Segon la tradicion de la Val d’Aran, lo primièr de genièr, quand doas personas se rescontran, se saludan en se disent “Bon jorn es aninòs!” Lo primièr qu’o ditz a drech de se far convidar a beure un còp per l’autre o de recebre d’el qualque sòu.
 
Fa qualques annadas, quand aquela tradicion èra plan viventa, la jornada èra plan trevada per las carrièras e las plaças del país. Los enfants anavan vesitar lors pairins per lor desirar una bona annada en tot cantar la cançoneta:
  Alavetz, lo pairin respondiá en tot pagar al filhòl las estrenas, qu’en aranés lor dison “aninòs”.
 

Bon dimars tà toti!  Segons era tradicion aranesa, eth 1r de gèr qu'ei eth dia des "aninòs". Quan dues se tròben, se saluden en tot díder “Bon jorn des aninòs!”. Eth prumèr a díde’c qu’a eth dret qu’er aute e li convide a quauquarren, o li dongue bèth sò. Erós 2020! pic.twitter.com/jUslO2Sqip

— Occitan aranés (@occitan_aranes) December 31, 2019

 

En 2020 non vos deishetz guanhar es aninòs! Eth maitin de Cap d’An ei tradicion ena Val d’Aran felicitar-se damb un “BON DIA DES ANINÒS!”.

Mossen Condò mos parle d’aguesta “costum aranesa” e la dèishe escrita en “Era Bouts dera Mountanho” en 1914. https://t.co/SJbQQrjwbZpic.twitter.com/R4RrIzRaBZ

— En Aranés (@EnAranes) December 30, 2019

 

Tanben la còla de Jornalet desiram una bona annada als legeires d’aqueste jornal.
 
Profecham tanplan de l’ocasion per demandar los “aninòs” a tot lo mond que nos legisson. Jornalet es possible gràcias al sosten economic e jornalistic dels legeires e benevòls, e per tant vos grandmercejam de nos sosténer en venent sòci dels Amics de Jornalet o ben de l’associacion ADÒC. Contribuiretz a far un mèdia mai independent e de melhora qualitat. Podètz tanben far un don en clicant aicí.