Actualitats
De coctèls Molotov e boicòt mondial per una comèdia que presenta Jèsus coma gai
Lo filme brasilièr La primièra temptacion del Crist vòl èsser una comèdia que parodia la vida de Jèsus lo jorn de son trenten anniversari
Un grop terrorista ultradrechista brasilièr a revendicat una ataca amb de coctèls Molotov contra lo sit de la societat productritz de filmes Porta dos Fundos. L’ataca se passèt dins la matinada del 24 de decembre e causèt de damatges materials mas faguèt pas cap de victima.
L’ostal de produccion agarrit a produch lo filme entitolat La primièra temptacion de Crist, del realizaire Rodrigo Van Der Put, que vòl èsser una comèdia que parodia la vida de Jèsus lo jorn de son trenten anniversari e que presenta lo Crist coma un omosexual. Lo filme es disponible sus Netflix qu’avertís sus sa plataforma que s’agís d’un filme “especial” e “incorrècte”.
E mai s’es tenguda una campanha mondiala de desabonament de Netflix e una peticion sus Change.org per que se retire lo filme.
En seguida, publicam un vidèo de l’emission Primeiro Impacto del jorn de Nadal ont se pòt veire l’agression contra l’ostal de produccion, e puèi lo trailèr del filme en question.
L’ostal de produccion agarrit a produch lo filme entitolat La primièra temptacion de Crist, del realizaire Rodrigo Van Der Put, que vòl èsser una comèdia que parodia la vida de Jèsus lo jorn de son trenten anniversari e que presenta lo Crist coma un omosexual. Lo filme es disponible sus Netflix qu’avertís sus sa plataforma que s’agís d’un filme “especial” e “incorrècte”.
E mai s’es tenguda una campanha mondiala de desabonament de Netflix e una peticion sus Change.org per que se retire lo filme.
En seguida, publicam un vidèo de l’emission Primeiro Impacto del jorn de Nadal ont se pòt veire l’agression contra l’ostal de produccion, e puèi lo trailèr del filme en question.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Bon dieu de bon dieu ! Maria Magdalena èra un travesti!
Lo grup facha e la productora son lo mateis, es fan propaganda d'aquesta maniera. Per qu' aquesta pel·licula no l'aniria a veire ni sa maire, e per justificar los diners qu'han malgastat fan aquesta comedia.
Bof, es una provocacion contra una autra. Lo realizaire Van der Put a volgut faire lo mariol amb una provocacion gratisa e aisida en se fasent al passatge un pauc de publicitat. La vida legendària del Crist (s'aquel ome vengut mitologia a vertadièrament existit) a dempuèi de sègles servit d'alibi e de caucion a las pièjas derivas totalitàrias, que siague l'Inquisicion o l'exterminacion dels amerindians, per lo profièch mai grand d'aquesta sècta sado-maso de curats pedofils qu'a son cap a Roma. Ai pas pus de simpatia per lo provocator bobo Van der Put que per la cola d'usurpators enjuponats que dempuèi lo Vatican espleitan de longa la credulitat del mond. Amen, coma disia l'Autre.
#1 La desconstruccion de las religions que s’inscriu meilèu en un contèxte generau de contaralhasdelatatàbòrniofobia.
Per fin, una reaccion a la cristianofòbia.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari