Actualitats
Lo darrièr campament d’Erectus
Malgrat que fins ara se pensèsse qu’aquestes ominids avián patit un escantiment general fa mai de 400 000 ans, a Ngandong, dins l’illa de Java, Homo erectus visquèt fins a fa sonque 108 000 ans
Los paleoantropològs son segurs de l’epòca que los neandertalians s’escantiguèron mas quora se passèt çò de meteis per una de las espècias umanas pus importantas de l’epòca preïstorica, Homo erectus? Après demorar de desenats d’annadas per discutir quora se debanèt aquò, ara una còla internacionala de cercaires a pogut confirmar qual es lo darrièr sit de la planeta amb d’Homo erectus: malgrat que fins ara se pensèsse qu’aquestes ominids avián patit un escantiment general fa mai de 400 000 ans, a Ngandong, dins l’illa de Java, Homo erectus visquèt fins a fa sonque 108 000 ans.
Per ansin, Homo erectus, una espècia ominida que comencèt de s’espandir per la planeta d’Africa estant fa près de 2 milions d’annadas auriá viscut, segon aquesta confirmacion paleoantropologica dels fossils trapats sul sit de Ngandong, fins a fa aperaquí solament 100 000 ans, çò que confirmariá tanben qu’una quatrena espècia d’ominid seriá demorada sus la planeta a la meteissa epòca que la nòstra, Homo sapiens sapiens, amb los neandertalians e los denisovans.
La tròba, confirmada dins la revista numerica Nature per una còla internacionala de cercaires de las universitats d’Iowa e Macquarie e l’Institut de Bandung, poguèt doncas situar l’existéncia d’aquela darrièra populacion d’Homo erectus a Java entre fa 117 000 e 108 000 ans.
La descobèrta es importanta car la majoritat dels scientifics actuals creson que l’escantiment general d’aquela espècia ominida se seriá passat 300 000 ans abans. Per confirmar la novèla datacion, los cercaires estudièron l’edat dels depauses de tèrra de Ngandong, las terrassas del flume Solo pròche de l’environament situat a l’entorn dels fossils animals caçats per Homo erectus, e 12 cranis d’aquela espècia trobats dins lo meteis luòc.
Lo darrièr campament d’Erectus
Aquelas novèlas donadas paleoantropologicas confirmarián doncas qu’Erectus demorèt en Indonesia fins a fa gaire: “Es lo darrièr luòc sus tota la planeta ont avèm trapat d’erectus, çò diguèt lo professor Russell Ciochon, de la facultat d’antropologia de l’Universitat d’Iowa. Podèm pas dire quora se debanèt l’escantiment general d’aquela espècia, mas çò que podèm dire es quora i aguèt lo darrièr campament, aumens, qu’ajam trapat fins a uèi”.
A mai, los cercaires, en tot estudiar las donadas arqueologicas d’autres cercaires dels ans 1930 an pogut determinar quora se passèt l’arribada d’Homo erectus dins l’illa de Java, abans de contunhar vèrs d’autres territòris. Homo erectus arribèt dins la region del flume Solo, a Java, fa 1,6 milion d’ans, quand i aviá de pradas erbosas.
“Fa 130 000 ans, totun, Java patiguèt un cambiament environamental prigond, çò apondèt Ciochon. I aguèt un tal cambiament de tipe de clima amb de pradas erbosas dobèrtas vèrs una selva tropicala qu’Homo erectus se poguèt pas adaptar a l’environament de l’illa. La fauna e flora del luòc cambièron tròp pels erectus”. (Legissètz la seguida)
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Per ansin, Homo erectus, una espècia ominida que comencèt de s’espandir per la planeta d’Africa estant fa près de 2 milions d’annadas auriá viscut, segon aquesta confirmacion paleoantropologica dels fossils trapats sul sit de Ngandong, fins a fa aperaquí solament 100 000 ans, çò que confirmariá tanben qu’una quatrena espècia d’ominid seriá demorada sus la planeta a la meteissa epòca que la nòstra, Homo sapiens sapiens, amb los neandertalians e los denisovans.
La tròba, confirmada dins la revista numerica Nature per una còla internacionala de cercaires de las universitats d’Iowa e Macquarie e l’Institut de Bandung, poguèt doncas situar l’existéncia d’aquela darrièra populacion d’Homo erectus a Java entre fa 117 000 e 108 000 ans.
La descobèrta es importanta car la majoritat dels scientifics actuals creson que l’escantiment general d’aquela espècia ominida se seriá passat 300 000 ans abans. Per confirmar la novèla datacion, los cercaires estudièron l’edat dels depauses de tèrra de Ngandong, las terrassas del flume Solo pròche de l’environament situat a l’entorn dels fossils animals caçats per Homo erectus, e 12 cranis d’aquela espècia trobats dins lo meteis luòc.
Lo darrièr campament d’Erectus
Aquelas novèlas donadas paleoantropologicas confirmarián doncas qu’Erectus demorèt en Indonesia fins a fa gaire: “Es lo darrièr luòc sus tota la planeta ont avèm trapat d’erectus, çò diguèt lo professor Russell Ciochon, de la facultat d’antropologia de l’Universitat d’Iowa. Podèm pas dire quora se debanèt l’escantiment general d’aquela espècia, mas çò que podèm dire es quora i aguèt lo darrièr campament, aumens, qu’ajam trapat fins a uèi”.
A mai, los cercaires, en tot estudiar las donadas arqueologicas d’autres cercaires dels ans 1930 an pogut determinar quora se passèt l’arribada d’Homo erectus dins l’illa de Java, abans de contunhar vèrs d’autres territòris. Homo erectus arribèt dins la region del flume Solo, a Java, fa 1,6 milion d’ans, quand i aviá de pradas erbosas.
“Fa 130 000 ans, totun, Java patiguèt un cambiament environamental prigond, çò apondèt Ciochon. I aguèt un tal cambiament de tipe de clima amb de pradas erbosas dobèrtas vèrs una selva tropicala qu’Homo erectus se poguèt pas adaptar a l’environament de l’illa. La fauna e flora del luòc cambièron tròp pels erectus”. (Legissètz la seguida)
Aqueste article es publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es que parlam de 108.000 ans coma se fos pauc temps e per lo que m'an contat solament ne portam 2000 ans. Que las culturas mai antigas coma la d'Egipte se poden enfilar fins a 'ls 5.000 ans e las messopotamicas fins a los 8 mil o non se pas quants ?. Als 10, 20 mil ja mos avem de ficar als talaiots, navetes, nuragues, que n'està ple de construccions a las Balears e pel Mediterrani ? E abans del 50 ,100 mil ? E ben segur qu' eran homo sapiens, e abans dels sapiens los erectus. Mas atura de pensar per què ja es de bades voler anar tan enrera.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari