Actualitats
Iran ataca doas basas estatsunidencas en Iraq en responsa a l’assassinat de Soleimani
Lo cap suprèm d’Iran, Ali Khamenei, assegura que l’ataca sufís pas e que lo pas seguent es l’expulsion de l’armada estatsunidenca de l’Orient Mejan
L’Iran a atacat doas basas dels Estats Units coma respòsta a l’assassinat de Soleimani
El cap suprèm d’Iran, Ali Khamenei, a assegurat que l’ataca èra pas sufisenta e que lo pas següent seriá l’expression de l’armada estatsunidenca de l’Orient Mejan.
Iran bombardèt ièr de matin doas basas aerianas dels Estats Units en Iraq coma responsa a l’assassinat del general Qassem Soleimani. Dins aquelas installacions, situadas a Al Asad (oèst d’Iraq) e Arbela (Curdistan), i a agut de damatges materials. Ara per ara, an pas raportat cap de victimas, mas qualques mèdias iranians parlan de desenas de mòrts. La Gàrdia Revolucionària a revendicat l’assaut.
La Gàrdia Revolucionària a menaçat de novèlas atacas e a dich que los aliats dels Estats Units en Orient Mejan son lors complices. Una de las tòcas es Israèl. Lo Pentagòn a confirmat que la basa d’Al Asad a recebut l’impacte d’almens sièis missils. L’installacion, que foguèt fa gaire vesitada per Donald Trump e Mike Pence, aparten als Estats Units dempuèi l’invasion d’Iraq en 2003. Se calcula qu’aculhís unes 1500 soldats.
Lo ministre dels afars estrangièrs iranian, Javad Zarif, declarèt que l’atac èra una responsa “proporcionada” d’autodefensa aparada per l’article 51 de la Carta de las Nacions Unidas. “Cercam pas una escalada ni la guèrra, mas nos defendrem de quina agression que siá”, çò apondèt.
D’autra caire, lo president dels Estats Units, Donald Trump, diguèt sus Twitter que lo personal militar èra a far “l’avaloracion de las victimas e dels damatges”. Segon el, “tot es plan”, e Trump a remembrat que los Estats Units an “las fòrças militaras mai poderosas e melhor esquipadas del Mond”. E mai faguèt una declaracion publica.
Iran took & concluded proportionate measures in self-defense under Article 51 of UN Charter targeting base from which cowardly armed attack against our citizens & senior officials were launched.
— Javad Zarif (@JZarif) January 8, 2020
We do not seek escalation or war, but will defend ourselves against any aggression.
Iran took & concluded proportionate measures in self-defense under Article 51 of UN Charter targeting base from which cowardly armed attack against our citizens & senior officials were launched.
— Javad Zarif (@JZarif) January 8, 2020
We do not seek escalation or war, but will defend ourselves against any aggression.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L'ataca terrorista ianqui contra un país amb lo que non estavan en guerra, e sensa previ avís, a tuat com a minim a duas personas e feridas a altras. L'ataca iranià de responsa a pas tuat ni ferit a ningú. Lo govern iranià a donat mostra de senh e d'aver responsabilitat del que fan.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari