Actualitats
Hong Kong: demandan de modificar los libres escolars per “empachar de futurs actes de violéncia”
Segon los critics, s’agiriá d’un assag d’escafar tota referéncia a las protèstas contra lo govèrn de Carrie Lam e en favor d’un sistèma democratic
De deputats pròchineses an presentat una proposicion de lei al Parlament d’Hong Kong per que se revise los libres escolars per tal d’“empachar de futurs actes de violéncia”. Segon los critics, se tractariá d’un assag d’escafar tota referéncia a las protèstas contra lo govèrn de Carrie Lam e en favor d’un sistèma democratic.
L’iniciativa l’a presentada la deputada Eunice Yung e, per ara, exigís la creacion d’un soscomitat al conselh legislatiu de la vila. “Los sètis pròchineses vòlon que nos calga una lópia per descobrir aqueles faches”, çò protestèt lo deputat Ted Hui a la television RTHK. “Aquel soscomitat quicharà las escòlas cada còp que se voldrà explicar çò que s’es passat o enregar una politica educativa liberala”, çò a plangut.
Ara per ara, lo sindicat dels ensenhaires de la vila i a pas reagit mas si qu’a dich que qualques professors an manifestat lor malèsser.
Las manifestacions contra lo govèrn d’Hong Kong comencèron fa mai de mièg an coma protèsta contra una lei que voliá favorir l’extradicion dels hongkongueses devèrs la China continentala. E, coma se passèt pendent la Revolucion dels Parapluèjas, las protèstas an derivat devèrs un clam en favor de la democracia e contra las ingeréncias de Pequin.
L’iniciativa l’a presentada la deputada Eunice Yung e, per ara, exigís la creacion d’un soscomitat al conselh legislatiu de la vila. “Los sètis pròchineses vòlon que nos calga una lópia per descobrir aqueles faches”, çò protestèt lo deputat Ted Hui a la television RTHK. “Aquel soscomitat quicharà las escòlas cada còp que se voldrà explicar çò que s’es passat o enregar una politica educativa liberala”, çò a plangut.
Ara per ara, lo sindicat dels ensenhaires de la vila i a pas reagit mas si qu’a dich que qualques professors an manifestat lor malèsser.
Las manifestacions contra lo govèrn d’Hong Kong comencèron fa mai de mièg an coma protèsta contra una lei que voliá favorir l’extradicion dels hongkongueses devèrs la China continentala. E, coma se passèt pendent la Revolucion dels Parapluèjas, las protèstas an derivat devèrs un clam en favor de la democracia e contra las ingeréncias de Pequin.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Las manifestacions en plan salvatge coma an fai los joves amb actes violents en locs publics, cresi qu' en una democràcia es poden far pas. E s'a d'ensenhar de far las manifestacions pacificament e demanant çò lo que vulgan.
En França an pas besonh de modificar los libres de francés e d'istòria: son dins la dralha del poder jacobin-totalitari dempuèi la debuta.
"Celui qui a le contrôle du passé a le contrôle du futur. Celui qui a le contrôle du présent a le contrôle du passé." De qual es aquesta devisa que resumis plan la toca del roman nacional made in Paris ? De George Orwell, dins "1984."
Modificar los libres escolaris per calibrar l'istoria a l'avantatge del regim en plaça, communisto-pekinès ailà, parisiano-jacobin al nostre . Es vertat que dins lo biais de farlabicar l'istoria per la faire cadrar amb l'ideologia dau poder, França ten un saupre-far qu'a sovent donat d'ideias a mai d'un dictator. Saique per un voler prigond d'egalar l'excellencia de l'Exception Française...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari