Actualitats
Demission del naut comissari de las retiradas de l’estat francés
Lo “Sénher de las Retiradas” presentèt diluns sa demission car es mes en causa après la revelacion de maitas omissions dins sa declaracion d’interèsses
Lo naut comissari de las retiradas de l’estat francés, Jean-Paul Delevoye, encargat de la reforma impulsada pel govèrn d’Édouard Philippe, presentèt diluns passat sa demission car es mes en causa après la revelacion de maitas omissions dins sa declaracion d’interèsses. L’Elisi, qu’a acceptat sa demission “a contracòr”, a raportat que Delevoye aviá decidit de partir “de sa pròpria iniciativa”.
Lo “Sénher de las Retiradas” èra dempuèi mai d’una setmana al còr d’una controvèrsia provocada pel fach qu’ometèt de mençonar fòrça mandats dins sa declaracion d’interèsses a la Nauta Autoritat per la Transparéncia de la Vida Publica, e mai que perquè contunhèt d’ocupar de foncions remuneradas après son intrada al govèrn. Un cumul enebit per la Constitucion francesa.
Dins lo comunicat que l’a publicat Delevoy, lo politician ditz que li grèva que sa fisança siá “fragilizada jos los còps d’atacas violentas e d’amalgamas messorguièrs”.
Sa demission a provocat fòrça reaccions politicas e sindicalas, del temps que l’estat francés viu de jornadas de caumas e mobilizacions generalizadas contra la reforma de las retiradas qu’el meteis aviá portada.
Una polemica reforma de las pensions de retirada
Se protèsta contra una polemica reforma de las pensions de retirada que vòl impausar un sistèma unic que faga desaparéisser los 42 regims de retirada existents a l’ora d’ara, segon lo mestièr.
Aquel nòu sistèma foncionariá per ponches, es a dire que l’argent que los salariats cotizan per pagar las pensions dels retirats serà tresmudat en de ponches que se transformaràn en una pension mesadièra lo jorn de la retirada. Los sindicats qualifican la reforma d’ultraliberala e asseguran que farà davalar fòrça las pensions. En mai d’aquò, la pension se recalcularà en foncion de la situacion economica e del PIB. Totes los ans comptaràn per la transformacion en ponches: tanben los ans de salaris fòrça basses, o los ans de caumatge o de pausas. Atal, los sindicats calculan qu’amb aqueles cambiaments las pensions demeniràn d’entre un 20% a un 30%.
L’autre aspècte polemic de la reforma es lo retard de l’edat de retirada, qu’a l’ora d’ara es establit a 62 ans.
Lo govèrn francés crenh una cauma coma la de 1995
Cada còp que se convòca una cauma importanta dins l’estat francés, lo govèrn crenh una paralisi del país coma la de 1995, quand una cauma generala —tanben contra la reforma del sistèma de las retiradas mas tanben per la seguretat sociala— foguèt una reüssida pels participants a las protèstas. Lo govèrn reculèt après una cauma de tres setmanas perque tota la Republica èra blocada.
Dins l’encastre actual, cal apondre lo malcontentament de fòrça sectors socials envèrs la politica economica de Macron e las revendicacions dels Gilets Jaunes que fa mai d’un an que protèstan. Mas al delà d’eles, i a tot plen de mond que manifestaràn uèi perque veson en perilh lor pension de retirada, mai que mai lo personal dels establiments publics e quitament los policièrs que son fustibulats.
Mas benlèu es dins lo sector de l’educacion que la cauma serà mai seguida. En mai de la reforma Blanquer, qu’a provocat de protèstas dins tot lo sector, es un dels mai tocats per la reforma de las pensions.
Lo “Sénher de las Retiradas” èra dempuèi mai d’una setmana al còr d’una controvèrsia provocada pel fach qu’ometèt de mençonar fòrça mandats dins sa declaracion d’interèsses a la Nauta Autoritat per la Transparéncia de la Vida Publica, e mai que perquè contunhèt d’ocupar de foncions remuneradas après son intrada al govèrn. Un cumul enebit per la Constitucion francesa.
Dins lo comunicat que l’a publicat Delevoy, lo politician ditz que li grèva que sa fisança siá “fragilizada jos los còps d’atacas violentas e d’amalgamas messorguièrs”.
Sa demission a provocat fòrça reaccions politicas e sindicalas, del temps que l’estat francés viu de jornadas de caumas e mobilizacions generalizadas contra la reforma de las retiradas qu’el meteis aviá portada.
Una polemica reforma de las pensions de retirada
Se protèsta contra una polemica reforma de las pensions de retirada que vòl impausar un sistèma unic que faga desaparéisser los 42 regims de retirada existents a l’ora d’ara, segon lo mestièr.
Aquel nòu sistèma foncionariá per ponches, es a dire que l’argent que los salariats cotizan per pagar las pensions dels retirats serà tresmudat en de ponches que se transformaràn en una pension mesadièra lo jorn de la retirada. Los sindicats qualifican la reforma d’ultraliberala e asseguran que farà davalar fòrça las pensions. En mai d’aquò, la pension se recalcularà en foncion de la situacion economica e del PIB. Totes los ans comptaràn per la transformacion en ponches: tanben los ans de salaris fòrça basses, o los ans de caumatge o de pausas. Atal, los sindicats calculan qu’amb aqueles cambiaments las pensions demeniràn d’entre un 20% a un 30%.
L’autre aspècte polemic de la reforma es lo retard de l’edat de retirada, qu’a l’ora d’ara es establit a 62 ans.
Lo govèrn francés crenh una cauma coma la de 1995
Cada còp que se convòca una cauma importanta dins l’estat francés, lo govèrn crenh una paralisi del país coma la de 1995, quand una cauma generala —tanben contra la reforma del sistèma de las retiradas mas tanben per la seguretat sociala— foguèt una reüssida pels participants a las protèstas. Lo govèrn reculèt après una cauma de tres setmanas perque tota la Republica èra blocada.
Dins l’encastre actual, cal apondre lo malcontentament de fòrça sectors socials envèrs la politica economica de Macron e las revendicacions dels Gilets Jaunes que fa mai d’un an que protèstan. Mas al delà d’eles, i a tot plen de mond que manifestaràn uèi perque veson en perilh lor pension de retirada, mai que mai lo personal dels establiments publics e quitament los policièrs que son fustibulats.
Mas benlèu es dins lo sector de l’educacion que la cauma serà mai seguida. En mai de la reforma Blanquer, qu’a provocat de protèstas dins tot lo sector, es un dels mai tocats per la reforma de las pensions.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Demest los país qu’an un sistem de retirada per punt, se pò agachar Suècia que ten un sistem per punts desempuèi unis trentas annadas e completament finalizat en 2001.
Tanben ara se pòt agachar las termièras d’aquel sistem, amb’una experiencia de 20 ans de foncionament.
La primèra causa es que las femnas an pensions mendres que la dels òmes, devèrs 600€ /mes de mens.
La valor del punt es una variable d’ajustament que far que d’unis annadas la pension pòt aumentar e que d’autras annadas pòt demesir.
Atal en 2010 e 2011 i aguèc -3% e -4% sus las pensions , pr’aquò y aguèc tanben +3% e +4% las annadas que seguissian.
Lo sistem suècia es pausat sus tres sistem :
Un sistem de reparticion per punt
Un sistem complementari per captalizacion
Un tresen sistem qu’es una mena d’assegurança per lo biais de l’entrepreza.
En 2017 aquel sistem suècia manquèc de far quincanèla tanben l’edat de preza de la retirada passèc de 61 ans a 64 ans.
Coma ça disia un primièr ministre de Suècia rapòrt al sistem : es lo milhor sistem del mond, ten pas qu’una deca : fa baissar las pensions.
Suècia a capitat la amiras d'europa sul nivèl de las pensions de retirada
Lo nivèl de las pensions de retirada dins l'exagona es un dels mai naut d'europa.
Per frança lo nivèl de retirada es a 68% de lors revenguts de trabalh.
Alemanha es 46%, Suècia 57%, Inglaterra 53%
L'entrepreza de conselh "Mercer" a establiguèc los melhors sistem de retiradas dins lo mond.
Trobaretz çai-jos lo ligam :
https://www.businessinsider.fr/pays-classement-systemes-retraite-mercer-2017
Lo govern crenh una cauma coma la de 1995.
E Jornalet crench a que? a una simpla cauma per una simpla question de retirada?
Mas, quò es pas una revendicacion que ven quò es una revolucion.
Los dirigeants an tot lo temps separat lo sociau, l'ecologia, de l'economia. I a totjorn dau ministre de la separacion. L'educacion es separada en primairi, secondari, facultat, grandas escòlas, tecnicas o autras. Quò es d'aquò que lo monde volan pus. La sciença es separada de la filosofia e de las literaturas. Chacun dins sa gabia per mielhs se far dominar.
En realitat tot es conectat. Sem pas un òme, una femna, un(a) goiat(a), un(a) vielh(a), sem pas un scientific, un obrier, un tecnician, un comercial, sem tot aquò en mesme temps.
Lo discors materialiste de la sciença a pus de credibilitat. De las votz se fan auver que la gleisa catolica de Ròme s'es comportada coma l'antecrist per pas dire Satan e sera condamnada per aver crear l'inquisicion, cramar daus catars e de las sorcieras o sorciers. L'estat frances sera condemnat per se lovar qu'es la goiata de la gleisa e d'aver praticat una politica de colonisacion pertot ente sas armadas son anadas.
Un vent de revòlta que denonça las guerras, las rivalitats, las competicions bufa sur lo monde entier. La solidaritat, l'amor de se, de l'autre, de nòstre environnement nos apela. Apres tot 1% de la populacion ganha tertant coma lo 99%. Quò es aquò qu'acceptan en jalosar nòstra vesin?
Encara una pròva que son pas que de laires e de messorguièrs los que son a las manetas de l'estat.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari