Actualitats
L’ÒPLO lança un sondatge per conéiser la situacion globala de la lenga dins l’oèst d’Occitània
L’enquista cèrca de conéisser la situacion sociolingüistica de l’ocitan dins las regions nomenadas Occitània e Nòva Aquitània, e tanben en Aran
L’Ofici Public de la Lenga Occitana (ÒPLO) lança un sondatge per conéisser la situacion globala de la lenga occitana dins los territòris occitanofòns de las regions nomenadas Occitània e Nòva Aquitània (çò es 22 departaments) e tanben en Val d’Aran, çò rapòrta lo sit de l’ofici. L’enquista se farà sus un escapolon d’8000 personas e per la menar a bon tèrme l’ÒPLO compta sus un partenariat amb lo Gropament Europèu de Cooperacion Transfrontalièra de las regions nomenadas Nòva Aquitània, Euskadi e Navarra.
Los escambis telefonics seràn entamenats en francés o en espanhòl, e puèi perseguits en occitan, per los que declararián mestrejar la lenga per fin de testimoniar de lor occitanofonia.
Dins un segond temps, l’ÒPLO a anonciat que metrà en perspectiva las donadas del sondatge sus de draias d’analisis qualitativas complementàrias. A mai, dos cercaires quebequeses especializats en sociolingüistica rescontraràn un panèl de seissanta personas sortidas de las convèrsas telefonicas per abordar mai en detalh la relacion que ligan los occitanofòns a la lenga, lor nivèl d’estacament afectiu, la question de la transmission de la lenga, mas tanben de comprene los empediments rescontrats pels non-occitanofòns.
Amb aquela òbra, l’ÒPLO espèra d’aver una melhora coneissença dels blocatges e de poder aital favorizar per una transmission e un usatge pus grand de l’occitan l’aument del nombre de locutors. Tanben se vòl trobar quinas son las representacions associadas a l’ensenhament de l’occitan, perqué los parents causisson d’escolarizar lor enfant en cursus bilingüe (immersiu o non), perqué aqueles percorses se perseguisson fins al licèu o perqué de còps s’estancan.
Lo sondatge de la Generalitat a prepaus de l’occitan en Aran
Quant a las donadas de la Val d’Aran, la Generalitat de Catalonha presentèt en julhet lo Sondatge d’Usatges Lingüistics de l’an 2018 que presenta de resultats fòrça bons per la lenga occitana car a aumentat la coneissença de l’occitan aranés demest la populacion d’entre 15 e 29 ans: un 90,6% comprenon la lenga, un 75,2% la sabon parlar, un 87,4% la sabon legir e un 72,2% la sabon escriure. En mai d’aquò, l’occitan es la lenga iniciala del 21,4% dels araneses dins lors relacions socialas, çò que fa un aument de quatre ponches percentuals a respècte del sondatge de 2013. Lo catalan es la lenga iniciala del 16,3% de la populacion d’Aran del temps que l’espanhòl es la lenga iniciala de la majoritat (un 37,7%).
“Se demòstra qu’aprenon gràcias a l’escòla la lenga pròpria del territòri e qu’acaban lor escolarizacion en coneissent las tres lengas”, çò diguèt la directritz generala de la politica lingüistica, Ester Franquesa, al moment de presentar aquel sondatge. De soslinhar que la Generalitat de Catalonha investís en Aran mai de 6 milions d’èuros dins l’educacion immersiva en occitan als nivèls primari e segondari.
Los escambis telefonics seràn entamenats en francés o en espanhòl, e puèi perseguits en occitan, per los que declararián mestrejar la lenga per fin de testimoniar de lor occitanofonia.
Dins un segond temps, l’ÒPLO a anonciat que metrà en perspectiva las donadas del sondatge sus de draias d’analisis qualitativas complementàrias. A mai, dos cercaires quebequeses especializats en sociolingüistica rescontraràn un panèl de seissanta personas sortidas de las convèrsas telefonicas per abordar mai en detalh la relacion que ligan los occitanofòns a la lenga, lor nivèl d’estacament afectiu, la question de la transmission de la lenga, mas tanben de comprene los empediments rescontrats pels non-occitanofòns.
Amb aquela òbra, l’ÒPLO espèra d’aver una melhora coneissença dels blocatges e de poder aital favorizar per una transmission e un usatge pus grand de l’occitan l’aument del nombre de locutors. Tanben se vòl trobar quinas son las representacions associadas a l’ensenhament de l’occitan, perqué los parents causisson d’escolarizar lor enfant en cursus bilingüe (immersiu o non), perqué aqueles percorses se perseguisson fins al licèu o perqué de còps s’estancan.
Lo sondatge de la Generalitat a prepaus de l’occitan en Aran
Quant a las donadas de la Val d’Aran, la Generalitat de Catalonha presentèt en julhet lo Sondatge d’Usatges Lingüistics de l’an 2018 que presenta de resultats fòrça bons per la lenga occitana car a aumentat la coneissença de l’occitan aranés demest la populacion d’entre 15 e 29 ans: un 90,6% comprenon la lenga, un 75,2% la sabon parlar, un 87,4% la sabon legir e un 72,2% la sabon escriure. En mai d’aquò, l’occitan es la lenga iniciala del 21,4% dels araneses dins lors relacions socialas, çò que fa un aument de quatre ponches percentuals a respècte del sondatge de 2013. Lo catalan es la lenga iniciala del 16,3% de la populacion d’Aran del temps que l’espanhòl es la lenga iniciala de la majoritat (un 37,7%).
“Se demòstra qu’aprenon gràcias a l’escòla la lenga pròpria del territòri e qu’acaban lor escolarizacion en coneissent las tres lengas”, çò diguèt la directritz generala de la politica lingüistica, Ester Franquesa, al moment de presentar aquel sondatge. De soslinhar que la Generalitat de Catalonha investís en Aran mai de 6 milions d’èuros dins l’educacion immersiva en occitan als nivèls primari e segondari.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#4
Seriósament me pensi que caldriá endralhar una enquista per saber s'avem besonh de far d'enquistas.
S'èri a l'oplo , risca pas d'arrivar, me bolegariái lo cuòl entà vèire e cossi trobar d'argent e d'esponsors, çò me semblariá d'una utilitat primièra
#5 E ben, cara Martina, per çò que ne vira d'un diccionari occitan estandard, non val res d'esperar aprèp l'OPLO. D'aiçò, al mens, l'Academia Occitana o vos pòt certificar. Mas aquò rai : per complir son trabalh, l'Academia occitana non a jamai esperat la condescendéncia dels amics de sos amics : es independenta.
Om es totjorn tras qu'espantat per l'audàcia novatriz d'aqueste OPLO new look ! Aprèp l'OPLO nos fai un prèmi (o un concors ?) de literatura, ara aquel nos fai lo cop del sondatge linguistic, a quand lo cop del diccionari occitan en quaranta volums ?
D'enquistas n'avem un sadol. Que daiissen de tuar l'escòla e los medias occitans!
L'oplo auria fach milhor de trobar d'argent a distribuir als que n'en fotan pas una !
hummmmm i a quicòm que truca aquíu
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari