Actualitats
Iran: las funeralhas de Soleimani tornan al regim lo sosten popular
Una molonada tala s’èra pas jamai vista dempuèi las funeralhas del fondador de la Republica, l’aiatollah Khomeini. Totòm crida venjança
Las funeralhas del general iranian Qasem Soleimani assassinat pels Estats Units dins un atemptat a l’aeropòrt de Bagdad son vengudas una de las manifestacions mai massissas de l’istòria del país: en cridant venjança, amassan tant de partisans del regim teocratic iranian coma d’opausants, totes d’acòrdi per demandar que los Estats Units quiten l’Orient Mejan. D’efièch, l’assassinat de Soleimani a rendut al regim de Teheran lo sosten popular qu’aviá perdut.
Lo president iranian, Hassan Rohani, presidissiá la ceremònia ont se podèt veire e ausir lo cap esperital del país, Ali Khamenei, que plorèt davant lo còrs de Soleimani. En seguida, lo grand aiatollà prometèt que respostarián a l’ataca estatsunidenca.
Mentretant, per carrièras, de milièrs de personas s’acampavan, totas vestidas de negre, en reclamant lo revenge contra los Estats Units, Israèl e la dinastia As Saud de l’Arabia Saudita. Una molonada tala s’èra pas jamai vista dempuèi las funeralhas del fondador de la Republica, l’aiatollà Khomeini.
Las rèstas de Soleimani las an menadas a Qom, un luòc de pelegrinatge shiita. Aquí, sus la mosqueta, an issat un drapèl roge per mostrar lo sang escampat injustament. Aquela bandièra se retirarà pas fins que lo revenge siá complit.
Tragèdia: una avalanca umana
Las funeralhas an agut una fin tragica. Una avalanca umana a tuat almens 35 personas e n’a daissat una cinquantena de nafradas.
Lo Pentagòn e l’armada estatsunidenca declarats terroristas
Mentretant, lo parlament iranian a aprovat una resolucion que qualifica d’organizacions terroristas lo Pentagòn e totas las fòrças armadas estatsunidencas. De mai, a desblocat un fons de 200 milions de dolars pel revenge de l’assassinat del general.
Trump menaça de destruire d’objectius culturals d’Iran
Mentretant, als Estats Units, lo president Donald Trump a tornat menaçar de destruire d’objectius culturals d’Iran.
E mai faguèsse dos jorns qu’aviá escandalizat lo Mond en disent que destruiriá de bens culturals iranians, Trump, de retorn de sas vacanças en Florida, tornèt dire als jornalistas son idèa: “Los iranians pòdon tuar e torturar nòstras gents, mas nosautras podèm pas atacar sos tresaurs culturals? Es pas aital”. De ramentar qu’Iran a 24 tresaurs culturals declarats Patrimòni de l’Umanitat e que los bombardar seriá un crime de guèrra.
Dins un autre messatge, Trump menacèt tanben Iraq de “sancions draconianas jamai vistas fins ara” s’aquel país fòrabandissiá las tròpas estatsunidencas, coma o demandèt fa qualques jorns son parlament.
Lo president iranian, Hassan Rohani, presidissiá la ceremònia ont se podèt veire e ausir lo cap esperital del país, Ali Khamenei, que plorèt davant lo còrs de Soleimani. En seguida, lo grand aiatollà prometèt que respostarián a l’ataca estatsunidenca.
Mentretant, per carrièras, de milièrs de personas s’acampavan, totas vestidas de negre, en reclamant lo revenge contra los Estats Units, Israèl e la dinastia As Saud de l’Arabia Saudita. Una molonada tala s’èra pas jamai vista dempuèi las funeralhas del fondador de la Republica, l’aiatollà Khomeini.
Las rèstas de Soleimani las an menadas a Qom, un luòc de pelegrinatge shiita. Aquí, sus la mosqueta, an issat un drapèl roge per mostrar lo sang escampat injustament. Aquela bandièra se retirarà pas fins que lo revenge siá complit.
Tragèdia: una avalanca umana
Las funeralhas an agut una fin tragica. Una avalanca umana a tuat almens 35 personas e n’a daissat una cinquantena de nafradas.
Lo Pentagòn e l’armada estatsunidenca declarats terroristas
Mentretant, lo parlament iranian a aprovat una resolucion que qualifica d’organizacions terroristas lo Pentagòn e totas las fòrças armadas estatsunidencas. De mai, a desblocat un fons de 200 milions de dolars pel revenge de l’assassinat del general.
Trump menaça de destruire d’objectius culturals d’Iran
Mentretant, als Estats Units, lo president Donald Trump a tornat menaçar de destruire d’objectius culturals d’Iran.
E mai faguèsse dos jorns qu’aviá escandalizat lo Mond en disent que destruiriá de bens culturals iranians, Trump, de retorn de sas vacanças en Florida, tornèt dire als jornalistas son idèa: “Los iranians pòdon tuar e torturar nòstras gents, mas nosautras podèm pas atacar sos tresaurs culturals? Es pas aital”. De ramentar qu’Iran a 24 tresaurs culturals declarats Patrimòni de l’Umanitat e que los bombardar seriá un crime de guèrra.
Dins un autre messatge, Trump menacèt tanben Iraq de “sancions draconianas jamai vistas fins ara” s’aquel país fòrabandissiá las tròpas estatsunidencas, coma o demandèt fa qualques jorns son parlament.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Trump a ficat la pota de mala maniera : Lo mond s'a quedat sorprès de que lo President del EEUU actuàs coma los de l'estat Islamic, coma un terrorista de lo mai bais.
Segond: perquè avia de dire qu' el personalment avia donat l'ordre per qu' assassinasen al cap de las forças armadas junt a un parelh mais de personas de l'Iran, d'un país amb lo qual non estavan pas en guerra ? O es qu' a vegades es maten personalitats d'altres paisos qu' estan en patz amb los ianquis, sense lo permís del president ? Los ianquis son l'imperi del mal e la cia segurament los qu'an ficat a Trump en aqueste merder.
Dit aital "De mai, a desblocat un fons de 200 milions de dolars pel revenge de l’assassinat del general." Quina ironia ! De monedassa americana per motivar de tuaires gatjats e se venjar dels Americans !!! Amb una presentacion aital, los americans vençon qué que ne vire…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari