La Comission Electorala espanhòla ordenèt ièr de ser la destitucion del president de la Generalitat en foncions, Quim Torra, e que li foguèsse levada la condicion de deputat del Parlament de Catalonha. O faguèt en seguida d’un recors pausat pels partits de la drecha e de l’extrèma drecha espanhòlas, lo Partit Popular, Ciutadans e l’ultradrechista Vox. La Comission Electorala a davançat la decision de la Cort Suprèma: aquesta deu estudiar lo recors de l’avocat de Torra a prepaus de la decision de la Cort de Justícia de Catalonha que lo condemnèt a l’inelegibilitat per aver mantengut sul balcon del palais de la Generalitat una bandeiròla que demandava la libertat dels presonièrs politics, mentre que la Comission Electorala de l’estat espanhòl o li aviá enebit.
 
Ara aquela Comission Electorala a dich que cal daissar sens efièch la condicion de Torra coma deputat del Parlament de Catalonha e a transmés l’òrdre a la Comission Electorala de Barcelona per qu’aplique aquela inelegibilitat sul pic.
 
Qualques minutas puèi, aquela Comission decidiguèt de retirar la condicion d’eurodeputat a Oriol Junqueras e de lo manténer en preson e mai lo president del Parlament Europèu, David Sassoli, exigiguèsse de las autoritats espanhòlas qu’executèsson la senténcia de la Cort de Justícia de l’Union Europèa en Luxemborg que reconeissiá l’immunitat parlamentària de l’elegit e presonièr politic catalan.
 
Un ponch polemic lo moguèt la reaccion del cap del Partit Popular, Pablo Casado, qu’aviá publicat sus Twitter la decision de la Comission electorala qualques minutas abans qu’aquesta l’aguèsse comunicada.
 
D’esperar las reaccions de las institucions europèas.
 
 
Lo Parlament de Catalonha decidirà sul sòrt de Torra
 
Ara lo Parlament de Catalonha decidirà s’obesís a aquela decision o se defend lo president Torra. La majoritat dels partits del Parlament an manifestat lor sosten a Torra. Solament lo PP amb 4 deputats sus 135 e Ciutadans amb 36 votarián per la destitucion del president. Demòra de veire quina serà la posicion del Partit Socialista (17 deputats),  après l’acòrdi amb Esquèrra Republicana de Catalonha per que Pedro Sánchez pòsca èsser president del govèrn espanhòl.
 
De soslinhar que lo Parlament de Catalonha aviá ja demandat a la Comission Electorala que refusèsse los recorses en favor de l’inelegibilitat de Torra. Lo president de la cambra, Roger Torrent, precisèt qu’aquela sòrta de questions las deviá resòlver lo Parlament del temps que se remarcava divèrsas incompatibilitats de las decisions d’aquela Comission Electorala amb las foncions que, segon la lei, ten lo Parlament. Cossí que siá, lo Parlament considèra qu’es pas la Comission Electorala de l’estat espanhòl que deu resòlver l’afar car es un subjècte que pertòca pas lo regim electoral.
 
 
Reaccions
 
Las reaccions sul ret en sosten a Torra arribèron sul pic e son nombrosas. De soslinhar la fiulada sus Twitter del president en exili, Carles Puigdemont, que precisa que los darrièrs dos presidents de Catalonha los a destituits l’estat e non pas lo Parlament. “Se son acostumats a decidir qui deu èsser president e qui non. Pro”.
 
Long de tot Catalonha e Aran i aguèt d’acamps de sosten al president del temps que se teniá una reünion d’urgéncia al Palais de la Generalitat.
 
L’editorial de Vilaweb qualifica la decision de “còp d’estat contra la Generalitat” de Catalonha, assegura que “la polverièra a espetat” çò qu’es una “granda oportunitat” per l’independentisme catalan, mai que mai quand Espanha a decidit de desobesir a la justícia europèa.

 

El cap de l’Executiu compareix després que la Junta Electoral Central hagi acordat la seva inhabilitació https://t.co/QdrcIT0iKh

— Govern. Generalitat (@govern) January 3, 2020

 



 

La JEC també ha decidit contradir la doctrina del TJUE i impedir que @junqueras sigui eurodiputat. Un nou atac als drets fonamentals de centenars de milers de ciutadans que el van votar el passat 26 de maig.

— Roger Torrent  (@rogertorrent) January 3, 2020

 

Segur que hi ha gent que se’n alegra, oi? Doncs sapigueu que també és el vostre President. La vulneració i l’aberració antidemocràtica també va per vosaltres. Amb tu @QuimTorraiPla i amb tots els Presidents de #Catalunyahttps://t.co/6sxfCLRtmv

— Anna Geli  (@geli_anna) January 3, 2020

 

Intervé @epaluzie Som molt conscients del que s'està jugant avui. És un atac intolerable a la sobirania del Parlament i al poble de Catalunya. Aquesta decisió és totalment contrària a l'estat de dret, un abús de dret flagrant. #ObjectiuIndependènciapic.twitter.com/FWSL5POEJg

— Assemblea Nacional  (@assemblea) January 3, 2020

 

Davant l'enèsima vergonya només hi ha una opció: ser al costat del President @QuimTorraiPlahttps://t.co/HDsJB8sj5W

— Mireia Boya Busquet (@yeyaboya) January 3, 2020

 

Miserables! Després de perpetrar un cop d'estat inhabilitant el president @QuimTorraiPla, ara s'atreveixen a vulnerar els drets de l'Oriol @junqueras i de desafiar la Unió Europa. El TJUE va ser clar: Oriol Junqueras és eurodiputat i ha de ser alliberat. Prou!

— Carles Puigdemont (@KRLS) January 3, 2020

 

Suport massiu de la gent al MHP @QuimTorraiPla que surt a la Plaça Sant Jaume amb la pancarta de la inhabilitació. #albalcopic.twitter.com/LmxVylS0Nz

— Crida Nacional (@CridaNacional) January 3, 2020

 
 

Retiren la bandera espanyola del Palau de la Generalitat pic.twitter.com/g0wloAl2No

— David Cobo (@davidcobo_) January 3, 2020