Actualitats
Niça aculhirà una segonda escòla bilingüa ont se poirà estudiar en occitan
Segon la comuna, l’escòla en occitan niçard es “un mejan de s’integrar a Niça”, e mai “lo niçard torna prene la sieu plaça dins lo sistèma educatiu”
Niça aculhirà una segonda escòla bilingüa ont los escolans poiràn aprene en occitan e francés. S’agís de l’escòla mairala Fòntcauda, dins lo nòrd de la ciutat comtala, a partir de la rintrada de 2020. Las inscripcions començaràn en abril, çò rapòrta Nice-Matin.
“Fièrs de la nòstra lenga”, çò diguèt Jean-Marc Giaume, adjonch al cònsol delegat a l’educacion, en tot signar la convencion en nom de la vila. De l’autre costat, signèt Michel-Jean Floc’h, inspector e director academic dels servicis de l’educacion francesa dicha nacionala.
Segon Giaume, “es un combat personau de mai de 25 ans. Dau temps que se mestreja lo francés e li lengas regionali, s’obten en seguida mai d’aptituds per li lengas estrangieri”. A mai, segon l’elegit, l’escòla en occitan niçard es tanben “un mejan de s’integrar a Niça”, e mai “lo niçard torna prene la sieu plaça dins lo sistèma educatiu”.
Aquesta segonda escòla bilingüa jonh lo programa sonat “Niça XXI” consagrat a la transmission de la lenga e de la cultura pròprias de Niça dins los establiments escolars. Aqueste programa pertòca 154 escòlas de la ciutat.
“Fièrs de la nòstra lenga”, çò diguèt Jean-Marc Giaume, adjonch al cònsol delegat a l’educacion, en tot signar la convencion en nom de la vila. De l’autre costat, signèt Michel-Jean Floc’h, inspector e director academic dels servicis de l’educacion francesa dicha nacionala.
Segon Giaume, “es un combat personau de mai de 25 ans. Dau temps que se mestreja lo francés e li lengas regionali, s’obten en seguida mai d’aptituds per li lengas estrangieri”. A mai, segon l’elegit, l’escòla en occitan niçard es tanben “un mejan de s’integrar a Niça”, e mai “lo niçard torna prene la sieu plaça dins lo sistèma educatiu”.
Aquesta segonda escòla bilingüa jonh lo programa sonat “Niça XXI” consagrat a la transmission de la lenga e de la cultura pròprias de Niça dins los establiments escolars. Aqueste programa pertòca 154 escòlas de la ciutat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
D'aut, Nissa Rebèla !
Ben fait, ara anam! aissí es fa lo camin.
Malgrat tot çò que traversatz- torisme e urbanisacion descabestrats, demografia que vos acantona cada jorn mai en situacion de minoritat dins vòstre pròpi país, etc... sètz aquí a resisitir ! a voler servar e transmetre vòstra identitat d'Occitans- Niçards!
Un exemple per Occitània tota !
Bon vent a la Contea de Pelhon, de Mauris, .., e òsca a totes vos que, auèi, vos'n donatz tant per la dignitat del vòstre país....una part del nòstre a totes
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari