Actualitats
L’emparaulada: una nòva emission d’Òc Tèle que comença amb Joan Larzac
Dins sa primièra emission, la cadena occitanofòna balha la paraula a un dels autors lengadocians pus importants de nòstre temps
Òc Tèle prepausa una nòva emission nomenada “L’emparaulada” ont se convida una personalitat per parlar de son caminament e de son òbra. Dins sa primièra emission, lo jornalista Dàvid Grosclaude parla amb Joan Larzac.
Larzac es al còr de l’istòria de l’occitanisme e al còr de la cultura occitana amb una òbra literària, poetica, istorica remirabla. Es tanben un curat, un òme de fe e logicament un òme que s’engatgèt e que s’engatja encara. La fe, l'Orient Mejan e Liban primièr, la lenga occitana, son de tematicas que la còla d’Òc Tèle abòrda amb el e que los menan a parlar del Mond d’uèi.
Amb una longa trajectòria coma escrivan, critic literari e poèta, Joan Larzac es un dels autors lengadocians pus importants de nòstre temps. Son òbra es marcada per la fe e l’erudicion. Son libre pus remarcable seriá Descolonizar l’istòria occitana (1977) e son òbra màger sa traduccion de la Bíblia publicada per Letras d’Òc, l’Ancian Testament en 2013 e lo Nòu Testament en 2016.
Larzac es al còr de l’istòria de l’occitanisme e al còr de la cultura occitana amb una òbra literària, poetica, istorica remirabla. Es tanben un curat, un òme de fe e logicament un òme que s’engatgèt e que s’engatja encara. La fe, l'Orient Mejan e Liban primièr, la lenga occitana, son de tematicas que la còla d’Òc Tèle abòrda amb el e que los menan a parlar del Mond d’uèi.
Amb una longa trajectòria coma escrivan, critic literari e poèta, Joan Larzac es un dels autors lengadocians pus importants de nòstre temps. Son òbra es marcada per la fe e l’erudicion. Son libre pus remarcable seriá Descolonizar l’istòria occitana (1977) e son òbra màger sa traduccion de la Bíblia publicada per Letras d’Òc, l’Ancian Testament en 2013 e lo Nòu Testament en 2016.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La revirada de l'Ancian e del Novèl Testament per Joan Roqueta-Larzac es plan melhora que las version que coneissi en francés e en espanhòl. Sembla qu'es la que mai se sarra dels tèxtes originals e del contèxte ont foguèron fargats. Luènh d'una lenga literària de salon, son biais de dire far mièlhs sentir lo mond pastoral e agrari d'aqueles tempses ancians.
#9 L'arabi, l'aramèu e l'ebrèu son lengas semiticas. En qué Joan Larzac, que vòl d'estruturas nacionalas multiconfessionalas (e donc multiculturalas e multilinguïsitcas) vos sembla antisemita ?
Efectivament, J. Larzac se permet de criticar la politica mejanorientala dels aligats politics USA-Israël. Aquò ne fa un antisemita ? E los quites israëlians atèus que militan a l'interior d'Israël per la reconeissença dels dreits plenièrs dels Palestinians dins e fòra d'Israël, son antisemitas tanben ?
Tre que nos permetèm de criticar la politica de l'estat d'Israël, passam automaticament per d'antisemitas, e donc de racistas ? E la politica que segregacion sistematica contra los Palestinians, coma se foguèssen un pòble inferior a un autre, o es pas, racista ? E l'idèa d'èsser un pòble elegit, que siá "arian" (?) o "francés" o mai "ebrèu", o es pas, racista ?
Lo respècre de l'autre es una regla valabla per totes. Çò que defend aquí J. Larzac es una definicion laïca de la nacion (quina nacion que siá) permetent de fait una egalitat de dreits multiconfessionala. Aquò non es pas d'antisemitisme… Cal arrestar de delirar.
#9 D'antisemitisma dins lo prepaus de Joan Larzac ? Ont avètz vist que lo fach d'explicar que la toca dels Estats Units e d'Israel es de tornar bastir ("rebuilding" in v.o.) tot l'Orient Mejan sus la basi d'Estats mono-etnics e uniconfessionals seria d'antisemitisma ? Tombatz dins aquesta trapèla engimbrada dempuèi un trentenat d'annadas pels govèrns israelians qu'es d'assimilar tota critica de la politica de l'estat d'Israel a d'antisemitisma. Aquela astucia de jogar sus la culpabilitat occidentala per faire calar tota analisi critica de la politica israeliana dins l'Orient Mejan es d'alhors de mai en mai denonciada en Israel. Qualificar d'antisemita la dicha de Joan Larzac sus Liban e Orient Mejan es una absurditat tan fantasierosa que de qualificar tal o tal ciutadan israelian opausat a la politica de son païs d'antisemita. Ço qu'es l'estrategia del govèrn israelian que jos-entend tanben que tot josiu dins lo mond que critica sa politica es un traïdor antisemita. Atal al nostre, los intellectuals Edgar Morin o Rony Braumann son estats mai d'un cop tratats per Israel de josius traïdors antisemitas per aver simplament dich aquo que pensavan de la politica israeliana en Palestina e al Liban . En cap de cas se pot qualificar los prepauses de Joan Larzac sus l'Orient Mejan d'antisemitas.
#12 Me caldrà vertadièrament tornar escotar.
#9 Ai notat atanben aquel antisemitisme dins lo prepaus..... seriá bon de ne far l'analisa e la critica, çò qu'ai pas ajut léser de far, fins ara....
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari