Actualitats
Començan de metre en libertat los independentistas catalans arrestats en setembre passat
Los an acusats de far partida d’un grop terrorista que se seriá preparat per far d’atemptats e ocupar lo Parlament de Catalonha, amb l’acòrdi de Puigdemont e Torra
La setmana passada, metèron en libertat, jos caucion, Xavier Duch, Eduard Garzón e Xavier Buigas, e per Nadal liberèron Alexis Codina e Ferran Jolis. Demòran encarcerats Germinal Tomàs e Jordi Ros que se prevei pasmens que seràn meses en libertat lèu. Pendent lo temps de detencion, los avocats an denonciat de tractaments inumans e un regim arbitrari d’isolament. Ara sembla que comença d’èsser evident que, tot comptat e rebatut, foguèt un montatge sens pròvas per criminalizar l’independentisme catalan.
Al moment de las detencions, los sèt independentistas foguèron acusats de far partida d’un grop armat sonat GAAR o Grops Armats d’Accion Rapida que se seriá preparat per far d’atemptats e per ocupar lo Parlament de Catalonha, amb l’acòrdi dels dos presidents de la Generalitat, Carles Puigdemont en exili e Quim Torra en foncions. Los mèdias espanhòls ne parlèron en fasent creire qu’avián trobat dins los ostals dels detenguts de produches per fabricar d’explosius, qu’en realitat èran de produches de netejatge abituals dins un ostal. Quitament lo president del govèrn espanhòl, Pedro Sánchez, exigiguèt publicament de Quim Torra que condemnèsse la violéncia e los terroristas. Ara Torra a dich que Sánchez deu demandar perdon après tantes devises difamatòris.
Difamació rere difamació, durant dies i dies vaig/vam ser acusats “d’emparar la violència”. Celebro que els empresonats del 23S surtin d’una presó on no haurien d’haver entrat mai. Molts han de demanar perdó. I el primer que ho ha de fer ha de ser el president Sánchez. https://t.co/Q1Bet6eIju
— Quim Torra i Pla (@QuimTorraiPla) December 27, 2019
D'@Albert_Rivera a @LaVanguardia: Les mentides més escandaloses publicades contra els @CDRCatOficialhttps://t.co/c0iUmQKfpT
— VilaWeb (@VilaWeb) December 27, 2019
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo primier es la libetat de los presoniers politics e los detenguts en setembre e tots los altras, 2on lo reconeissement de la Nacion Catalana, 3er Concert social,que los impostos los recapte la Generalitat e doni una decima part a Madrid. 4art blindatge de la cultura e la lenga de los atacs dels falangistas e franquistas. 5en reciclatge dels jutges dels tribunals politics. 6è Lo retorn de los exiliats. 7è Abolició dels peatges de las autopistas. 8è Las policias castelhanas non an de tenir cap funcion a Catalunha. 9è Abolicion dels tribunals castelhans. 10è Representacion exteriora de la Generalitat de Catalunha. 11è control de tots los mejans de comunicacion qu'emetin en Catalunha. 12è Creacion de la Banca Nacionala Catalana. 13è judici dels crims dels franquistes durant la guerra i la postguerra
Fasètz plan de nos prevenir, farem atencion!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari