Actualitats
Lo periòde de Calendas serà encara marcat per las caumas e las protèstas contra la reforma de las pensions
Los sindicats an refusat de signar una trèva pendent las vacanças nadalencas davant l’impossibilitat d’arribar a un acòrdi amb lo govèrn francés
Lo govèrn francés e los sindicats son pas arribats a cap d’acòrdi a prepaus de la reforma de las pensions. Per aquela rason, los caps sindicals an anonciat de caumas e de manifestacions pendent tot lo periòde de Calendas.
Tot l’estat francés, dont tota Occitània franc d’Aran, de las Valadas e de Mónegue, es dempuèi doas setmanas dins una èrsa de protèstas e de caumas, mai que mai dins los sectors del transpòrts e de l’educacion. Almens mièg milion de personas an tornat emplir aquesta dimenjada las carrièras de la principalas vilas per protestar contra la reforma de las pensions que la pensa d’impausar lo govèrn d’Édouard Philippe.
Lo cap de la Confederacion Generala del Trabalh (CGT), Philippe Martínez, a anonciat que los sindicats an decidit de contunhar las mobilizacions e las protèstas perque “lo primièr ministre a pas escotat çò que dison las carrièras”. De son caire, Philippe, a soslinhat que si que s’an fach de progrèsses e que lo govèrn es decidit a manténer son plans de metre fin als regims especials de retirada. Dins aquel sens, lo govèrn espèra que los sindicats signaràn una trèva per empachar pas los milions de desplaçaments previstes durant los jorns de Calendas. Un pache que qualques sindicats an refusat.
Los sindicats s’opausan als projèctes de Macron de racionalizar e d’unificar lo sistèma estatal de las pensions de retirada francesas, que significariá d’obligar los trabalhadors a retardar de dos ans l’edat de retirada, que passariá de 62 a 64 ans.
Una polemica reforma de las pensions de retirada
Se protèsta contra una polemica reforma de las pensions de retirada que vòl impausar un sistèma unic que faga desaparéisser los 42 regims de retirada existents a l’ora d’ara, segon lo mestièr.
Aquel nòu sistèma foncionariá per ponches, es a dire que l’argent que los salariats cotizan per pagar las pensions dels retirats seriá tresmudat en de ponches que se transformarián en una pension mesadièra lo jorn de la retirada. Los sindicats qualifican la reforma d’ultraliberala e asseguran que farà davalar fòrça las pensions. En mai d’aquò, la pension se recalcularà en foncion de la situacion economica e del PIB. Totes los ans comptaràn per la transformacion en ponches: tanben los ans de salaris fòrça basses, o los ans de caumatge o de pausas. Atal, los sindicats calculan qu’amb aqueles cambiaments las pensions demenirián d’entre un 20% a un 30%.
L’autre aspècte polemic de la reforma es lo retard concret de l’edat de retirada, qu’a l’ora d’ara es establit a 62 ans. Per pèrdre mens de sòus, fòrça gents serián d’efièch forçats de se retirar a 64 ans.
Macron renóncia a sa retirada de president e al Conselh Constitucional
Totun, per volontat d’apasimar las tensions, lo president Macron a anonciat que refusariá sa pension mesadièra d’unes 6000 èuros que la li deuriá pagar l’estat francés après son mandat presidencial, e que seriá pas al Conselh Constitucional coma i a drech tot èx-president de la republica. Los membres del Conselh Constitucional recebon una indemnitat de 13 500 èuros mesadièrs.
Tot l’estat francés, dont tota Occitània franc d’Aran, de las Valadas e de Mónegue, es dempuèi doas setmanas dins una èrsa de protèstas e de caumas, mai que mai dins los sectors del transpòrts e de l’educacion. Almens mièg milion de personas an tornat emplir aquesta dimenjada las carrièras de la principalas vilas per protestar contra la reforma de las pensions que la pensa d’impausar lo govèrn d’Édouard Philippe.
Lo cap de la Confederacion Generala del Trabalh (CGT), Philippe Martínez, a anonciat que los sindicats an decidit de contunhar las mobilizacions e las protèstas perque “lo primièr ministre a pas escotat çò que dison las carrièras”. De son caire, Philippe, a soslinhat que si que s’an fach de progrèsses e que lo govèrn es decidit a manténer son plans de metre fin als regims especials de retirada. Dins aquel sens, lo govèrn espèra que los sindicats signaràn una trèva per empachar pas los milions de desplaçaments previstes durant los jorns de Calendas. Un pache que qualques sindicats an refusat.
Los sindicats s’opausan als projèctes de Macron de racionalizar e d’unificar lo sistèma estatal de las pensions de retirada francesas, que significariá d’obligar los trabalhadors a retardar de dos ans l’edat de retirada, que passariá de 62 a 64 ans.
Una polemica reforma de las pensions de retirada
Se protèsta contra una polemica reforma de las pensions de retirada que vòl impausar un sistèma unic que faga desaparéisser los 42 regims de retirada existents a l’ora d’ara, segon lo mestièr.
Aquel nòu sistèma foncionariá per ponches, es a dire que l’argent que los salariats cotizan per pagar las pensions dels retirats seriá tresmudat en de ponches que se transformarián en una pension mesadièra lo jorn de la retirada. Los sindicats qualifican la reforma d’ultraliberala e asseguran que farà davalar fòrça las pensions. En mai d’aquò, la pension se recalcularà en foncion de la situacion economica e del PIB. Totes los ans comptaràn per la transformacion en ponches: tanben los ans de salaris fòrça basses, o los ans de caumatge o de pausas. Atal, los sindicats calculan qu’amb aqueles cambiaments las pensions demenirián d’entre un 20% a un 30%.
L’autre aspècte polemic de la reforma es lo retard concret de l’edat de retirada, qu’a l’ora d’ara es establit a 62 ans. Per pèrdre mens de sòus, fòrça gents serián d’efièch forçats de se retirar a 64 ans.
Macron renóncia a sa retirada de president e al Conselh Constitucional
Totun, per volontat d’apasimar las tensions, lo president Macron a anonciat que refusariá sa pension mesadièra d’unes 6000 èuros que la li deuriá pagar l’estat francés après son mandat presidencial, e que seriá pas al Conselh Constitucional coma i a drech tot èx-president de la republica. Los membres del Conselh Constitucional recebon una indemnitat de 13 500 èuros mesadièrs.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#8 Seguem precises : seu, es puslèu l'FSU, (se veètz çò qu'es, car vòstras conoissenças en sindicalisme semblan escarças ).
#7
Tè aqui la CGT (Caussigar, Gafolhar, Tripatolhar) la plaga contúsa de l'occitanisme !
#5 Lo MEDEF a parlat, per dire sempre çò meme. Qué manca d'imaginacion !
Nostras bandieras davant de la manifestacion per defensar las pensions e los trabalhadors, e temben se defensa lo nostre país.. E la lenga nostra cal que i sia tamben en las pancartas. Obriers e intelectuls ensems per la luita de la dignitat dels pobles.
#4
Segur, e d'apèi l'experiment de Suècia fa davalar las pensions, sobretot per çò que concernís la femnas..
Es que lo sistem per punt èra lo melhor sistem ?
Perqué pas un sistem per captalizacion ?
Lo sistem de repartcion actual es bazat sus lo sistem de Ponzi (montage financièr fròdulós), cossi n'en eissir, sariá la captalizacion, caldrà temps.
mai lo sistem de retirada es repartit sus mantun sistem mai deuriá èsser estantís.
Mas es europa que vòl un sistem per punt per fa davalar las pensions es clar dich e redich ! Macron aplica lo program de l'U.E.
Martinez prend son mond per colhons e tot aquò es un jòc de misca masca...!
Cossi diser "flou" en occitan ? benlèu brolhat ?
Una situacion brolhada, un brolhat artistic ?
Un brolhís ?
una situacion brolhíssa? , un brolhís artistic.....
de que n'en dison lo mond ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari