CAPÇALERA PAIS INVISIBLE

Actualitats

Cultura

Lo jorn dels Reis Magues en Occitània

La fèsta consistís abitualament en un bon repais en familha e una còca al dessèrt que conten una fava dedins

| gérard
Lo jorn dels Reis Magues o Epifania es una fèsta tradicionala que se celèbra uèi en Aran e dins las Valadas. Mas a Mónegue e dins l’estat francés, lo 6 de genièr es un jorn obrant e l’Epifania se faguèt ièr.
 
En Occitània, la fèsta consistís de costuma en un bon repais en familha e una còca al dessèrt qu’i cap dedins una fava. Segon la tradicion, lo mai jove se deu metre jos la taula per designar la part de la còca que reven a cadun. Lo que trobarà la fava dins sa part vendrà lo rei de la fèsta.
 
 
En Aran
 
En Aran, los mainatges an escrich de letras als Reis Magues en lor demandant de presents, e las an remesas als postièrs reials que se tròban al país pendent Calendas. La velha, los tres Reis Magues desfilèron per Aran amb tot lor seguici dins la tradicionala “cavaucada”. Aqueste matin, los mai petits an trobat a l’ostal los presents que los Reis Magues e lors assistents lor an daissats.
 
 

Origina crestiana
 
E mai s’agisca d’una fèsta amb un aspècte mai que mai tradicional, l’origina es religiosa coma dins la majoritat de las tradicions del país. De l’origina crestiana de l’Epifania, ne parlèt Joan-Jacme Fénié dins Jornalet en decembre de 2013:
 
“L’Evangèli de Matieu parla deus magues d’Orient arribats a Jerusalèm. Lo rei Eròdes que’us prèga d’anar véder lo Ninòt vadut a Betleèm. Que segueishen la famosa estela tà trobar lo camin. Normau: qu’an per mestièr de léger dens lo cèu! Hòrt polits e arrespectuós, n’oblidan pas de portar presents au drollòt: aur, mirra e encens. Qu’es tot çò qu’an trobat en magazin. Apareishuts probablament au sègle IVu, los evangèlis apocrifs (comprenetz: los qui son en principi tienguts secrets) que parlan deu bueu e de l’ase. E, plan mei tard, los Reis Magues, dens la «Legenda Daurada», que son aperats Gaspar, Marchion e Bautesar.”
 


abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

francesc palma
4.

Efectivament es una de las causas tristas d'aquesta festa infantil , los que ja son un poc mai grans vesen la diferencia del regal dels paures al regals del ric. As tota la raçon Black Bloc Joe. Mas sempre los sol arribar qualque regal al paure, d'organizacions caritativas, encara que i a força diferència amb lo ric.

  • 1
  • 0
Black Blòc Joe
3.

#2 E se los reis non vòlon compartir amb los pichons paures sas riquesas subrabondosas, sabon, los pichonss paures qu'es pas en demorant plan savis que capitaràn de n'obténer qué que siá mai. Çò que volèm, o cal anar cercar. E de còps, a çò dels reis de bringa branga, unes caps, lor arriba de redolar…

  • 2
  • 0
francesc palma
2.

Air arribaren a Palma los Reis Mags a bord d'un veler que a mai de cent ans qu' es diu Rafel Verdera. Los nins e ninas estavan molt ilusionats, avui matin avien de veire los regals que los deissaren durant la nit. Mas els saben que si no s'an portat ben durant l'an, los regals seran magres.

  • 2
  • 0
oksitanlaştıramadıklarımızdanmısınız Apraquital, tresena tenda ont se banhan nusas las zègas a negrenuèch apèi lo tuc còsta lo riu
1.

Ençò de nosaus es de tradicion de tastar la còca siá ambe de champanha, siá ambe una botelha de Montbazillac.

  • 5
  • 0

Escriu un comentari sus aqueste article