Actualitats
Apple, Google, Microsoft, Dell e Tesla menats en justícia pels enfants mòrts dins las minas de Còngo
Las familhas de 14 enfants mòrts o grèvament nafrats reclaman d’indemnitats pels mainatges mòrts e una compensacion addicionala perque las societats se son enriquidas injustament
Las familhas de 14 enfants mòrts o grèvament nafrats dins las minas de Còngo an denonciat a la justícia estatsunidenca qualques societats coma Apple, Google, Microsoft, Dell o Tesla, çò rapòrta The Guardian. Lor reclaman d’indemnitats pels mainatges mòrts e una compensacion addicionala per s’èsser enriquidas injustament. Tanben las acusan de negligéncia de las mesuras de seguretat e de lor aver ocasionat de grandas nafraduras emocionalas. La denóncia l’an facha davant lo tribunal de Washington per mejan d’International Rights Advocates.
“En luòc d’intervenir e d’ajudar aqueles menors amb una partida minimala de lors riquesa e poder, aquelas societats fan pas res e contunhan de beneficiar del cobalt bon mercat extrach per d’enfants als quals an raubat l'enfança, la santat, la fòrça, e mai la vida”, çò assegura lo gabinet dels avocats. S’agís d’una accion en justícia sens precedent.
D’organizacions umanitàrias coma Amnestia Internacionala o l’Unicèf denóncian dempuèi longtemps l’esplecha infantila dins las minas d’ont s’extrai de cobalt amb lo qual se farà de telefòns mobils. Mai del 60% de la produccion del cobalt ven de la Republica Democratica de Còngo, un dels païses pus paures e pus conflictius de la planeta. Lo cobalt es un element essencial per alimentar las batariás recargablas de liti utilizadas dins de milions de produches de las societats denonciadas.
L’accion en justícia assegura qu’aquelas multinacionalas denonciadas avián de “coneissenças precisas” que lo cobalt que s’emplegava dins lors dispositius proveniá de tenements minièrs ont de menors èran trabalhadors forçats dins de condicions perilhosas. Per aquela rason, considèra qu’aquelas societats tecnologicas son de complices. Lo cobalt es indispensable a las batariás de liti que las utilizan los mobils, los ordenadors portables e las veituras electricas
Los avocats denóncian tanben lo contrast entre las condicions de vida dins las minas e lo benèsser a l’entorn de la tecnologia: “L’espelida tecnologica a provocat una explosion de demanda de cobalt, mas, dins un dels contrastes mai extrèmes imaginables, lo cobalt l’extrason en Republica Democratica de Còngo, dins de condicions extrèmament perilhosas, de mainatges que lor pagan un o dos dolars per jorn.”
Segon Terry Collingsworth, l’avocat principal, “en 35 ans coma avocat dels dreches umans ai pas jamai vist d’abuses tan grèus e a tan granda escala contra d’enfants innocents. Cal metre lo ponch final a aquelas esglasiantas cruseltat e avarícia”.
Demest las familhas denonciairas trobam de testimoniatges esfraioses. Se parla de qualques enfants que se metèron a trabalhar perque lors familhas podián pas pagar 6 dolars mesadièrs per los mznar a l’escòla. Tras que sovent, de tunèls s’esfondran e entèrran qualques enfants e las familhas pòdon pas quitament recuperar los còrses. Podèm tanben mençonar lo cas d’un dròlle que venguèt paralitic en tombar dins lo potz d’una mina. Aqueste portava de ròcas de cobalt per la societat Kamoto Copper Company per 0,75 dolar jornadièr.
“En luòc d’intervenir e d’ajudar aqueles menors amb una partida minimala de lors riquesa e poder, aquelas societats fan pas res e contunhan de beneficiar del cobalt bon mercat extrach per d’enfants als quals an raubat l'enfança, la santat, la fòrça, e mai la vida”, çò assegura lo gabinet dels avocats. S’agís d’una accion en justícia sens precedent.
D’organizacions umanitàrias coma Amnestia Internacionala o l’Unicèf denóncian dempuèi longtemps l’esplecha infantila dins las minas d’ont s’extrai de cobalt amb lo qual se farà de telefòns mobils. Mai del 60% de la produccion del cobalt ven de la Republica Democratica de Còngo, un dels païses pus paures e pus conflictius de la planeta. Lo cobalt es un element essencial per alimentar las batariás recargablas de liti utilizadas dins de milions de produches de las societats denonciadas.
L’accion en justícia assegura qu’aquelas multinacionalas denonciadas avián de “coneissenças precisas” que lo cobalt que s’emplegava dins lors dispositius proveniá de tenements minièrs ont de menors èran trabalhadors forçats dins de condicions perilhosas. Per aquela rason, considèra qu’aquelas societats tecnologicas son de complices. Lo cobalt es indispensable a las batariás de liti que las utilizan los mobils, los ordenadors portables e las veituras electricas
Los avocats denóncian tanben lo contrast entre las condicions de vida dins las minas e lo benèsser a l’entorn de la tecnologia: “L’espelida tecnologica a provocat una explosion de demanda de cobalt, mas, dins un dels contrastes mai extrèmes imaginables, lo cobalt l’extrason en Republica Democratica de Còngo, dins de condicions extrèmament perilhosas, de mainatges que lor pagan un o dos dolars per jorn.”
Segon Terry Collingsworth, l’avocat principal, “en 35 ans coma avocat dels dreches umans ai pas jamai vist d’abuses tan grèus e a tan granda escala contra d’enfants innocents. Cal metre lo ponch final a aquelas esglasiantas cruseltat e avarícia”.
Demest las familhas denonciairas trobam de testimoniatges esfraioses. Se parla de qualques enfants que se metèron a trabalhar perque lors familhas podián pas pagar 6 dolars mesadièrs per los mznar a l’escòla. Tras que sovent, de tunèls s’esfondran e entèrran qualques enfants e las familhas pòdon pas quitament recuperar los còrses. Podèm tanben mençonar lo cas d’un dròlle que venguèt paralitic en tombar dins lo potz d’una mina. Aqueste portava de ròcas de cobalt per la societat Kamoto Copper Company per 0,75 dolar jornadièr.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
ME podètz remembra, se vos plai, la data exacta de l'abolicion de l'esclavatge ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari