Lo general iranian Qasem Soleimani, cap de la Fòrça Quds de la Gàrdia Revolucionària d’Iran, e lo soscap de la coalicion de milícias majoritàriament shiitas iraquianas Unitats de Mobilizacion Populara, Abu Mahdí Al Muhandis, son estats assassinats aqueste divendres amb de missils a l’aeropòrt internacional de Bagdad. Los Estats Units an revendicat l’atemptat, segon un comunicat oficial qu’assegura que lo quite president, Donald Trump, a ordenat l’ataca amb la tòca de “dissuadir” Iran. Qualques oras après l’ataca, l’ambaissada dels Estats Units a Bagdad demandèt a totes los ciutadans estatsunidencs que quitèsson l’Iraq.
 
Dimars passat, de milièrs de manifestants ensagèron d’intrar dins l’ambaissada dels Estats Units en Iraq per protestar contra las darrièras atacas aerianas qu’a patidas la milícia shiita prò-iraniana dicha Movement de Resisténcia Islamica d’Iraq e tanben coneguda coma Kataeb Hezbollah o l’Hezbollah iraquian. Sul pic, Donald Trump prometèt un revenge del temps qu’acusava Iran de promòure la manifestacion.
 
Lo cap suprèm d’Iran, l’aiatollà Ali Khamenei, a menaçat los Estats Units d’un “revenge grèu” per l’assassinat del general Soleimani e a decretat tres jorns de dòl oficial. D’autra caire, lo president iranian, Hassan Rohani, a condemnat la mòrt del general e a dich qu’aquel “acte coard es un signe mai de la frustracion d’America e de son impoténcia sus la region”. Après l’agression, lo ministre dels Afars estrangièrs d’Iran, Mohammad Javad Zarif, aviá dich que l’ataca dels Estats Units implicava una “escalada estupida” e qu’èra “extrèmament perilhosa” perque èra dirigida contra “la fòrça mai eficaça que lucha contra l’Estat Islamic, lo Front Al Nursa e e Al Qaida”.
 
Segon la cadena de television Al Arabiya, lo bilanç de l’assaut es d’almens sèt personas tuadas, dont quatre ciutadans iraquians e tres libaneses. L’aeropòrt de Bagdad es ara barrat e an interromput la circulacion aeriana dins la capitala iraquiana. Lo Centre d’Informacion de Seguretat d’Iraq a dich dins un comunicat que los missils tombèron près de la sala de carga en incendiar dos veïculs.
 
D’autre latz, la cadena de television Al Sumaria a raportat que demest las personas nafradas i a dos soldats, e a precisat qu’”un dels missils es tombat près d’una bastissa de las fòrças de la coalicion internacionala”.
 
 

Iraq’s PM says the U.S. killing of Iranian General Soleimani violates a deal to keep U.S. troops in Iraq. There are about 5,000 U.S. troops stationed there.

He called it a “dangerous escalation that will light the fuse of a destructive war in Iraq, the region, and the world.” pic.twitter.com/gkZKPszhj8

— AJ+ (@ajplus) January 3, 2020

 

El líder suprem de l'Iran promet una venjança severa contra els EUA per la mort del general Soleimani, alt comandant dels Guardians de la Revolució de l'Iranhttps://t.co/hzvg2R6KZE

— TV3.cat (@tv3cat) January 3, 2020

 

 

U.S. Secretary of State Mike Pompeo said the strike that killed Qassem #Soleimani aimed to disrupt an ‘imminent attack’ that would have endangered Americans in the Middle East https://t.co/XEXkNXlwLt Due to usage restrictions, we will delete this clip in 24 hours pic.twitter.com/fqwWMWazcU

— Reuters (@Reuters) January 3, 2020