La vila de Tolosa commemorèt divendres passat lo 831n anniversari de la signatura d’una carta istorica. Lo 6 de genièr de 1189, lo comte Ramon V liurèt los podèrs civils al pòble de Tolosa, après una revolucion borgesa. Lo poder lo prenguèron los capítols, los dotze oficièrs municipals de la ciutat mondina que bastirián lo Capitòli. La Republica de Tolosa representèt lo pòble tolosan fins a sa dissolucion pendent la Revolucion Francesa.
 
A l’ocasion d’aquel anniversari, la Sala dels Illustres del Capitòli de Tolosa aculhiguèt una ceremònia de commemoracion amb la participacion del cònsol màger de Tolosa, Jean Luc Moudenc, e de Joan-Francés Laffont, president de Convergéncia Occitana. L’acte s’acabèt amb la lectura d’extraches de la Carta pels calandrons de la Calandreta de Còsta Pavada e del Collègi Calandreta, e amb los cants de Les Mâles au Choeur.

 


 

Commémoration de la signature de la Charte des Libertés Communales de #Toulouse avec J-F Laffont, pdt de Convergéncia Occitana. Il y a 830 ans se jouait ici l’acte fondateur de notre Cité qui a fait école de démocratie. Ns célébrons aujrd’hui l’identité & l’exception toulousaines pic.twitter.com/mLLGBJwbcY

— Jean-Luc Moudenc - Page institutionnelle (@jlmoudencmaire) January 10, 2020