Divendres passat, 13 de decembre, los occitanistas de Niça faguèron una accion per protestar contra lo fach que la comuna aja nomenat un cai del pòrt de la ciutat Napoleon Ir. Creson d’efièch que s’agís d’una “error istorica” de donar lo nom d’un cai a un emperaire que “faguèt entre 4 e 7 milions de mòrts en Euròpa” e mai “massacrèt lu barbets a Niça, violèt e tuèt la populacion”. Per aquela rason, creson que “lu borrèus non devon aver de carrieras au sieu nom”. Amb aquel eveniment, espèran que lo cònsol màger de la vila cambiarà d’avís.
 
Revendican que l’endrech pòrte lo nom de Josèp Garibaldi, l’artisan de l’unificacion italiana, nascut precisament a Niça e revendicat per l’occitanisme local.