Actualitats
Nòva campanha de micromecenatge per Jornalet: estrena de l'an nòu: 100 chècs de 20 èuros
Per aqueste an nòu, la còla dels Amics de Jornalet presentam nòstres vòts de bonaür e de santat a totes nòstres legeires e a totes los donators e de segur desiram la perseguida de la reüssita a nòstre grand jornal en linha, Jornalet
Una de las tradicions de nòstre país per començar l'annada es de donar l'estrena als mainatges, filhs e filhas, nebots e nebodas, filhòls e filhòlas. Jornalet, per nosautres sos legeires, es un pauc nòstre mainatge. Sèm nosautres que lo fasèm viure en tot lo legir e de còps en li donar la bilheta de banca.
Cada campanha de micromecenatge qu'avèm lançada a complit los objectius que nos èrem fixats. Se Jornalet encara fonciona e existís, podètz èsser segurs qu'es gràcias a vòstre dons.
Sabèm que lo periòde es dificil per cadun. La moneda manca de pertot, cadun compta la peçòta dins lo pòrtamoneda per arribar a la fin del mes. Sustot que lo primièr de genièr es la data causida pel govèrn francés per aumentar un fum de tarifas, aqueste quite govèrn que refusa —dirèctament o via sas sucursalas— de nos finançar. E la moneda manca tanben per nòstre jornal.
A Jornalet podèm pas comptar que sus la solidaritat dels legeires. Aquesta solidaritat vòstra, encara uèi la sollicitam en lançar aquesta campanha nòva de micromecenatge. Lo lèma n'es:
Estrena de l'an nòu: 100 chècs de 20 èuros
Avèm decidit d'orientar aquesta campanha non pas sul montant dels dons mas puslèu sul nombre de donators. Voldriam trapar 100 personas que nos farián un petit chèc o transferiment bancari de 20 èuros. L'objectiu es de recampar la soma de 2000 èuros qu'es lo minim per que Jornalet pòsca far fàcia a las escasenças financièras mai urgentas que son a mand de se presentar dins los jorns que venon.
Podètz enviar los chècs a l'adreiça seguenta:
O far un transferiment sus nòstre compte:
Per avança, siatz-ne mercejats. Endavant!
Los Amics de Jornalet
Cada campanha de micromecenatge qu'avèm lançada a complit los objectius que nos èrem fixats. Se Jornalet encara fonciona e existís, podètz èsser segurs qu'es gràcias a vòstre dons.
Sabèm que lo periòde es dificil per cadun. La moneda manca de pertot, cadun compta la peçòta dins lo pòrtamoneda per arribar a la fin del mes. Sustot que lo primièr de genièr es la data causida pel govèrn francés per aumentar un fum de tarifas, aqueste quite govèrn que refusa —dirèctament o via sas sucursalas— de nos finançar. E la moneda manca tanben per nòstre jornal.
A Jornalet podèm pas comptar que sus la solidaritat dels legeires. Aquesta solidaritat vòstra, encara uèi la sollicitam en lançar aquesta campanha nòva de micromecenatge. Lo lèma n'es:
Estrena de l'an nòu: 100 chècs de 20 èuros
Avèm decidit d'orientar aquesta campanha non pas sul montant dels dons mas puslèu sul nombre de donators. Voldriam trapar 100 personas que nos farián un petit chèc o transferiment bancari de 20 èuros. L'objectiu es de recampar la soma de 2000 èuros qu'es lo minim per que Jornalet pòsca far fàcia a las escasenças financièras mai urgentas que son a mand de se presentar dins los jorns que venon.
Podètz enviar los chècs a l'adreiça seguenta:
LOS AMICS DE JORNALET
6 carrièra Victor Hugo
11500 QUILHAN
6 carrièra Victor Hugo
11500 QUILHAN
O far un transferiment sus nòstre compte:
Per avança, siatz-ne mercejats. Endavant!
Los Amics de Jornalet
| fffff | fffff | |||||||||||||||||||||||||||||||||||||
| Jornalet rapòrta sas finanças de 2019 Intradas
Despensas
| ||||||||||||||||||||||||||||||||||||||
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 per'mor que son gasconobes. Ara que mendican lol.
Es pas trop pagat, lo redactor deu Jornalet, pecaïre. Perqué lo redactor redigís pas en occitan aranés en plaça de lengadocian? Estalviariá de sòus (exit lo corrector) e la lenga seriá mai institucionala per dire pas academica. .
Enfin una publication dels còmptes que parla de per se, sens besonh de devís miserabilista.
Siam factuals.
Les còmptes de JORNALET, çò es de l'ADÒC (suppausat que'ls de Los Amics de Jornalet sian neutres sul exercici e a la clausura) fan apparèisser un résultat negatiu de 5.916,08. Lequal es cobèrt de per una variacion negativa, una baissa de la tesaureria.
Le besonh es doble:
- comblar la manca de 2019
- cobrir le besonh de 2020, totas causas mai demorant egalas endacòm mai.
Son pas les 2000 euros de la crida que basten ; mos ne diratz mai...
Es clar que l'escotisson estatutari de 20 euros annadièr es insuffisent.
Les còmptes deurián detalhar les transferiments eissits dels Amics, en escotissons e dons, per fin budgetària e associativa (tenguda de la lista dels sòcis).
Per fin de facultar la gestion vòstra, farai, per començar, dos transferiments, un don e l'escotisson 2020, clarament especificats, de 20 cadun.
Jornalet a un besonh doble de visibilitat:
- d'equilibri 2020 de 6000 euros, escotissons e dons,
- de cobertura del dèficit 2019 de 6000 euros.
Se fa besonh d'un budget previsional 2020, basat 2019, e d'un seguiment messadièr de las entradas progressivas, per fin d'un adjustament responsible de part dels contribueires.
Plan mercés al jornalet per aquela transparencia.
Pr’aquò se pòt pas atal aronçar chifras e demandar d’argent.
Sabi ben, soi totjorn a recastinar ça diretz, es per lo ben e las bonas razons.
Deuriá i aver las dralhas de melhorenças, de que a per tòca de melhorar la còla de jornalet e subretot cossi.
Aquò es un punt mager, dins tot bilanç se troba propauzicion per melhorar le dequé.
S’ai plan comprés lo jornalet papièr nos còsta 2 832,50 € e rapòrta 3 139,50 € un benefici mendre de 307,00€. Me disi que i a segurament quicòm de melhorar e d’optimizar aqui.
La publicitat nos rapòrta 6,75% de las dintradas es pas pron, tanben convent de melhorar las causas.
Los salaris nos còstan 45,25% de las dintradas.
Los desplaçament en Occitània representan 24,73% de las dintradas d’argent.
Ai benlèu mal chifrat pr’aquò trobi una diferencia de 117,14€ dentre lo total de las dintradas e lo total de las eissidas, ai degut mal picar endacòm.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari