] e Ne dis rien [Digas pas res] que las cantèt amb Serge Gainsbourg.
Quand aviá 17 ans, se gandiguèt a París. Aquí trabalhèt coma manequin publicitari per Chanel e d’autras societats de vestits. Lo nom artistic d’Anna Karina lo li suggeriguèt la quita Coco Chanel quand l’artista danesa li expliquèt que voliá far l’actritz.
En 1959, coneguèt Godard que li prepausèt d’interpretar un ròtle important dins À bout de souffle [Perdent alen]. Mas Karina refusèt a causa de las scenas ont deviá paréisser nuda, e l’interpretèt l’estatsunidenca Jean Seberg. Ça que la, Godard insistiguèt e enfin rodèt Le petit soldat (1963) amb Anna Karina quand ela èra encara menora. Desenant, lo realizaire e l’actritz trabalhèron ensems dins un fum de filmes coma Bande à part [Banda a despart] (1964), Pierrot le fou [Pierròt lo caluc] (1965), Alphaville (1965), Made in USA (1966) o Vivre sa vie [Viure sa vida] (1962). Enfin, Anna Karina e Jean-Luc Godard se maridèron en 1961 mas divorcièron sièis ans puèi.
Karina participèt a d’autres filmes fòrça coneguts coma Lo straniero [L’estrangièr] (1967) de Luchino Visconti, ont trabalhèt amb Marcello Mastroianni; Justine (1969), de George Cukor; Efter repetitionen [Après la repeticion] (1984), d’Ingmar Bergman, o Chinesisches Roulette [Roleta chinesa] (1976), de Rainer Werner Fassbinder.
De soslinhar son ròtle coma cantadora ont interpretèt de cançons memorablas coma Sous le Soleil exactement [Jos lo Solelh exactament] e Ne dis rien [Digas pas res] que las cantèt amb Serge Gainsbourg.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
M'en recordi d'aquesta polida joveneta de l'aver vist al cinema, ja fa un parelh d'ans.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari