François Hollande reconeguèt publicament la sofrença infligida al pòble argerian pendent la colonizacion francesa. O diguèt en un discors que faguèt dijòus passat dins lo Parlament d’Argeria, pendent lo segond jorn de vesita oficiala en aquel país.
Pel president francés, la colonizacion es un sistèma “injust e brutal” ont se cometèt de massacres, e apondèt que cal establir la vertat sus çò que se passèt en Argeria pendent aquel periòde.
Dins aquel sens, Hollande parlèt dels masèls de Setif, Guelma e Kherrata, tres espisòdis que “demòran ancorats dins la consciéncia dels argerians, mas tanben dels franceses”.
Lo president francés soslinhèt que “l’istòria, e mai s’es tragica e dolorosa, deu èsser dicha”.
Aqueles mots d’Hollande son arribats dos meses après reconéisser l’assassinat de centenats d’argerians pendent una manifestacion a París, en 1961. Cal dire qu’es lo primièr president francés qu’o a fach.
Dins aquela via, per dobrir una nòva estapa de las relacions entre los dos estats, lo president francés prometèt de facilitar los procèsses d’expedicion de visats pels argerians que vòlgan anar en França.
Ça que la, Hollande evitèt de demandar d’excusas en nom de l’Estat francés e demandèt al Parlament argerian de tornar la pagina.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Primièr punt : l'Argeria ni mai lo Vietnam, pas mai que l'ex-URSS son pas jamai estats dirigits pel comunisme, mas sonque per de psicopats cinics qu'o se pretendèron èsser. Aquí tanben, caldriá una vista fòrça mai objectiva sus la question.
Segond punt : abans disiam "esclaus". Ara, disèm "salariats". Amb salaris de mèrda que bastan a grand pena per assegurar sonque lo qué-viure (e encara !) nos sèm pas tant aluenhats qu'aquò de l'esclavatge que jamai fogèt pas un element identificant de la cultura berbèra, ni mai araba, ni mai turca. La colonizacion menèt çò que menèt per dire d'arregar lo mond colonizat sul modèl francés, e non pas per espompir los pòbles ni mai los desliurar. S'ignorar se-meteis per engolir lo modèl francés, cultural, politic e linguistic es pas exactament "se desliurar de l'ignorança"… al mens dins mas consideracions personalas. Aquò segur, se pòt discutir. Mas mentrestant, jol modèl francés de "republica egalitària", los pòbles desapareisson tranquilament.
er'Algeria d'avant eths Franès n'existava pas ,que son eths Francès qui l'an heit aqueste pais. Avant er'intervencion der'armada francèsa ,er'arregion d'Alger e d' Oran qu'era un protectorat Turc ,eth governaire Turc que s'apèrava eth Bey d'Alger .Non cau pas desbrombà's eth motiu pricipau der'intervencion Francèsa , aqueth qu'èra sustot entà hèr estancar era pirateria barbaresca ,aqueths piratas que vièvan sus eras còstas mediteranencas entà prener esclaus crestians .Quan eths Francès e son arribats qu'an liberat milièrats d'esclaus crestians Espanhòus ,Italians e plan segur Francès deras còstas dera mediteranea (occitans) .Eths Francès qu'an heit eras infrasestructuras en Algeria ,rotas,inmòbles,escòlas ,espitaus,qu'an melhorat era santat ,er'educacion .Quan e son tornats dera guerra d'Indoxina quauques oficièrs Algerians formats per vietcòng comunisita qu'an volut er'independencia der'Algeria mentre que eth pòble madeix no la demandava pas .Ath mié punt de vista que caleré ua vista mes objectiva sus era colonisacion .
E qué ? La Gràcia l'auriá pertocat, lo Hollande, quora se maina de "la brutalitat de la colonisacion" ? UN sègle e mièg de brutalitat a Argeria, per uèit sègles tot o partida a Occitania… E per nosautres, penjats o non, la lucha contunha.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari